National Geographic فيلم تۇسىردى

1122
0
بولىسۋ:

National Geographic تەلەارناسى استانا تۋرالى 45 مينۋتتىق دەرەكتى فيلم تۇسىردى. فيلمدە حان شاتىر, بايتەرەك, ن.نازارباەۆ اتىنداعى حالىقارالىق استانا اۋەجايى, سونداي-اق جاڭا تەمىرجول ۆوكزالى سيياقتى استانا قالاسىنىڭ ەرەكشە ساۋلەت نىساندارى كورسەتىلەدى. فيلم بارىسىندا نەگىزگى نازار الەمدەگى ەڭ ۇلكەن سفەرالىق عيمارات – EXPO – 2017 كورمەسىنىڭ ارحيتەكتۋرالىق سيمۆولىنا اينالعان «نۇر الەم» پاۆيلونىنا اۋدارىلادى. دەرەكتى فيلم – دۋبايداعى «بۋردج-حاليفا», كۋالا-لۋمپۋرداعى پەتروناس, لا-مانش بۇعازىنداعى ەۋروتوننەل سىندى الەمنىڭ اتاقتى عيماراتتارىنىڭ قۇرىلىس تاريحى كورسەتىلەتىن «مەگا عيماراتتار» دەرەكتى سەريالىنىڭ بىر ەپيزودى.

National Geographic Partners, ەۋ­روپا – افريكا بولىمىنىڭ اتقارۋشى ۆيتسە-پرەزيدەنتى دەبورا ارمسترونگ في­لمنىڭ ەۋرازييا اۋماعىندا 2 جىل بويى كورسەتىلەتىنىن ايتتى.
– فيلمنىڭ تۇساۋكەسەرى نەگىزگى National Geographic channel ارنا­سىن­دا وتەدى جانە ۇلىبريتانييا, يتا­لييا, يسپانييا, پولشا, سين­گا­پۋر, ۇن­دىس­تان سەكىلدى بارلىق ەۋ­را­زييا اۋما­عىن­دا ەكى جىل بويى كور­سە­تى­لەدى, – دەدى ول.
فيلمنىڭ العاشقى كور­سە­تىلىمى EXPO – 2017 حالىقارالىق ما­مان­دان­دىرىلعان كورمەسى اياسىن­دا ۇلت­تىق كۇن ساحناسىندا وتتى. فيلم­­نىڭ الەمدىك تۇساۋكەسەرى 10 تا­مىز كۇنى 40 مەم­لەكەتتە 22 تىلدە كور­سەتىلەدى.

بولىسۋ:

پىكىر جازۋ


*