جاستاردى جۇمىسقا ورنالاستىرادى

1131
0
بولىسۋ:

«نۇر وتان» پارتيياسىنىڭ الماتى قالالىق فيليالىندا «جاس وتان» جاستار قاناتى «ساتتى قادام» پارتييالىق جوباسىنىڭ ەكى باعىتى – جوعارى وقۋ ورىندارى مەن تەحنيكالىق جانە كاسىپتىك بىلىم بەرۋ ۇيىمدارى تۇلەكتەرى قاتارىنداعى جەتىم بالالاردى تۇراقتى جۇمىسپەن قامتاماسىز ەتۋ جانە وقۋ ورىندارىن تامامداعان جاستاردى مەملەكەتتىك ورگاندار مەن ۇلتتىق كومپانييالاردا 3 اي تاعىلىمدامادان وتكىزۋ بويىنشا جۇمىسى باستالعانىن جارييا ەتتى.
2016 جىلى جوو مەن تجكب ۇيىمدارىن 3595 جاس مامان بىتىردى. «ساتتى قادام» جوبا ايا­سىندا 22 كاسىپورىنمەن مەموراندۋمعا قول قويىلىپ, ناتيجەسىندە, 78 تۇلەك جۇ­مىس­قا ورنالاستىرىلعان. جوبانىڭ بىرىنشى با­عىتى بويىنشا 116 وتىنىش قابىلدانىپ, 40 ستۋدەنت 3 اي تاعلىمدامادان وتۋگە جى­بە­رىل­گەن. سولاردىڭ بىرى – قازاقستان اۋ­دي­تور­لار پالاتاسىنىڭ قىزمەتكەرى اسەمگۇل سە­رىكباي.
«قولىما ديپلوم العاننان كەيىن, جۇ­مىس­قا ورنالاسۋ ماسەلەسى تۋىندادى. تا­نىس­تارىم ارقىلى «ساتتى قادام» جوباسى تۋ­را­لى ەستىپ, ينتەرنەتتەن قاجەتتى مالىمەت ال­دىم. جوبا ۇيىمداستىرۋشىلارى وتكىزگەن اق­پاراتتاندىرۋ سەمينارىنا قاتىسىپ, وتى­نىش قالدىردىم. كوپ ۇزاماي, قازاقستان اۋ­ديتورلار پالاتاسىنان شاقىرتۋ تۇسىپ, بۇ­گىنگى تاڭدا وز ماماندىعىم بويىنشا ەلى­مىزدىڭ دامۋىنا ەڭبەك سىڭىرىپ جاتىرمىن» دەي­دى ول.
ەستەرىڭىزگە سالا كەتسەك, پارتييالىق جوبانىڭ بىرىنشى باعىتى بويىنشا وتىنىش قا­بىلداۋ مەرزىمى 25 شىلدەگە دەيىن ۇزار­تىلىپ وتىر.
– «ساتتى قادام» جوباسىنا 4 جىل ىشىندە 5600 وتىنىش كەلىپ تۇستى. 2000 ستۋدەنت تاع­لىم­دامادان وتىپ, تۇراقتى جۇمىسقا تۇرۋعا جول­داما الدى. ولار قىزمەتكە ورنالاس­قان­نان كەيىن دە پارتييانىڭ باقىلاۋىندا بو­لا­دى. باسقا مەكەمەگە اۋىسقان جاعدايدا بىز­گە حابارلاسىپ, اقپارات بەرىپ وتىرادى. جا­قىندا «نۇر وتان» پارتيياسى مەن بىلىم جا­نە عىلىم, ەڭبەك جانە حالىقتى الەۋ­مەت­تىك قورعاۋ, دىن ىستەرى جانە ازاماتتىق قو­­عام مينيسترلىكتەرى اراسىندا جاڭارتىل­عان تورتجاقتى مەموراندۋمعا قول قويىلعانىن بى­لەسىزدەر. مۇنداعى ماقسات – ۇلتتىق بى­رىڭ­عاي تەستىلەۋدە شەكتى دەڭگەيدى جيناي ال­ماعان تۇلەكتەردى وقىتۋ, جۇمىسقا ورنا­لاستىرۋ. ۇبت بويىنشا از بالل جيناعان, شىعارماشىلىق ەمتيحاننان وتە الماعان, سونداي-اق كوللەدجگە ىلىنبەگەن تۇلەكتەرگە تيىس­تى كەڭەس بەرىلەدى. نەگىزىنەن, 18-25 جاس ارالىعىنداعى جاستار قامتىلادى. كەڭسەدە وتىرىپ كەڭەس بەرۋمەن شەكتەلمەيمىز, جىل بويى قالاداعى 38 جوعارى وقۋ ورنى مەن 84 كول­لەدجدىڭ بارلىعىن ارالاپ شىعامىز. ار اۋدانعا بولىنگەن «جاس وتان» جاستار قانا­تىنىڭ ەرىكتىلەرى ۇزدىكسىز جۇمىس ىستەيدى. الەۋ­مەتتىك جەلىلەر ارقىلى دا ناسيحاتتى كۇ­شەيتىپ جاتىرمىز. بۇدان بولەك الماتى قا­لاسى بويىنشا كەڭەس ورتالىعى بار. ار اۋداندا ورنالاسقان تۇرعىنداردى جۇمىسپەن قامتۋ ورتالىقتارىمەن دە بىرلەسە جۇمىس اتقارامىز. «جاس وتان» جاستار قاناتىنىڭ رەسمي سايتىنا كىرۋ ارقىلى ۇيدەن شىق­پاستان, وتىنىش قالدىرۋعا مۇمكىندىك جا­سالعان. بىزگە حابارلاسقان كەز كەلگەن وتىنىش يەلەرى تولىققاندى اقپارات الا الادى. جوبا ارقىلى بىر ادامدى جۇمىسقا ورنا­لاس­تىرىپ, مامان رەتىندە قالىپتاسۋىنا ۇيىتقى بولا بىلسەك, بىزدىڭ باستى ماقساتى­مىز­دىڭ ورىندالعانى, – دەيدى الماتى قا­لا­لىق «جاس وتان» جاستار قاناتىنىڭ تو­را­عاسى مادي احمەتوۆ.

 

قانشايىم بايداۋلەت

 

بولىسۋ:

پىكىر جازۋ


*