پرەزيدەنت پارمەن بەردى

1213
0
بولىسۋ:

مەملەكەت باسشىسى ن.نازارباەۆتىڭ توراعالىعىمەن قاۋىپسىزدىك كەڭەسىنىڭ وتىرىسى وتتى. بۇل تۋرالى اقوردانىڭ باسپاسوز قىزمەتى حابارلادى.

وتىرىستا كيبەرقاۋىپسىزدىكتى قامتا­ماسىز ەتۋ مەن تەرروريزمنىڭ الدىن الۋ جونىندەگى وزەكتى ماسەلەلەر تالقىلاندى.
قازاقستان پرەزيدەنتى قازىرگى كەزدە تسيفرلىق تەحنولوگييالاردى ەنگىزۋدىڭ ماڭىزدىلىعىنا توقتالىپ, بۇل رەتتە كيبەرقاۋىپ-قاتەرگە جانە اقپاراتتىق تەحنولوگييالاردى زاڭسىز پايدالانۋعا قارسى تۇرۋ قاجەتتىگىن اتاپ وتتى.
– اقپاراتتىق-كوممۋنيكاتسييالىق تەحنولوگييالار ادام ومىرى مەن مەملە­كەتتىڭ بارلىق سالاسىندا كەزدەسەدى. سوندىقتان مەن «قازاقستاننىڭ ۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋدا تسيفرلىق تەحنولوگييالاردى دامىتۋ ماقساتىن قويدىم. ونىڭ پايداسى زور, بىراق ونى ەنگىزۋمەن بىرگە كيبەرشابۋىلدار جاساۋ قاۋپى دە تۋىندايدى. سول سەبەپتەن قازاقستان وعان دايىن بولۋعا تيىس, – دەدى ەلباسى.
نۇرسۇلتان نازارباەۆ جيىنعا قاتىسۋشىلار نازارىن ەلىمىزدەگى جانە الەمدەگى تەرروريستىك توپتاردىڭ دەس­ترۋكتيۆتى ارەكەتتەرىنىڭ سالدارلارىنا اۋدارىپ, ولارعا قارسى تيىمدى جۇمىستار جۇرگىزۋدى بىر جولعا قويۋ قاجەتتىگىن ايتتى.
سوڭىندا مەملەكەت باسشىسى بىر­قاتار ناقتى تاپسىرما بەردى.

بولىسۋ:

پىكىر جازۋ


*