ۇستانىمىمىز ۇقساس, بايلانىسىمىز بەكەم

1368
0
بولىسۋ:

قازاقستان پرەزيدەنتى نۇرسۇلتان نازارباەۆ يسپانييا كورولدىگى دەپۋتاتتار كونگرەسىنىڭ تورايىمى انا پاستورمەن كەزدەستى.

ەلباسى ەلىمىزگە ساپارمەن كەلىپ, EXPO – 2017 حالىقارالىق كورمەسىندە يسپانييا پاۆيلونىنىڭ اشىلۋىنا قاتىسقانى ۇشىن ا.پاستورعا العىس ايتتى.
– كورمەمىزدىڭ اشىلۋ سالتاناتىنا 17 شەت مەملەكەتتەر جانە ۇكىمەتتەر باسشى­لارى­مەن بىرگە, يسپانييا كورولى VI فەليپە دە قاتىسقان بولاتىن. بىز وسى ىس-شارا ايا­سىن­دا جۇزدەستىك. اسا مارتەبەلى يسپانييا كورولى قازاقستانعا قىزىعۋشىلىق تانى­تىپ, بىرقاتار ىسكەرلىك كەزدەسۋ وتكىزدى, – دەدى مەملەكەت باسشىسى.
نۇرسۇلتان نازارباەۆ ەلدەرىمىز ارا­سىندا ەكىجاقتى دوستىق قارىم-قاتىناس ور­­ناعانىن, ەكونوميكا مەن ساياساتتاعى باي­­لانىستارىمىز جەمىستى دامىپ كەلە جاتقانىن ايتىپ, حالىقارالىق كۇن تار­تىبىن­دەگى ماسەلەلەر بويىنشا ۇستانىمدارى­مىز ۇقساس ەكەنىنە توقتالدى.
– قازاقستانعا ساپارى كەزىندە اسا مار­تە­بەلى يسپانييا كورولىمەن بىرگە يسپا­نييا­نىڭ ىسكەر توپتار وكىلدەرى مەن ۇكىمەت مۇ­شە­لە­رى كەلدى. ولار قازاقستانداعى ارىپ­­تەستەرىمەن جەمىستى كەلىسسوزدەر وتكىزدى, – دەدى قازاقستان پرەزيدەنتى.
مەملەكەت باسشىسى يسپانييا كورولى
Vى فە­ليپە مەن ۇكىمەتىنە جوعارى ماراپاتى ۇشىن جىلى لەبىزىن بىلدىرىپ, كورول ى حۋان كارلوس پەن ونىڭ جۇبايى سوفييا پات­شايىم­عا اماندىق جانە تابىس تىلەدى.
يسپانييا كورولدىگى دەپۋتاتتار كونگ­رەسى­نىڭ تورايىمى مەملەكەتتەرىمىز اراسىن­دا دوستىق قارىم-قاتىناس ورناعانىن اي­تىپ, يسپانييا دەلەگاتسيياسىنا داستۇرلى تۇر­دە قوناقجايلىق كورسەتكەنى ۇشىن ريزا­شىلىق بىلدىردى.
– سىزدىڭ ەلىڭىزدى دامىتۋ مەن وركەن­دەتۋ جولىنداعى قىزمەتىڭىز, كۇش-جىگەرىڭىز تۋرالى العاش رەت يسپانييا كورولى ى حۋان كار­لوستان ەستىدىم. دال سول كەزدە يسپانييا كورولى ى حۋان كارلوس قازاقستانداعى ارىپ­تەستەرىمىزبەن ىسكەرلىك بايلانىستار ورناتۋ قاجەتتىگىن ايتقان بولاتىن. بۇگىندە قازاق­ستان سىزدىڭ ارقاڭىزدا زور تابىسقا قول جەت­كى­زىپ وتىر, – دەدى انا پاستور.
بۇدان بولەك يسپانييا كورولدىگى دەپۋ­تاتتار كونگرەسىنىڭ تورايىمى قازاقستان پرەزيدەنتىنە يسپانييا كورولدىگى وتبا­سىنىڭ شىنايى لەبىزىن جەتكىزدى.

بولىسۋ:

پىكىر جازۋ


*