ەلباسى – شىعىس قازاقستان وبلىسىندا

979
0
بولىسۋ:

وتكەن اپتادا مەملەكەت باسشىسى ن.نازارباەۆتىڭ شىعىس قازاقستان وبلىسىنا ساپارى باستالدى. وسى جۇمىس ساپارى اياسىندا پرەزيدەنت ايماقتاعى بىرقاتار نىسانداردى ارالادى.

الدىمەن ەلباسى قۇرىلىستىڭ زاما­ناۋي تالاپتارىنا ساي سالىنعان «نۇرلى جول» ساياباعىندا بولدى. اۋماعى 5 گەكتار ب­و­لاتىن ساياباقتىڭ ورتاسىندا قازاقستان حال­قىنىڭ بىرلىگىنە ارنالعان مونۋمەنت بوي كوتەرگەن.
قازاقستان پرەزيدەنتى وبلىس اۋماعىندا جۇرگىزىلىپ جاتقان زەرتتەۋ جۇمىستارىنىڭ نا­تيجەلەرى قويىلعان ارحەولوگييالىق كور­مەنى ارالاپ كوردى. سونىمەن قاتار نۇرسۇلتان نازارباەۆ وڭىردىڭ الەۋمەتتىك-ەكو­نوميكالىق كورسەتكىشتەرىمەن تانىستى. وڭىردەگى ەتنومادەني بىرلەستىكتەر جانە جۇرتشىلىق وكىلدەرىمەن اڭگىمەلەسىپ, ولار مەملەكەت باسشىسىنا وبلىسقا ۇدايى كور­سەتىپ وتىرعان قامقورلىعى ۇشىن العىس ايتتى.
بۇدان كەيىن ەلباسى «مايلى داقىلدار­دىڭ تاجىريبەلىك شارۋاشىلىعى» جاۋاپ­كەر­شىلىگى شەكتەۋلى سەرىكتەستىگىندە بولىپ, سۇت ونىمدەرىن وندىرۋگە, مال جانە ەگىن شا­رۋا­شىلىعىنا ماماندانعان مەكەمەنىڭ جۇ­مىسىمەن تانىستى.
مەملەكەت باسشىسى سۇت-تاۋار فەرما­سىن ارالاپ, وندا ساۋىن زالى مەن سۇت قا­بىل­دايتىن تسەحتى كوردى. سونداي-اق ەلباسى وبلىستاعى اۋىل شارۋاشىلىعى ونىمدەرىن وندىرۋشىلەردىڭ جەتىستىكتەرىمەن تانىسىپ, وڭىردىڭ شارۋالارىمەن اڭگىمەلەستى.
– شىعىس قازاقستان وبلىسى ەكونو­مي­كامىزدىڭ اگرارلىق سەكتورىندا ەرتەدەن قا­لىپتاسقان بەرىك داستۇرگە يە. قازاقستاندا اۋىل شارۋاشىلىعى سالاسىنىڭ الەۋەتى زور, بولاشاقتا بۇل سالاعا دەگەن سۇرانىس ار­تا تۇسەدى. قازىر بىز ۇشىن قىتاي حالىق رەس­پۋبليكاسىنىڭ وراسان زور نارىعى اشىق, سىزدەر شىعاراتىن ونىم شەتەلدەرگە ەكس­پورتتالا الادى, – دەدى نۇرسۇلتان نازارباەۆ.
سوڭىندا مەملەكەت باسشىسى كەزدەسۋگە قا­تىسۋشىلارعا باق-بەرەكە جانە وندىرىستە جاڭا جەتىستىكتەر تىلەدى.
ايتا كەتەيىك, «مايلى داقىلداردىڭ تاجى­ري­بەلىك شارۋاشىلىعى» جشس-ى – كۇن­باعىس دانىن وسىرىپ-وندىرەتىن شارۋا­شى­لىق ارى تاڭداۋلى تۇقىم شارۋاشىلىعى مار­تە­بە­سىنە يە. كاسىپورىن مايلى داقىل­داردى سۇرىپ­تاۋمەن جانە تۇقىم وسىرۋمەن, مۇيىزدى ىرى قارا مالدىڭ اسىل تۇقىمدى تۇرلەرىن جاق­سارتۋمەن, اۋىل شارۋاشىلىعى ونىمىن ون­دىرۋمەن, ساتۋمەن, قايتا وڭدەۋ­مەن, عى­لىمي زەرت­تەۋ جۇمىستارىنىڭ ناتي­جەلەرىن اپرو­باتسييا­لاۋمەن جانە اياقتالعان عىلىمي ازىر­لەمەلەردى وندىرىسكە ەنگىزۋمەن اي­نا­لىسادى.

بولىسۋ:

پىكىر جازۋ


*