يسپانييا كورولىنىڭ وردەنىمەن ماراپات تالدى

1064
0
بولىسۋ:

مەملەكەت باسشىسى نۇرسۇلتان نازارباەۆقا يسپانييا كورولى VI فەليپەنىڭ اتىنان كاتوليكتىك يزابەللا وردەنىن يسپانييا كورولدىگى دەپۋتاتتار كونگرەسىنىڭ تورايىمى انا پاستور تابىس ەتتى. بۇل تۋرالى اقوردانىڭ باسپاسوز قىزمەتى حابارلادى.

«اسا مارتەبەلى قازاقستان رەسپۋبلي­كا­سى­نىڭ پرە­زيدەنتى نۇرسۇلتان نازارباەۆ مىر­زا, جوعارى كورول­دىك قۇرمەت رەتىندە, سىزدى كاتوليكتىك يزابەللا ور­دە­نى­­مەن ما­را­پاتتايمىن» دەلىنگەن كورولدىڭ جار­­­لى­عىندا.
قازاقستان پرەزيدەنتى يسپانييا كورولى VI فە­ليپەگە جانە انا پاستورعا جوعارى ما­راپاتى ۇشىن ري­زاشىلىق بىلدىرىپ, قا­زاق­ستان مەن يسپانييا ارا­سىن­دا سەنىمدى ارى دوستىق قارىم-قاتىناس ورناعانىن اتاپ وتتى.
– بىز تاۋەلسىزدىگىمىزدىڭ العاشقى كۇن­دەرى­نەن باس­تاپ يسپانييا كورولدىگىمەن باي­لانىس ورناتىپ, وزارا سەنىمدى ەكىجاقتى قا­رىم-قاتىناستارعا قول جەتكىزدىك. وسى جىل­دار ىشىندە يسپانييا قازاقستانعا وز قولداۋىن كورسەتىپ كەلەدى. يسپانييا كورولى VI فەليپە قازاق­ستان­عا رەسمي ساپارمەن كە­لىپ, EXPO – 2017 حالىق­ارالىق كورمە­سىنىڭ اشىلۋىنا قاتىستى. بۇل بىز ۇشىن زور مارتەبە, – دەدى قازاقستان پرەزيدەنتى.
نۇرسۇلتان نازارباەۆ قازاقستاننىڭ سايا­ساتتا جا­نە ەكونوميكانىڭ تۇرلى سەكتور­لارىندا يسپانييامەن جە­مىستى ىنتىماقتاس­تىقتى جالعاستىرۋعا نيەتتى ەكەنىن ايتتى.
راسىم سوڭىندا قازاقستان پرەزيدەنتى يس­پانييا كورولى VI فەليپەگە شىنايى ريزا­شىلىعى مەن جىلى لە­بىزىن جەتكىزۋدى سۇرا­دى جانە يسپانييا حالقىنىڭ يگى­لىگى ۇشىن اتقارىپ جاتقان قىزمەتىنە تابىس تى­لەدى.

بولىسۋ:

پىكىر جازۋ


*