چەحييا جەتىستىكتەرى كورسەتىلدى

1068
0
بولىسۋ:

وتكەن سەنبىدە EXPO – 2017 حالىقارالىق مامانداندىرىلعان كورمەسىندە چەحييانىڭ ۇلتتىق كۇنى وتتى. ونىڭ سالتاناتتى اشىلۋ راسىمىنە قازاقستان سەناتىنىڭ توراعاسى قاسىم-جومارت توقاەۆ پەن چەح سەناتىنىڭ توراعاسى ميلان شتەح قاتىستى.

قاسىم-جومارت توقاەۆ وز سوزىندە چەحييانىڭ «جاسىل ەكونومي­كا» جانە «تازا تەحنولوگييالاردى» دامىتۋ تاجىري­بە­سىن جوعارى باعالادى. قاسىم-جومارت كەمەلۇلى­نىڭ ايتۋىنشا, الەمدەگى كۇرت دەموگرافييالىق وسىم مەن تابيعي رەسۋرستارىنىڭ شەكتەۋلىگى جاعدايىندا پرەزيدەنت نۇرسۇلتان نازارباەۆتىڭ كورمەگە ارقاۋ ەتۋگە ۇسىنعان «بولاشاق ەنەرگيياسى» تاقىرىبى وتە وزەكتى.
– «بولاشاق ەنەرگيياسى» تاقىرىبىنداعى كورمەنى وتكىزە وتىرىپ, قازاقستان «تازا» ەنەرگييانى دامىتۋ يدەياسىن جاھاندىق ىلگەرىلەتۋگە قوماقتى ۇلەس قوسۋدا, – دەدى توراعا. ق.توقاەۆتىڭ پىكىرىنشە, ەۋرووداق مەملەكەتتەرىمەن, سونىڭ ىشىندە چەحييامەن وزارا تيىمدى ىنتىماقتاستىق قازاقستاننىڭ جاڭعىرۋىنا قاتىستى مىندەتتەردى تابىستى ورىنداۋىنا وڭ ىقپال ەتەتىن بولادى.
«چەح رەسپۋبليكاسى حالىقارالىق ارەنادا قازاقستاننىڭ سەنىمدى سەرىكتەسى, بىزدىڭ ارامىزدا جان-جاقتى وزارا ارەكەتتەسۋ مەن بارلىق دەڭگەيدەگى سەنىمدى ديالوگ ورناعان» دەدى قازاقستاندىق سەنات توراعاسى. ول سونداي-اق ساياسي, ساۋدا-ەكونوميكالىق, ينۆەستيتسييالىق جانە مادەني-گۋمانيتارلىق اسپەكتىلەردەن تۇراتىن ەكىجاقتى ىنتىماقتاستىقتىڭ وڭ ديناميكاسىن اتاپ وتتى.
«بىز چەحييانىڭ جاڭا تەحنولوگييالاردى جاساۋ, قۋاتتىڭ قالپىنا كەلتىرىلەتىن كوزدەرىن پايدالانۋ, تۋريزم مەن بىلىم بەرۋدى ىلگەرىلەتۋ باعىتىنداعى وزىق تاجىريبەسىن جوعارى باعالايمىز. استانادا­عى كورمەدە «جاسىل ەكونوميكا» جانە «تازا تەحنولوگييالاردى» دامىتۋداعى چەحييانىڭ جەتىستىكتەرىن پاش ەتۋ وسى سالالارداعى بىزدىڭ ىنتىماقتاستىعىمىزدى كەڭەيتۋ مەن نىعايتۋ ۇشىن تاماشا مۇمكىندىك بولادى دەپ ەسەپتەيمىن» دەپ تۇيدى ق.توقاەۆ.
ونىڭ چەحييالىق ارىپتەسى ميلان شتەح ادامزاتتى الاڭداتاتىن ماسەلەلەردى شەشۋدەگى EXPO – 2017 كورمەسىنىڭ ماڭىزدى رولىن اتاپ وتتى. «تەڭىزگە شىعاتىن جولى جانە ۇلكەن شيكىزات قورى جوق چەحييا بالامالى ەنەرگييا كوزدەرى رەسۋرستارىن تۇتىنۋ جانە پايدالانۋ پروبلەمالارىن شەشۋدىڭ جولدارىن بىرلەسە ىزدەۋگە مۇددەلى» دەدى ول.
اشىلۋ سالتاناتىنا قاتىسۋشىلار چەحييا ۇلتتىق پاۆيلونىنىڭ ەكسپوزيتسييالارىمەن تانىستى, وندا ق.توقاەۆ قۇرمەتتى قوناقتار كىتابىندا جازبا قالدىردى. سودان كەيىن شاراعا قاتىسۋشىلار قازاقستاننىڭ «نۇر الەم» پاۆيلونىن ارالادى.

ەرىك ەردەنوۆ

بولىسۋ:

پىكىر جازۋ


*