«تسيفرلىق قازاقستاننىڭ» باعىتتارى قارالدى

1514
0
بولىسۋ:

ۇكىمەت ۇيىندە پرەمەر-مينيستر باقىتجان ساعىنتاەۆ رۋمىنييانىڭ سىرتقى ىستەر مينيسترى تەودور-ۆيورەل مەلەش­كانۋمەن كەزدەسۋ وتكىزدى.

كەزدەسۋ بارىسىندا ەنەرگەتيكا, ما­شينا جاساۋ, مەتاللۋرگييا, كولىك جانە لو­گيستيكا, سونداي-اق جەڭىل ونەركاسىپ سا­لالارىنداعى ساۋدا-ەكونوميكالىق ىنتى­ماقتاستىقتى ودان ارى دامىتۋ ماسە­لەلەرى تالقىلاندى. بۇدان وزگە, قا­زاقستان-رۋمىنييا ۇكىمەتارالىق كوميس­سيياسىنىڭ وتىرىسىندا قول جەتكىزىلگەن ساۋدا-ەكو­نوميكالىق جانە عىلىمي-تەح­نيكالىق ىنتىماقتاستىق بويىنشا ۋاعدالاس­تىقتاردى ىسكە اسىرۋ بارىسى قارالدى.
ەكى ەل اراسىندا 2017 جىلعى قاڭتار-مامىر ايلارىنداعى ساۋدا اينالىمى 440,8 ملن دوللاردى قۇرادى. ونىڭ ىشىندە بىزدىڭ ولارعا وتكىزگەن ەكسپورت – 415,3 ملن دوللار, يمپورتىمىز 25,5 ملن دوللار بولدى. ساۋدا-ەكونوميكالىق جانە عىلىمي-تەحنيكالىق ىنتىماقتاستىق بويىنشا XII قازاقستان-رۋمىنييا ۇكىمەتارالىق كوميسسيياسى بيىل قازان ايىندا وتكىزىلەدى دەپ جوسپارلانۋدا.
وسى كۇنى ۇكىمەت جەتەكشىسى باقىتجان ساعىنتاەۆ ۇكىمەت ۇيىندە «تسيفرلىق قازاقستان» مەملەكەتتىك باعدارلاماسى جوباسىنىڭ ماسەلەلەرى جونىندە كەڭەس وتكىزدى. كەڭەس بارىسىندا قازاقستان ەكونوميكاسىن تسيفرلاندىرۋدىڭ 2025 جىلعا دەيىنگى ەگجەي-تەگجەيلى جوسپارلارى تالقىلاندى.
باعدارلامانى تابىستى ىسكە اسىرۋ ەلدىڭ باسەكەگە قابىلەتتىلىگى جانە ەكونوميكانىڭ بارلىق سالالارىندا ەڭبەك ونىمدىلىگى وسىمىن قامتاماسىز ەتۋگە مۇمكىندىك بەرەدى. مەم­لەكەتتىك باعدارلاما تورت باستى باعىتتى ىسكە اسىرۋعا باعىتتالعان: بۇلار – «تسيفرلىق ينفراقۇرىلىمدى دامىتۋ», «حالىقتىڭ تسيفرلىق ساۋاتتىلىعىن ارتتىرۋ», «ەكو­نوميكانىڭ بازالىق سالا­لارىن تسيفرلان­دىرۋ» جانە «مەملەكەتتىك قىزمەت كورسەتۋ بويىنشا ەلەكتروندى جانە موبيلدى ۇكىمەت جۇيەسىن جەتىلدىرۋ».
كەڭەس اياسىندا مەملەكەتتىك باعدارلاما جوباسىن ساراپشىلىق باعالاۋ بويىنشا وتاندىق IT-ماماندار – «ەلتەكس الاتاۋ» جشس ديرەكتورى ن.جانىبەكوۆ, Open IT كومپانيياسىنىڭ باسشىسى ۆ.كيم, Mirusdesk جوباسىنىڭ نەگىزىن قالاۋشى م.قۇرماشەۆ جانە باسقالارى سوز سويلەدى.
سونداي-اق پرەمەر شەتەلدىك جۇمىس كۇشىن تارتۋ تاسىلدەرىن جەتىلدىرۋ ماسەلەلەرى بويىنشا كەڭەس وتكىزدى. وتىرىس بارىسىندا شەتەلدىك جۇمىس كۇشىن ۇلەستەمەلەۋ جۇيەلەرى, ۆيزالىق ساياسات ماسەلەلەرى تالقىلانىپ, كوشى-قون ساياساتى تۇجىرىمداماسىنىڭ
2017-2021 جىلدارعا ارنالعان جوباسى قارال­دى. كەڭەس قورىتىندىسى بويىنشا ۇكىمەت باسشىسى بىرقاتار ناقتى تاپسىرمالار بەردى.
بۇدان بولەك باقىتجان ساعىنتاەۆ ەكو­نوميكانى جاڭعىرتۋ ماسەلەلەرى جونىندەگى مەملەكەتتىك كوميسسييا وتىرىسىن وتكىزدى. وتىرىس بارىسىندا مەملەكەت باسشىسىنىڭ «قازاقستاننىڭ ۇشىنشى جاڭعىرۋى: جاھاندىق باسەكەگە قابىلەت­تىلىك» جولداۋىن ىسكە اسىرۋ­دى جوبالىق باسقارۋ ماسەلەلەرى تالقىلاندى.
كولىك جانە لوگيستيكا, بازالىق ين­دۋسترييالاندىرۋ, وتىن-ەنەرگەتيكا جانە اگروونەركاسىپ كەشەندەرى سالالارىنداعى جوبالاردى ىسكە اسىرۋ بويىنشا باستا­مالاردىڭ ەگجەي-تەگجەيلى جوسپارلارى قارالدى. باستامالاردىڭ اتالعان جوس­پارلارى قازاقستان ەكونوميكاسىنىڭ ساپالى قۇرى­لىمدىق وزگەرىستەرىنە نەگىز بولادى, ولار ورتا­شا مەرزىمدى كەلەشەكتە وسىم قارقىنىنىڭ تۇراقتىلىعىن ارت­تىرادى.
ەلدوس سەمباي

بولىسۋ:

پىكىر جازۋ


*