«دالا قىرانى» جاتتىعۋى اياقتالدى

1079
0
بولىسۋ:

الماتى تۇبىندەگى «ىلە» اسكەري پوليگو­نىن­داعى «دالا قىرانى – 2017» حالىقارالىق بىتىمگەرشىلىك جاتتىعۋى اياقتالدى. 

قازاقستان قورعانىس مينيسترى گەنەرال-پولكوۆنيك ساكەن جاسۇزاقوۆتىڭ جەتەك­شى­لىگىمەن وتكەن «دالا قىرانى – 2017» حا­لىق­ارالىق بىتىمگەرشىلىك جاتتىعۋىنىڭ اياق­تالۋ سالتاناتىنا وقۋ-جاتتىعۋعا قاتىسۋشى مەم­لەكەتتەردىڭ وكىلدەرى, سونىڭ ىشىندە اس­كەري-ديپلوماتييالىق كورپۋستىڭ باس­شى­لارى ناتو-نىڭ اسكەري ساراپشىلارى مەن اقش, ۇلىبريتانييا بىرىككەن كورولدىگى جانە سولتۇستىك يرلاندييا, تۇركييا رەسپۋب­لي­كاسى, تاجىكستان رەسپۋبليكاسى جانە قىر­عىزستان رەسپۋبليكاسىنىڭ قارۋلى كۇش­تەرىنىڭ باقىلاۋشىلارى قاتىستى.
– مەملەكەت باسشىسى نۇرسۇلتان نازارباەۆ بۇۇ-نىڭ قاۋىپسىزدىك كەڭەسىنە ۇن­دەۋىندە اتاپ وتكەندەي, قازاقستان بۇۇ-نىڭ بىتىمگەرشىلىك جۇيەسىن ودان ارى جەتىل­دىرۋىن قولدايدى جانە بۇۇ-نىڭ بەيبىت­شى­لىكتى تۇراقتاندىرۋ بويىنشا بىتىمگەرشىلىك ميسسييالارىنىڭ قاتارىندا بولاتىن وز اسكەري باقىلاۋشىلارىنىڭ سانىن كوبەيت­پەك. وسىعان بايلانىستى بىز بىرلەسكەن
بى­تىم­­گەرشىلىك دايىندىقتاردى جالعاستىرا بە­رەمىز. بۇگىن مارەگە جەتىپ وتىرعان «دالا قى­رانى» تاكتيكالىق ارنايى وقۋ-جات­تىعۋى سونىڭ نەگىزگى بۋىنى. «دالا قىرانى» حا­لىقارالىق وقۋ-جاتتىعۋىن وتكىزۋ – قا­تىسۋشى مەملەكەتتەردىڭ جەدەل ۇيلەسىم­دىلى­گىن جانە ىنتىماقتاستىقتى نىعايتۋ دەڭ­گەيىن ارتتىرۋدىڭ ماڭىزدى قۇرالى بولىپ تا­بىلادى, – دەپ اتاپ وتتى قازاقستان قور­عانىس مينيسترى قاتىسۋشىلاردىڭ الدىندا سوي­لەگەن سوزىندە.


ناتو-نىڭ ىنتىماقتاستىق جانە اي­ماق­تىق قاۋىپسىزدىك باسقارماسىنىڭ ديرەك­تورى, گەنەرال-مايور يان توفت وز كەزەگىندە, حا­لىقارالىق دەڭگەيدەگى وقۋ-جاتتىعۋدى ۇيىم­داستىرۋشىلارعا العىسىن بىلدىردى جا­نە وقۋ-جاتتىعۋى شەڭبەرىندە «جەدەل الەۋەت تۇجىرىمداماسى» باعدارلاماسى بويىن­شا ستاندارتتارعا سايكەستىگىن دالەل­دەگەن قازاقستاندىق «قازبات» بىتىمگەرشىلىك باتالونى جەكە قۇرامىنىڭ دايىندىق دەڭگەيىنە ناتو وكىلدەرىنىڭ رەسمي بەرگەن وڭ باعاسىن بارشاعا جارييالادى.
«دالا قىرانى» تاكتيكالىق ارنايى وقۋ-جات­تىعۋى «قازباتتىڭ» قاتىسۋىمەن 2003 جىل­­دان باستاپ وتكىزىلىپ كەلەدى. 2012 جىل­دان باستاپ, «بەيبىتشىلىك جولىنداعى ارىپ­تەستىك» شەڭبەرىندە وتەتىن وقۋ-جاتتىعۋعا قا­تىسۋشىلاردىڭ كوبى تارتىلا باستادى. بىزدىڭ بىتىمگەرشىلىك باتالونىمىز جىل سايىن جاقسى ناتيجەلەردى كورسەتىپ جۇر. بۇل كۇندەرى قارۋلى كۇشتەرىمىزدىڭ «قاز­بات­تان» باسقا بىرنەشە اسكەري بولىم­شەلەر حا­لىقارالىق جارىستارعا قاتىسىپ, ال­دىڭعى ورىنداردان كورىنۋدە.


قازاقستاندىق جاۋىنگەرلەر قازىرگى كەز­دە «وتار» 40-اسكەري بازانىڭ اۋماعىندا وتىپ جاتقان تاعى بىر حالىقارالىق شارا – ار­مييا ويىندارىنا قاتىسۋدا. قازاقستان قارۋلى كۇشتەرى قىزمەتكەرلەرىنىڭ قۇراما كومان­داسى «مەرگەندەر شەبى» بايقاۋىنىڭ ال­عاشقى ۇش جاتتىعۋ ناتيجەسى بويىنشا الدا كەلە جاتىر. جارىسقا قاتىسۋشىلار نى­سانانى دال كوزدەپ اتۋدان وزدەرىنىڭ كاسى­بي شەبەرلىكتەرىن كورسەتتى. بايقاۋدىڭ بۇل تۇرىنە قاتىسۋشى ەلدەردىڭ سانى بىلتىر­عى­دان كوبەيىپ, وزبەكستان, وڭتۇستىك افريكا رەس­پۋبليكاسى, تايلاند, بانگلادەش جانە ازىر­بايجان قوسىلدى.
قىتاي ەلىندە قازاقستان, قىتاي, يران, رە­سەي جانە وڭتۇستىك افريكا رەسپۋبليكاسى قارۋلى كۇشتەرىنىڭ دەسانتشىلارى وزارا جا­رىسىپ جاتىر. قازاقستاندىق دەسانت­شى­لار «دەسانتتىق ۆزۆود» بايقاۋىنىڭ ەكىنشى كە­زەڭىندە قىتاي حالىق-ازاتتىق ارمييا­سىنىڭ جاۋىنگەرلەرىنەن كەيىن ەكىنشى ورىندى يەمدەندى. التى ەلدىڭ دەسانتشى-جاۋىنگەرلەرى جەكە قارۋلارىمەن 3 شا­قىرىم قاشىقتىققا مارش جاساپ, ۋاقىتقا جۇگىردى. سايىس بارىسىندا ولار وقتان دا, وتتان دا, سۋدان دا وتىپ, بارلىق كەدەرگىلەردى ارتقا تاستادى. بىزدىڭ دەسانتشىلار ناعىز جاۋىنگەرلىك رۋحتارىن, قايسارلىقتارىن كورسەتتى.
قازاقستان اسكەري-تەڭىز كۇشتەرىنىڭ تەڭىز­شىلەرى حالىقارالىق ىنتىماقتاستىق جوسپارىنا سايكەس, باكۋ قالاسىندا ازىربايجاندىق تەڭىزشىلەرمەن تاجىربيە ال­ماسىپ, بىرلەسكەن سۋاستى دايىن­دىق­تارىنان وتۋدە. بىرلەسكەن جاتتىعۋلار بارى­سىندا ولار سۋ استىنداعى اپاتتى جاعدايلار جانە ىزدەستىرۋ-قۇتقارۋ جۇمىستارىنىڭ تەحنيكالارىن پىسىقتاپ, تاجىريبە جي­ناقتاۋدا. جاتتىعۋدىڭ باعدارلاماسىنا تەرەڭ سۋدىڭ تۇبىندە دانەكەرلەۋ جۇمىس­تارىن جۇرگىزۋ, ارنايى «بك» باروكامەراسىن جانە «سكۋبا» سۋ استىندا تىنىس الۋ قۇرا­لىن پايدالانۋ كىرەدى. قازاقستان قارۋلى كۇشتەرىنىڭ ار سالاداعى جاۋىنگەرلىك بولىم­شەلەرى وسىلايشا, وز باعىتتارى بويىنشا حالىقارالىق جارىستارعا قاتىسىپ, الەمدىك دەڭگەيدەگى سىناقتاردان وتۋدە. جاۋىنگەر­لەرىمىزدىڭ ۇلكەن دودادا كورسەتىپ جاتقان ناتيجەلەرى جامان ەمەس.

قايىرجان تورەجان

بولىسۋ:

پىكىر جازۋ


*