2 ميلليونىنشى قوناق

1343
0
بولىسۋ:

«استانا EXPO – 2017» ۇق» اق باسقارما توراعاسى احمەتجان ەسىموۆ ەكى ميلليونىنشى كەلۋشىنى وزى قارسى الىپ, ەستەلىككە سىيلىقتار تابىستادى. كورمە جۇرىپ جاتقان 56-كۇنى كەلگەن قوناق – ورالدىق جەكە كاسىپكەر عايسا جۇماليەۆ.

عايسا جۇماليەۆ كورمەگە وسى­مەن ەكىنشى رەت بيلەت ساتىپ العان. EXPO – 2017 كورمەسى اياسىندا وتىپ جاتقان باتىس قازاقستان وبلىسى­نىڭ مادەني كۇندەرىنە ارنالعان كەشكى كونتسەرتكە كەلگەن. 6 جىل شەتەلدە ومىر سۇرگەن عايسا ۇشىن حالىقارالىق شارانىڭ قازاقستان­دا وتۋى – ۇلكەن ماقتانىش.
– ەكى جىل لوندون بيزنەس مەك­تەبىندە وقىدىم. انگلييادا 4 جىل جۇمىس ىستەدىم. ەلگە ورالعالى ورالدا جەكە كاسىپكەرلىكپەن اينا­لىسامىن. قازىر استانا قالاسىندا ىسساپاردا جۇرمىن. جاڭا عانا با­تىس قازاقستان وبلىسىنىڭ ونەر­پاز­دارىنىڭ كونتسەرتىن كورۋگە كەشكى بيلەتتى 2500 تەڭگەگە ساتىپ ال­عانمىن. ساتتى بيلەتتىڭ يەسى بولا­مىن دەپ ويلاماپپىن. چەحييا پاۆيلونىن ارا­لاپ ۇلگەردىم. سودان سوڭ باس­پاسوز ورتالىعىنىڭ جۋرناليس­تەرىمەن كەزدەسۋگە الىپ كەلدى. وتە قۋا­نىشتىمىن! الەم حالىقتارىن جيناعان مۇنداي شارا – كوپتەگەن تۋريستىڭ ەلىمىز تۋرالى جاقسى اقپارات الۋىنا, ەلىمىزگە كەلۋىنە جاعداي جاسادى, – دەيدى ول.
«استانا EXPO – 2017» ۇق» اق باسقارما توراعاسى احمەتجان ەسىموۆ ەلباسىنىڭ جوباسى وي­داعىداي جۇزەگە اسىپ جاتقانىن ايتتى.
– كورمە باستالعان ساتتەن باس­تاپ, استانادا تۇرعىن ۇي الۋ 33 پايىزعا, ساۋدا اينالىمى 20 پايىز­عا, ال ساۋدا ويىن-ساۋىق ورتالىعى­نا كىرىپ-شىعۋ كورسەتكىشى ەكى ەسەگە وسكەن. استانادا ماۋسىم ايىنىڭ وزىندە قىزمەت كورسەتۋ سالاسىنداعى سالىق 2,5 ەسەگە ارتتى. بۇل – داع­دارىس كەزىندەگى ەكونوميكانىڭ جاندانۋى. بىز قازىر جولدىڭ ۇشتەن ەكى بولىگىن جۇرىپ وتتىك. جوعارىدا تىزىپ شىققان تابىستارىمىزدى ەسەپكە الساق, ەلباسىنىڭ كورمە وت­كىزۋ تۋرالى كورەگەن شەشىم قا­بىل­داعانىن تۇسىنەمىز, – دەدى توراعا.

تاڭشولپان تولەگەن

بولىسۋ:

پىكىر جازۋ


*