اتىراۋ وبلىسىنىڭ مادەنيەت كۇندەرى باستالدى

1396
0
بولىسۋ:

EXPO – 2017 حالىقارالىق كورمەسىنە ارنالعان اتىراۋ ايماعىنىڭ مادەني كۇندەرىندە كونەنىڭ كوزى «سويلەپ», جاڭا داۋىردىڭ لەبى ەسەدى.

اتىراۋدىڭ مادەني كۇندەرى اياسىن­دا استاناعا كەلگەن دەلەگاتسييا قۇرا­مىن­دا بىر مىڭعا جۋىق مادەنيەت سا­لا­­سىنىڭ قىزمەتكەرلەرى بار. ەرەك­­شەلىگى سول – بۇل كەشەندى باعدارلاماعا اۋدان­دىق ونەرپازدار دا قاتىسادى.
استاناداعى اتىراۋدىڭ مادەنيەت كۇندەرىنىڭ اشىلۋ سالتاناتىندا كى­رىسپە سوز سويلەگەن اتىراۋ وبلىسى اكى­مىنىڭ ورىنباسارى الىبەك ناۋتيەۆ حا­لىقارالىق دەڭگەيدە وتىپ جاتقان مە­رەيلى شارالاردا ايماقتاردىڭ ما­دەني كۇندەرىنىڭ وتۋى ماڭىزدى دەگەن پىكىر ايتتى. «ەلباسىنىڭ «بولاشاققا باعدار: رۋحاني جاڭعىرۋ» ماقالاسىنا سايكەس, بىزدەر وبلىس كۇنىنىڭ اشىلۋ سالتاناتىن ەلدىڭ تاريحىنان سىر شەر­تەتىن كورمەمەن جانە قۇرمانعازى, دينا, قارشىعا سەكىلدى كۇي تارلان­دارىنىڭ تۋىندىلارىمەن باستاۋدى جون كورىپ وتىرمىز. جوسپار بويىنشا اتىراۋدىڭ كۇندەرى ەلوردانىڭ 12 جە­رىندە وتەدى. قورىتىندىسى ۇلكەن ات جارىسىمەن اياقتالادى» دەدى ول.
اتىراۋدان كەلگەن مادەني كوشتىڭ باس­تاۋشى تۇلعالاردان سوز العان جازۋ­شى-دراماتۋرگ راحىمجان وتارباەۆ جەرلەستەرىنە ساتتىلىك تىلەپ, بارلىق قا­زاقستاندىقتاردى اتىراۋدىڭ ما­دەني شارالارىنان رۋحاني ازىق الۋعا شاقىردى.
– EXPO ۇعىمى بۇل قازاقتىڭ قۇلا­عىنا ەرتە باستان سىڭىپ قالعان. ويتكەنى 1925 جىلى پاريجدە وتكەن دۇنيە­جۇزى­لىك كورمەگە قازاقتان امىرە قاشاۋ­باەۆ­تاي دۇلدۇلى قاتىسىپ ەدى. سويتىپ, كا­رى قۇرلىقتى بىر جاڭعىرتىپ قايت­قان. ارادا 93 جىل وتكەننەن كەيىن كور­مە استانادا وتىپ جاتىر. اتىراۋ وسى حالىقارالىق كورمە اياسىندا وتە­تىن مادەنيەت كۇندەرىنە كوپ دايىن­دال­دى. بۇل – ۇلكەن توي. اربىر ونەر ۇجى­مى التىن بالىقتىڭ ۇيىرىندەي بو­لىپ كەلدى مۇندا. اتىراۋ – تەك قانا باي­لىعىمەن ەمەس, جەردىڭ ۇستىندەگى ۇلى پەرزەنتتەرىمەن دە ماقتاناتىن ولكە. سەبەبى, وسى ارادا بەيبارىستىڭ, يسا­تاي مەن ماحامبەتتىڭ ۇرپاقتارى بار, قۇرمانعازى مەن دينانىڭ ىزبا­سار­لارى وتىر, – دەدى راحىمجان قا­سىم­عاليۇلى.
اتىراۋ وبلىسىنىڭ تاريحى مەن ما­دەنيەتى, ونەرىمەن تانىس بولامىن دەۋ­شىلەر نازارىنا اتىراۋ وبلىستىق تاري­حي-ولكەتانۋ مۋزەيى مەن ونەر مۋ­زەيى, وبلىستىق كىتاپحانا, مۇراعاتتار كورمەسى ۇيىمداستىرىلعان.
وبلىستىق مۋزەيدىڭ ەكسكۋرسييا-كوپ­شىلىك بولىمىنىڭ مەڭگەرۋشىسى وك­سانا الجانوۆانىڭ ايتۋىنشا, استا­نا­عا 700-دەن استام ارتۇرلى جا­دى­گەرلەر اكە­لىنگەن. ونىڭ ىشىندە بىزدىڭ داۋى­رى­مىزگە دەيىنگى ىى عاسىردىڭ قۇندى دۇ­نيە­لەرى دە بار. مىسالى, اتىراۋ وب­لى­سى جىلىوي اۋدانى ارالتوبە قور­عانىن قازۋ كەزىندە ەكىنشى التىن ادام­نىڭ قابىرىنەن تابىلعان قولا قان­جار, قايراق تاس. قازىرگى زامانعى جا­دىگەرلەر اراسىندا دينا نۇرپەيى­سوۆا­نىڭ 1954 جىلى سوڭعى رەت كون­تسەرت­كە قاتىسقان كەزىندە تاققان كۇمىس بەلبەۋىن اتاپ وتۋگە بولادى. تاريحي-ولكەتانۋ مۋزەيى قورىنان يساتاي, ما­حامبەتتىڭ قانجارىن قايراعان قاي­راقتان باستاپ, سارايشىق شاھا­رى­نان تابىلعان كونە ىدىستاردىڭ تۇپ نۇس­قالارىن, مىسىردان اكەلىنگەن اعاش­پەن جانە كۇمىسپەن وڭدەلگەن مام­­لۇك تاپانشاسىن كورۋگە بولادى.
اكادەمييالىق د.نۇرپەيىسوۆا اتىن­­داعى قازاق حالىق اسپاپتار ور­كەست­رىنىڭ, ن.جانتورين اتىنداعى وب­لىس­تىق فيلارمونييانىڭ «نارىن» ۇلت-اسپاپتار وركەسترى, «مۇراگەر» فولك­لورلىق انسامبلى, ۇرلەمەلى اس­پاپ­تار وركەسترلەرىمەن جەكەلەگەن كا­سى­بي تالانتتى تۇلعالار ونەر كورسە­تەدى.
ماحامبەت اتىنداعى اتىراۋ وب­­لىستىق قازاق دراما تەاترى EXPO – 2017 حالىقارالىق ماماندان­دىرىل­عان ما­دەني كورمە اياسىندا استانا قو­ناق­تارى مەن كورەرمەندەرىن جاستار تەات­­رىندا يران-عايىپتىڭ «سۇيىن­باي» درامالىق ەپوسىن جانە 19 شىلدە كۇنى م.گوركيي اتىنداعى مەم­لە­كەت­تىك اكا­دەمييالىق ورىس دراما تەات­رىن­دا م.وتارباەۆتىڭ «باياندى باق» سپەك­­تاك­لدەرىن تاماشالاۋعا شاقى-را­دى.
اتىراۋ وبلىسىنىڭ كۇندەرى ەلور­دادا 20 شىلدەگە دەيىن جالعاسادى.

 

تۇرسىن قاليموۆا
اتىراۋ وبلىسى

بولىسۋ:

پىكىر جازۋ


*