ساعىنتاەۆ ساپارعا شىقتى

1256
0
بولىسۋ:

مەملەكەت باسشىسىنىڭ تاپسىرماسىمەن باستاۋ العان اۋىل-ايماقتى ارالاۋىن پرەمەر-مينيستر باقىتجان ساعىنتاەۆ كەشە ودان ارى جالعاستىردى. وسى كۇنى ۇكىمەت جەتەكشىسى اقمولا وبلىسىنا باردى. بۇل وڭىردە ول ەلباسىنىڭ «قازاقستاننىڭ ۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋى مەن «بولاشاققا باعدار: رۋحاني جاڭعىرۋ» باعدارلامالىق ماقالاسىنداعى مىندەتتەردى ىسكە اسىرۋ بارىسىن باقىلادى.

ب.ساعىنتاەۆ بىرىنشى كەزەكتە «ەسىل اگرو» سەرىكتەستىگىنىڭ سۇت-تاۋار فەرماسى مەن ەگىس ال­قاپتارىن ارالادى, وندا اۋىل شارۋاشىلىعى وندىرىسىنىڭ تەح­نولوگييالىق ەرەكشەلىكتەرىمەن جانە كاسىپورىندى ودان ارى دامىتۋ كەلەشەگىمەن تانىستى. پرەمەر-مينيستر سۇت فەرماسىن ارالاۋ كەزىندە كاسىپورىننىڭ وندىرىستىك ۇدەرىستەرىنە قانىقتى جانە دايىن ونىمدەر كورمەسىن تاماشالادى. فەرمادا وندىرىستىك قۋاتتىلىقتى 2 ەسەگە دەيىن ۇلعايتۋ جانە ساۋىن تابىنىن 2 400 باسقا دەيىن جەتكىزۋ كوزدەلىپ وتىر ەكەن.
وسى كۇنى باقىتجان ساعىن­تا­ەۆ­قا اقمولا وبلى­سى­نىڭ تۋ­ريستىك الەۋەتىن دامىتۋ شارالارى كورسەتىلدى: ول ششۋچينسك قالاسىنداعى جاڭا رەسپۋب­ليكالىق شاڭعى سپورتى بازاسىنىڭ قۇرىلىس ورنىنا باردى, بۋراباي اۋىلىنىڭ شيپا­جايلىق نىساندارىنىڭ, كورىكتى جەرلەرىنىڭ جانە تۋريستىك ينفراقۇرىلىمىنىڭ جاع­دايىمەن تانىستى. سون­داي-اق 2017 جىل­عى ساۋىر-شىل­دە ارالىعىندا جۇر­گى­زىلگ­ەن «ششۋچينسك – بۋرا­باي» اۆتوجو­لىنىڭ 16-18 شاقى­رىم ۋچاس­كەسىندەگى جوندەۋ جۇمىستا­رى­نىڭ ناتيجەسىن باعالادى. وب­لىس اكىمى مالىك مىرزالين جۇر­گى­زىلگەن رەكونس­ترۋكتسييالاۋ جۇ­مىس­تارى جانە جالپى وڭىردەگى جول­داردى جوندەۋ بويىنشا الداعى جوسپارلار تۋرالى ەسەپ بەردى.
باقىتجان ساعىنتاەۆ شاڭعى سپورتى بازاسىن ارا­لاۋ بارىسىندا قۇرىلىس عي­مارات­تارىمەن تا­نىسىپ, نى­سانداعى قازىرگى جاعداي مەن جۇمىستاردى اياقتاۋدىڭ جوس­پارداعى مەرزىمدەرى تۋرالى بايان­دا­مانى تىڭدادى. نىساننىڭ عي­ماراتتارى مەن قۇرىلىس كە­شەنى 140,5 گەكتار اۋماقتا ورنا­لاس­قان. ونىڭ ازىرلىك دەڭگەيى 90%-دان جوعارى دەلىندى. جاڭا رەس­پۋبليكالىق شاڭعى سپورتى با­زا­سىندا شاڭعى جارىستارى, بيات­­لون, شاڭعى-روللەر سپورتى بويىن­­شا جاتتىعۋلار مەن حالىق­ارا­لىق جارىستار وتكىزۋ جوسپار­لانعان.
وسىدان كەيىن ۇكىمەت باسشىسى «بۋراباي» مەملەكەتتىك ۇلتتىق تابيعي پاركىنىڭ شيپا­جايلىق نىساندارىنا جانە كورىكتى جەر­لەرىنە ات باسىن بۇردى. ول «ششۋچينسك – بۋراباي» شيپاجايلىق ايماعىن دامىتۋ ماسەلەلەرى بويىن­شا كەڭەس وتكىزدى. ون­دا وسى سالاداعى بارىنشا پەرس­پەكتيۆتى باعىتتار مەن جوبالار تالقىلاندى. كەڭەسكە تۋريستىك بيزنەس وكىلدەرى, بيزنەس قاۋىم­داستىقتاردىڭ, «اتا­مەكەن» پالاتاسى, ورتالىق مە­مور­گان­دار­دىڭ, سونداي-اق اقمولا وبلى­سىنىڭ جەرگىلىكتى اتقارۋشى ورگاندارىنىڭ وكىلدەرى قاتىستى.
جيىندا مادەنيەت جانە سپورت مينيسترى ارىستانبەك مۇحامەديۇلى, اقمولا وبلى­سىنىڭ اكىمى مالىك مىرزالين, سونىمەن قاتار «اتامەكەن» ۇكپ باسقارما توراعاسىنىڭ ورىنباسارى نۇرجان التاەۆ جالپى تۋريستىك سالانى جانە «ششۋچينسك – بۋراباي» شيپاجايلىق ايماعىن دامىتۋ شارالارى تۋرالى باياندادى. بۇدان وزگە, اتالعان سالانىڭ الداعى پەرسپەكتيۆالارى تۋرالى كوزقاراستارىمەن قا­زاقستان تۋريستىك قاۋىمداستى­عىنىڭ پرەزيدەنتى روزا اسانباەۆا جانە تۋريزمنىڭ ەۋرازييالىق قاۋىمداستىعىنىڭ پرەزيدەنتى رىستى قاراباەۆا بولىستى.
وز كەزەگىندە باقىتجان سا­عىن­تاەۆ مەملەكەت باس­شىسىنىڭ تاپسىرماسىنا ساي­كەس, قازاقستان­دا ەكونومي­كانىڭ ۇشىنشى جاڭ­عى­رۋى باستالعانىن اتاپ وتتى. ونىڭ اياسىندا وسىمنىڭ جاڭا مو­دەلى قالىپتاستىرىلۋدا. دەگەن­مەن الەمنىڭ 30 ەڭ ۇزدىك دامىعان ەلدەرىنىڭ قاتارىنا قوسىلۋ ۇشىن بازالىق سالالاردىڭ باسەكەگە قابىلەتتىلىگىن ارتتىرۋدان وزگە, ەكونوميكانىڭ وزگە دە پەرس­پەكتيۆالى سالالارىن جاقسارتۋ قاجەت, ولاردىڭ ىشىندە تۋريزم مەن سەرۆيستىك قىزمەتتەر بار. بۇل ۇشىن, پرەمەر-مينيستر­دىڭ ايتۋىنشا, قاجەتتى ينفرا­قۇرىلىمدى دامىتىپ, سەرۆيس دەڭگەيىن ارتتىرۋ قاجەت. ۇكىمەت تاراپىنان وسى باعىتتا قاجەتتى كەشەندى جۇمىستار جۇرگىزىلىپ جاتىر, سونىڭ ىشىندە «ششۋچينسك – بۋراباي» كۋرورتتىق ايماعىن دامىتۋدىڭ 2020 جىلعا دەيىنگى كەشەندىك جوسپارى ازىرلەندى. كەڭەس قورىتىندىسى بويىنشا مەملەكەتتىك ورگاندارعا اتالعان ۇسىنىستاردى جيناقتاپ, وب­لىس­تىڭ تۋريستىك كلاستەرىن دا­مىتۋدىڭ قولدانىستاعى باعدار­لاماسىنا وزگەرىستەر ەنگىزۋ كەزىندە ەسكەرۋ تاپسىرىلدى.
ساپار اياسىندا باقىتجان ساعىنتاەۆ ايماقتاعى كاسىپكەر­لەر پالاتاسىنىڭ وڭىرلىك كەڭە­سىنىڭ مۇشەلەرىمەن كەزدەسىپ, شاعىن جانە ورتا بيزنەستى قولداۋ مەن دامىتۋ ماسەلەلەرىن تالقىلادى. كەزدەسۋ بارىسىندا قاتىسۋشىلار تۋريستىك سالانى دامىتۋعا بولىنگەن قوسىمشا قاراجاتتىڭ بولىنۋىن, ساۋدا نارىقتارىن جاڭعىرتۋدى, «بجك – 2020» باعدارلاماسى ايا­سىندا پايىزدىق مول­شەرلەمەنى سۋبسيدييالاۋعا بيۋدجەتتى ارتتىرۋ­دى, ىرى اۋىل شارۋاشىلىعى ون­دىرۋشىلەرى كووپەراتيۆتەرىن قار­جى­لاندىرۋدى, ەلدىمەكەندەردىڭ باس جوسپارىن تۇزەتۋدى, سونىمەن قاتار قازاقستاندا شاعىن ين­دۋسترييالىق ايماقتاردى دامىتۋ ماسەلەلەرىن تالقىلادى.

دايىنداعان ەلدوس سەنباي

بولىسۋ:

پىكىر جازۋ


*