دامۋ كورسەتكىشتەرى ەكونوميكانىڭ وسىمىن ايعاقتادى

1361
0
بولىسۋ:

نۇرسۇلتان نازارباەۆ پرەمەر-مينيستر باقىتجان ساعىنتاەۆتى قابىلدادى.

كەزدەسۋ بارىسىندا مەملەكەت باس­شى­سى­نا بيىلعى 7 ايدىڭ قورىتىندىسى بويىن­شا ۇكىمەتتىڭ اتقارعان جۇمىسى جو­نىندە ەسەپ بەرىلدى.
قازاقستان پرەزيدەنتى ەلىمىزدىڭ ەكو­نو­ميكالىق دامۋ كورسەتكىشتەرى وسىپ كەلە جات­قانىن ايتىپ, مەملەكەتتىك جانە سا­لالىق باعدارلامالاردى ودان ارى ىسكە اسىرۋ­دىڭ ماڭىزدىلىعىن اتاپ وتتى.
– مەنىڭ تاپسىرمام بويىنشا ەلى­مىز­دىڭ بىرنەشە وڭىرىن ارالاپ شىقتىڭىز. جال­پى, تۇراقتى احۋال بايقالۋدا. ال­دى­مىز­دا ەگىن ورۋ ناۋقانى تۇر. ونى تيىستى دەڭ­گەيدە جۇرگىزۋىمىز قاجەت, – دەدى ەلباسى.
نۇرسۇلتان نازارباەۆقا 7 ايدىڭ قو­رى­تىندىسى بويىنشا ەكونوميكانىڭ دامۋ بارىسى جانە باعدارلامالاردىڭ ارا­لىق ناتيجەلەرى جونىندە مالىمدەلدى.
– ەكونوميكالىق وسىم 4,2%-دى قۇراپ وتىر. وندىرىس سالاسىنداعى كورسەتكىشتەر مۇ­ناي وڭدەۋ دەڭگەيى تومەندەگەن قى­زىل­وردا جانە ماڭعىستاۋ وبلىستارىنان باس­قا ەلىمىزدىڭ بارلىق وڭىرىندە 100 پايىز­دىق مولشەردەن استى. بىز قازىرگى ۋا­قىتتا بۇل وڭىرلەرگە جاڭا رەزەرۆ كوز­دەرىن جۇمىلدىرۋ ماسەلەسى بويىنشا جۇ­مىستار جۇرگىزىپ جاتىرمىز.
نەگىزگى كاپيتالعا ينۆەستيتسييا تارتۋ ما­سەلەسى بىلتىرعى وسى كەزەڭمەن سالىس­تىر­عاندا 3,7% وسىم كورسەتتى.
بارلىق وڭىرلەردە كورسەتكىشتەر جاق­سى. ينفلياتسييا دەڭگەيى بيىلعى ماۋسىم ايى­مەن سالىستىرعاندا 0,1%-عا وستى. ازىق-تۇلىك باعاسى 0,5%-عا تومەندەگەنىن اتاپ وتكىم كەلەدى. جۇمىسسىزدىق دەڭگەيى 4,9%-دى قۇراپ وتىر, – دەپ باياندادى
ب.سا­عىنتاەۆ.
سونىمەن قاتار پرەمەر-مينيستر ين­دۋست­رييالاندىرۋ باعدارلاماسىنىڭ ىس­كە اسىرىلۋى جونىندە ەسەپ بەردى. ونىڭ ايا­سىندا بيىلعى بىرىنشى توقساننىڭ قو­رىتىندىسى بويىنشا 31 جوبا ىسكە قو­سىلدى. ب.ساعىنتاەۆتىڭ مالىمەتىنە ساي­كەس, ەكىنشى توقساندا جاڭا 10 مىڭ جۇ­مىس ورنىن قامتيتىن 100 جوبانى ىسكە اسىرۋ جوسپارلانىپ وتىر.
– ەكونوميكانىڭ وسۋىنە «نۇرلى جول» باع­دارلاماسىنىڭ ىسكە اسىرىلۋى زور ۇلەس قوسىپ وتىر. بيىل اۆتوموبيل جول­دارى­نىڭ قۇرىلىسىنا 356 ميلليارد تەڭگە قاراس­تىرىلعان. سونداي-اق قازىر 600 شا­قىرىم جول ىسكە قوسىلدى. جىل سوڭىنا دەيىن 469 شاقىرىم جول اقىلى بولماق. العاش رەت وسىنداي جۇيەگە قوسىلعان اس­تانا – بۋراباي تاس جولى جىلىنا 1,5 ميل­ليارد تەڭگەگە دەيىن پايدا اكەلىپ, ونىڭ قۇرىلىسىنا جۇمسالعان قاراجاتتى اقتاپ وتىر. قازىر استانا – تەمىرتاۋ تاس جولىن وسى جۇيەگە قوسۋ جۇمىستارى جۇرگىزىلۋدە, – دەدى پرەمەر-مينيستر.
سونداي-اق ب.ساعىنتاەۆ «نۇرلى جەر» باع­دارلاماسىنىڭ ورىندالۋ ناتيجەلەرى تۋرالى باياندادى. ونىڭ اياسىندا بيىل 10,2 ملن شارشى مەتر تۇرعىن ۇي سالۋ جوس­پارلانعان. پرەمەر-مينيستردىڭ مالى­مە­تىنە سايكەس, بىرىنشى جارتىجىلدىقتىڭ قو­رىتىندىسى بويىنشا 5,5 ملن شارشى مەتر­دى قامتيتىن قۇرىلىس جۇمىستارى اياق­تالعان.
مەملەكەت باسشىسىنا اۋىل شارۋا­شى­لىعىنداعى باعدارلامالاردىڭ ىسكە اسى­رىلۋى تۋرالى ەسەپ بەرىلىپ, ەل ەكو­نو­ميكاسىن نەسيەلەندىرۋ جونىندە مالىمەت ۇسى­نىلدى.
سوڭىندا قازاقستان پرەزيدەنتى ۇكى­مەت پەن اكىمدەردىڭ الدىنا قويىلعان مىن­دەتتەردى ورىنداۋدى جالعاستىرۋدى تاپ­سىرىپ, بۇل رەتتە وسىمنىڭ وڭ قارقىنىن ساق­تاۋدىڭ جانە بولىنگەن قاراجاتتى يگە­رۋدىڭ ماڭىزدىلىعىنا توقتالدى.
– ۇكىمەت قىزۋ جۇمىس جۇرگىزىپ وتىر دەپ ەسەپ­­تەيمىن. جىلدى جاقسى ناتي­جە­لەر­مەن قو­رىتىندىلاۋ ۇشىن بارىڭىزدى ۇيىم­شىل­دىقپەن جۇمىس ىستەۋگە شاقىرا­مىن. تاۋە­كەلدى تۇستار دا جوق ەمەس. ەنەر­گييا تاسى­مال­داۋشىلارىمىزعا, شيكىزات ونىم­دەرىنە دە­گەن باعانىڭ وزگەرىسى. بال­كىم, باتىستىڭ رە­سەيگە قاتىستى سانك­تسييا­لارى اسەر ەتەر. وسىنى ەسكەرۋ قاجەت, – دەدى ەلباسى.

بولىسۋ:

پىكىر جازۋ


*