استىقتى ولكەنىڭ ارىنى جاقسى

1372
0
بولىسۋ:

مەملەكەت باسشىسىنىڭ تاپسىرماسىمەن پرەمەر-مينيستر باقىتجان ساعىنتاەۆ جۇمىس ساپارىمەن سولتۇستىك قازاقستان وبلىسىنا باردى, وندا ول ەلباسىنىڭ «قازاقستاننىڭ ۇشىنشى جاڭعىرۋى: جاھاندىق باسەكەگە قابىلەتتىلىك» جولداۋى مەن «بولاشاققا باعدار: رۋحاني جاڭعىرۋ» باعدارلامالىق ماقالاسىنداعى مىندەتتەردىڭ ورىندالۋ بارىسىنا قانىقتى.

ەڭ الدىمەن, ۇكىمەت باسشىسى پەتروپاۆل حالىقارالىق اۋەجايىن جوندەۋ بارىسىمەن جانە ونىڭ ترانزيتتىك الەۋەتىن دامىتۋ پەرسپەكتيۆا­لارىمەن تانىستى. وبلىس اكىمىنىڭ ورىنباسارى ا.فەدياەۆ اۋەجاي تەرمينالىنىڭ عيماراتى مەن ۇشۋ-قونۋ جولاعىنىڭ جوندەۋدەن وتكەنىن, بۇل اۋە كولىكتەرىنىڭ كەز كەلگەن تۇرىن قابىلداۋعا مۇمكىندىك بەرەتىنىن باياندادى. مالىمدەلگەندەي, پەتروپاۆل اۋەجايىن جوندەۋ رەسەيدىڭ قورعان, تۇمەن جانە ومبى وبلىستارىمەن شەكارالاس سولتۇستىك قازاقستان وبلىسىنىڭ ترانزيتتىك الەۋەتىن تيىمدىرەك پايدالانۋعا مۇمكىندىك بەرەدى.
وسىدان كەيىن باقىتجان ساعىنتاەۆ جەرگىلىكتى «زەنچەنكو جانە ك» كوپبەيىندى اگرارلىق كاسىپ­ورنىنىڭ جۇمىسىمەن تانىستى. وندا مەملەكەتتىك قولداۋ شارالارى, سونىمەن قاتار اوك دامىتۋ مەملەكەتتىك باعدارلاماسى اياسىندا اۋىل شارۋا­شىلىعى ونىمدەرىن وندىرۋ بويىنشا جوبالار ىسكە اسىرىلعان. سەرىكتەستىك ديرەكتورى گ.زەنچەنكو پرەمەرگە اۋىل شارۋاشىلىعىندا قولدانىلاتىن تەحنو­لوگييالار مەن شىعارىلاتىن ونىمدەردىڭ تۇر­لەرى تۋرالى باياندادى. سەرىكتەستىكتە ونىمدەردىڭ باسەكەگە قابىلەتتىلىگىن ارتتىرۋ مەن كاسىپورىننىڭ ونىمدىلىگىن ۇلعايتۋ شارالارى جۇزەگە اسىرىلعان. وندىرىستىك ۇدەرىستەر اۆتوماتتاندىرىلعان, الدىڭعى قاتارلى تەحنولوگييالار ەنگىزىلۋدە, قاجەتتى مينەرالدى تىڭايتقىشتار مەن ساپالى تۇقىمدار قولدانىلادى.
ەلباسى تاپسىرماسىنا سايكەس, ۇكىمەت جۇمىسى قازاقستاننىڭ «اگرارلىق ەكسپورتتىق ونىمنىڭ ىرى وندىرۋشىسى» رەتىندە قالىپتاسۋى بويىنشا مىندەتتەردى شەشۋگە باعىتتالعان. وسى ماقساتتا بيىلعى جىل­دىڭ باسىندا اوك دامىتۋدىڭ مەم­لەكەت­تىك باعدارلاماسى قابىلداندى, وندا اۋىل شارۋاشىلىعىنا قولداۋ كورسەتۋدىڭ نەگىزگى تەتىكتەرى قاراستىرىلعان.
ۇكىمەت وسى سالانىڭ باسەكەگە قابىلەت­تىلىگىن ارتتىرۋعا جاعدايلار جاساۋدا. سوڭعى 5 جىلدا تىكەلەي مەملەكەتتىك قولداۋ كولەمى شامامەن 3 ەسەگە ارتتى, استىق تۇسىمدىلىگى مەن ەڭبەك ونىمدىلىگىن ارتتىرۋ­دىڭ جۇيەلىك شارالارى قابىلدانۋدا. سۋبسيدييالاۋدىڭ جاڭا ۇلگىسىن ەنگىزۋ ناتيجەسىندە, ساپالى تۇقىمداردى ەگۋ مەن تىڭايتقىشتاردى قولدانۋ كولەمى 1,5 ەسەگە وستى. مەملەكەت باسشىسى قول جەتكىزگەن ۋاعدالاستىقتار ارقاسىندا قحر, باا, يران جانە باسقا دا شەتەلدىك نارىقتار اشىلۋدا.
وبلىستا اوك دامىتۋ تۋرالى سقو اكىمى ق.اقساقالوۆتىڭ ەسەبى تىڭدالدى. كەڭەستىڭ وزەكتى تاقىرىپتارى بويىنشا «مامبەتوۆ جانە ك» تس باس ديرەكتورى ە.مامبەتوۆ, قازاقستان ەت وداعىنىڭ توراعاسى م.باقتىباەۆ, كارتوپ وسىرۋشىلەر جانە كوكونىس وسىرۋشى وداعىنىڭ توراعاسى ق.بيسەتاەۆ, فەرمەرلەر وداعىنىڭ پرە­زيدەنتى ا.دارىنوۆ, «زەنچەنكو جانە ك» تس ديرەكتورى گ.زەنچەنكو سوز سويلەدى.
پرەمەر-مينيستر باقىتجان ساعىنتاەۆ كەڭەستى قورىتىندىلاي كەلە, ۇلتتىق ەكونوميكا مينيستر­لىگىنە اۋىل شارۋاشىلىعى تاۋارىن وندىرۋشىلەر مەن وتاندىق اۋىل شارۋاشىلىعى تەحنيكاسىن وندىرۋ­شىلەرگە سالىق سالۋ ماسەلەسىن پىسىقتاۋدى, ال اۋىل شارۋاشىلىعى مي­نيسترلىگىنە سۋبسيدييالاۋ تەتىكتەرىن جەتىلدىرە تۇسۋ ماسەلەلەرىن باقىلاۋعا الۋدى تاپ­سىردى. «قازاگرو» حولدينگىنە اگرارشىلار ۇسىنعان ينۆەستيتسييالىق جوبالاردى قاراۋ جۇكتەلدى.
جۇمىس ساپارى كەزىندە باقىتجان ساعىنتاەۆ «نۇرلى جەر» باعدارلاماسى اياسىنداعى تۇرعىن ۇي قۇرىلىسىنىڭ بارىسىمەن جانە پەتروپاۆلدىڭ الەۋمەتتىك جانە ينفرا­قۇرىلىمدىق نىساندارىمەن تانىستى. سونداي-اق وڭىردىڭ ونەركاسىپ كاسىپورىن­دارى مەن مەديتسينا مەكەمەلەرىن ارالادى.

ەرىك ەردەنوۆ

بولىسۋ:

پىكىر جازۋ


*