مەملەكەت باسشىلارى قۇتتىقتاۋ جولدادى

1587
0
بولىسۋ:

مەملەكەت باسشىسى نۇرسۇلتان نازارباەۆتىڭ تۋعان كۇنىنە وراي شەتەلدەردىڭ مەملەكەت باسشىلارى مەن ۇكىمەت باسشىلارى ىستىق لەبىزدەرىن جولدادى. بۇل قۇتتىقتاۋلاردى اقوردانىڭ باسپاسوز قىزمەتى جارييالادى.

رەسەي فەدەراتسيياسىنىڭ پرەزيدەنتى ۆلاديمير پۋتين نۇرسۇلتان نازارباەۆ­تى تۋعان كۇنىمەن قۇتتىقتاپ, ەلباسىنىڭ مەملەكەتىمىزدى الەۋمەتتىك-ەكونومي­كالىق تۇرعىدا دامىتۋدا جانە قازاق­ستاننىڭ الەمدىك ارەناداعى ورنىن نىعايتۋدا زور ۇلەس قوسقانىن اتاپ وتتى.
«سىزدىڭ ەلدەرىمىز اراسىنداعى وداق­تاستىق پەن ستراتەگييالىق سەرىكتەستىك قارىم-قاتىناستى نىعايتۋداعى, سونداي-اق وزارا تيىمدى ينتەگراتسييالىق ۇدەرىستەردى دامىتىپ, ەۋرازييا كە­ڭىستىگىندەگى قاۋىپسىزدىكتى قامتاماسىز ەتۋدەگى جەكە ۇلەسىڭىز ۇشان-تەڭىز.
ارامىزداعى وزارا تۇسىنىستىك پەن سەنىمدى جوعارى باعالايمىن. بىز ەكىجاقتى, وڭىرلىك جانە حالىقارالىق كۇن تارتىبىندەگى بارلىق ماسەلە بويىنشا بىرلەسىپ جەمىستى قىزمەت اتقارىپ كەلەمىز» دەلىنگەن حاتتا.
ۆ.پۋتين مەملەكەت باسشىسىنا زور دەنساۋلىق, باق-بەرەكە تىلەپ, قازاقستان حالقىنىڭ يگىلىگى جولىندا جاڭا تابىس­تارعا جەتۋگە نيەتتەستىگىن بىلدىردى.
***
قىتاي حالىق رەسپۋبليكاسىنىڭ توراعاسى سي تسزينپين وز قۇتتىقتاۋىندا قازاقستان مەن قىتاي قارىم-قاتىنا­سىنىڭ ماڭىزدىلىعى مەن ونىڭ اي­رىقشا قارقىنمەن دامىپ كەلە جاتقا­نىن ايتىپ, ەكى ەل اراسىنداعى جان-جاقتى ستراتەگييالىق ارىپتەستىكتى ودان ارى نىعايتۋعا نيەتتى ەكەنىن جەتكىزدى.
«سوڭعى جىلدارى قىتاي مەن قا­زاقستان اراسىندا ساياسي وزارا سەنىم نىعايىپ, «بىر بەلدەۋ, بىر جول» بىر­لەسكەن باستاماسى جەمىستى ىسكە اسىرىلا باستادى, سونداي-اق ناقتى ىنتى­ماقتاستىق اياسى كەڭەيىپ, گۋمانيتارلىق بايلانىستا­رىمىز دا بەلسەندى دامىپ كەلەدى. سىز بيىلعى مامىر ايىندا قىتايدا وتكەن «بىر بەلدەۋ, بىر جول» حالىقارالىق فورۋمىنا قاتىستىڭىز. بىر اي بۇرىن مەن قازاقستانعا رەسمي ساپارمەن كەلىپ, شانحاي ىنتى­ماقتاستىق ۇيىمىنىڭ سامميتى مەن استاناداعى EXPO – 2017 كورمەسىنىڭ سالتاناتتى اشىلۋ راسىمىنە قاتىستىم. بىز ەكىجاقتى قارىم-قاتىناس پەن بارلىق سالاداعى ناقتى ىنتى­ماقتاس­تىقتى نىعايتۋ جونىندە پىكىر الماسىپ, ماڭىزدى ۋاعدالاستىقتارعا قول جەتكىزدىك» دەلىنگەن جەدەلحاتتا.
قىتاي حالىق رەسپۋبليكاسىنىڭ توراعاسى قازاقستان پرەزيدەنتىنە زور دەنساۋلىق پەن بارلىق باستامالارىنا تابىس تىلەدى.

***
ازىربايجان رەسپۋبليكاسىنىڭ پرەزيدەنتى يلحام اليەۆ نۇرسۇلتان نازارباەۆتىڭ پاراساتتى ارى كورەگەن باسشىلىعىمەن قازاقستاننىڭ الەۋ­مەتتىك-ەكونوميكالىق جانە مادەني سالالارى جوعارى قارقىنمەن دامىپ كەلە جاتقانىن اتاپ وتىپ, ەلىمىزدىڭ جاھاندىق ۇدەرىستەرگە بەلسەندى اتسا­لىسىپ وتىرعانىنا نازار اۋداردى.
ي.اليەۆ مەملەكەت باسشىسىنىڭ ازىربايجان مەن قازاقستان اراسىنداعى دوستىق پەن تاتۋ كورشىلىك داستۇرىن ساقتاۋ ىسىندەگى ەڭبەگىن جوعارى باعالادى.
«تاريحي تامىرى بىر حالىقتارى­مىزدىڭ قالاۋىمەن مەملەكەتتەرىمىز اراسىنداعى قارىم-قاتىناس, سەرىك­تەستىگىمىز, ەكىجاقتى جانە كوپجاقتى ىنتىماقتاستىعىمىز بۇدان ارى دە قارقىندى دامي بەرەتىنىنە سەنىمدىمىن.
قۇرمەتتى نۇرسۇلتان ابىشۇلى, وسى ايتۋلى كۇندە سىزگە زور دەنساۋلىق, باقىت جانە باۋىرلاس قازاقستان حال­قىنىڭ وسىپ-وركەندەۋى جولىنداعى قىزمەتىڭىزگە تابىس تىلەيمىن» دەلىنگەن قۇتتىقتاۋ حاتتا.

***
بەلارۋس رەسپۋبليكاسىنىڭ پرە­زيدەنتى الەكساندر لۋكاشەنكو تاۋەلسىز قازاقستاننىڭ جەتىستىكتەرى نۇرسۇلتان نازار­باەۆ­­تىڭ قىزمەتىمەن تىكەلەي بايلانىس­تى ەكەنىن اتاپ وتتى.
«سىز ەلىڭىزدىڭ الەۋمەتتىك-ەكونومي­كالىق دامۋىنداعى كۇردەلى مىندەتتەردى شەشۋدە جانە ونىڭ حالىقارالىق بە­دەلىن نىعايتۋدا ايتارلىقتاي تابىس­تارعا جەتتىڭىز. بۇگىندە قازاقستان قازىرگى الەمنىڭ سىن-تەگەۋرىندەرىنە توتەپ بەرىپ, وزىق باستامالار كوتەرىپ, بولاشاققا سەنىممەن قارايدى» دەلىنگەن جەدەلحاتتا.
ا.لۋكاشەنكو بەلارۋس پەن قازاق­ستاننىڭ بارلىق سالاداعى بايلانىس­تارىن ودان ارى كەڭەيتۋگە سەنىم بىلدىرىپ, مەملەكەت باسشىسىنا زور دەنساۋلىق پەن باق-بەرەكە تىلەدى.

***
ۋكراينا پرەزيدەنتى پەتر پورو­شەن­كو نۇرسۇلتان نازارباەۆتى تۋعان كۇنى­مەن قۇتتىقتاپ, ونىڭ قازاقستان پرەزي­دەنتى رەتىندەگى قىزمەتى وز ەلىنە قالت­قى­سىز قىزمەت ەتۋدىڭ ۇلگىسى ەكەنىن اتاپ وتتى.
«ۋكراينا مەن قازاقستان اراسىنداعى دوستىق قارىم-قاتىناس حالىقتارى­مىزدىڭ يگىلىگى ۇشىن قول جەتكىزىلگەن ەكىجاقتى ۋاعدالاستىقتاردى ىسكە اسىرۋعا سەپتىگىن تيگىزەتىنىنە سەنەمىن. مۇمكىن­دىكتى پايدالانا وتىرىپ, سىزدى ۋكرايناعا مەملەكەتتىك ساپارمەن كەلۋگە شاقى­رۋىمدى راستايمىن. سىزدىڭ ساپارىڭىز وزارا تيىمدى سەرىكتەستىكتى دامىتۋعا تىڭ سەرپىن بەرىپ, ەكى ەل اراسىنداعى وزارا تۇسىنىستىكتى نىعايتاتىن بولادى» دەلىنگەن حاتتا.
پ.پوروشەنكو قازاقستان پرەزيدەن­تىنە زور دەنساۋلىق تىلەپ, جاۋاپتى مەملەكەتتىك قىزمەتتە سارقىلماس كۇش-قايرات پەن جاڭا تابىستارعا جەتۋگە نيەتتەستىك بىلدىردى.
***

وزبەكستان رەسپۋبليكاسىنىڭ پرە­زيدەنتى شاۆكات ميرزيەەۆ نۇرسۇلتان نازارباەۆتىڭ باسشىلىعىمەن قازاقستان حالقىنىڭ يگىلىگى ۇشىن ىسكە اسىرىلىپ جاتقان اۋقىمدى جوبالار مەن باعدارلا­مالاردىڭ ناتيجەلەرىنە توقتالدى.
سونىمەن قاتار ش.ميرزيەەۆ مەم­لەكەت باسشىسىنىڭ قازاقستان مەن بۇكىل ورتالىق ازييانىڭ حالىقارالىق ارەناداعى بەدەلىن ارتتىرۋداعى ماڭىزدى باستامالارى مەن بەلسەندى قىزمەتىن جوعارى باعالادى.
«وعان دالەل رەتىندە اسەم ارى زاماناۋي استانادا حالىقارالىق EXPو – 2017 مامانداندىرىلعان كورمەسىنىڭ جوعارى دەڭگەيدە ۇيىمداستىرىلۋىن, جاھاندىق جانە وڭىرلىك ساياسات پەن قاۋىپسىزدىك, ەكونوميكا مەن ينۆەستيتسييالار, مادەنيەت پەن عىلىم سالالارىنداعى ىرى ىس-شا­رالاردىڭ تابىستى وتۋىن, سونداي-اق حالىق­ارالىق قۇرىلىمدار اياسىنداعى تيىمدى جۇمىستار مەن تابىستى وزارا ىس-قيمىلدى اتاپ وتۋگە بولادى» دەلىنگەن جەدەلحاتتا.
شاۆكات ميرزيەەۆ نۇرسۇلتان نازارباەۆ­قا زور دەنساۋلىق, باق-بەرەكە جانە جاۋاپتى مەملەكەتتىك قىزمەتتە جاڭا تابىستارعا جەتۋگە تىلەكتەستىك بىلدىردى.
***
تاجىكستان رەسپۋبليكاسىنىڭ پرەزي­دەنتى ەمومالي راحمون نۇرسۇلتان نازارباەۆ­تىڭ قازاقستاندى ورنىقتى دا­مىتۋعا ارى وركەندەتۋگە جانە ونىڭ الەمدىك قوعامداستىق اراسىنداعى بەدەلىن نىعايتۋعا زور ۇلەس قوسقانىن اتاپ وتتى.
«مۇمكىندىكتى پايدالانا وتىرىپ, تا­جىكستان مەن قازاقستاننىڭ كوپقىرلى وزارا تيىمدى ىنتىماقتاستىعىن جان-جاقتى دامىتۋ ۇشىن سىزبەن بىرگە بار كۇش-جىگەرىمىزدى جۇمىلدىرۋعا نيەتتى ەكەنىمىزدى ايتقىم كەلەدى.
شىن جۇرەكتەن سىزگە زور دەنساۋلىق, ۇزاق عۇمىر جانە دوستاس قازاقستاننىڭ تۇراقتىلىعى مەن وركەندەۋى جولىنداعى مەملەكەتتىك قىزمەتىڭىزگە جاڭا جەتىستىكتەر تىلەيمىن» دەلىنگەن قۇتتىقتاۋ حاتتا.
***
قىرعىز رەسپۋبليكاسىنىڭ پرەزيدەنتى المازبەك اتامباەۆ مەملەكەت باسشىسىن تۋعان كۇنىمەن قۇتتىقتاپ, تاۋەلسىز قا­زاقستان­نىڭ بارلىق جەتىستىگى نۇرسۇلتان نازارباەۆتىڭ جۇرگىزىپ وتىرعان سىندار­لى ساياساتىنىڭ ناتيجەسى ەكەنىن ايتتى.
«سىزدىڭ كاسىبي ارى ومىرلىك مول تاجىريبەڭىز قازاقستان حالقىنىڭ تولىق قولداۋىنا يە بولعان كوپقىرلى جانە جەمىستى مەملەكەتتىك قىزمەتىڭىزدىڭ بەرىك نەگىزى بولىپ سانالادى.
قازاقستان مەن قىرعىزستاننىڭ تەڭ قۇقىلى ارى وزارا تيىمدى ىنتىماقتاستىق قاعيداتتارىنا نەگىزدەلگەن دوستىق, تاتۋ كورشىلىك جانە ستراتەگييالىق سەرىكتەستىك قارىم-قاتىناسسىز الداعى ۋاقىتتا دا باۋىرلاس ەلدەرىمىزدىڭ يگىلىگى ۇشىن نى­عايىپ, دامي بەرەتىنىنە سەنىمدىمىن», – دەلىنگەن جەدەلحاتتا.

***
تۇركىمەنستان پرەزيدەنتى گۋربانگۋلى بەردىمۇحامەدوۆ قازاقستان پرەزيدەنتىنىڭ ەكى ەل اراسىنداعى ارىپتەستىكتى دامى­تۋداعى جەكە ۇلەسىن جوعارى باعالاپ, ەكىجاقتى قارىم-قاتىناستى ودان ارى نىعايتۋعا سەنىم بىلدىردى.
«وسى جاقسى مۇمكىندىكتى پايدالانا وتىرىپ, نۇرسۇلتان ابىشۇلى, سىزگە اماندىق, ومىرلىك كۇش-قۋات, سونداي-اق باۋىرلاس قازاقستان حالقىنىڭ بەرەكەسى مەن وسىپ-وركەندەۋى جولىنداعى جوعارى مەملەكەتتىك لاۋازىمدا ودان ارى تابىس­تارعا جەتۋگە تىلەكتەسپىن» دەلىنگەن حاتتا.

***
سەربييا رەسپۋبليكاسىنىڭ پرەزيدەنتى الەكساندر ۆۋچيچ تە نۇرسۇلتان نازارباەۆتى تۋعان كۇنىمەن قۇتتىقتاپ, قازاقستان پرەزيدەنتىنە زور دەنساۋلىق, اماندىق پەن باقىتتى عۇمىر تىلەدى.
«سىزگە پرەزيدەنت لاۋازىمىندا, قازاقستان رەسپۋبليكاسىنىڭ يگىلىگى ۇشىن جانە جەكە وزىڭىز زور ۇلەس قوسىپ وتىرعان ەلدەرىمىز اراسىنداعى ىنتىماقتاستىق جولىندا تابىستارعا جەتۋگە نيەتتەستىگىمدى بىلدىرەمىن» دەلىنگەن قۇتتىقتاۋ حاتتا.

***
ارمەنييا رەسپۋبليكاسىنىڭ پرەزيدەنتى سەرج سارگسيان استاناداعى EXPO – 2017 كورمەسىنىڭ سالتاناتتى اشىلۋ راسىمىنىڭ جوعارى دەڭگەيدە ۇيىمداستىرىلعانىن ايتىپ, نۇرسۇلتان نازارباەۆتىڭ ەلىمىزدى دامىتۋ, ونىڭ حالىقارالىق ارەناداعى بەدەلىن ارتتىرۋ جانە قازاقستان مەن ارمەنييانىڭ قارىم-قاتىناسىن نىعايتۋ ىسىندەگى زور ۇلەسىن اتاپ وتتى.
«ارميان مەن قازاق حالقىنىڭ ارا­سىنداعى دوستىق جانە بىر-بىرىن قۇرمەتتەۋ داستۇرى ەكىجاقتى ساياسي, ساۋدا-ەكو­نوميكالىق جانە گۋمانيتارلىق سەرىك­تەستىكتى كەڭەيتۋدە ماڭىزدى رول ات­قارادى» دەلىنگەن جەدەلحاتتا.
س.سارگسيان مەملەكەت باسشىسىنا زور دەنساۋلىق پەن اماندىق, قازاقستان حالقىنا بەيبىتشىلىك پەن وسىپ-وركەندەۋ تىلەدى.

***
رەسەي فەدەراتسيياسى ۇكىمەتىنىڭ توراعاسى دميتريي مەدۆەدەۆ رەسەي فەدەراتسيياسى ۇكىمەتى جانە جەكە وزىنىڭ اتىنان قازاقستان پرەزيدەنتىن تۋعان كۇنىمەن قۇتتىقتادى.
د.مەدۆەدەۆ ەنەرگەتيكا, ونەركاسىپ, كولىك ينفراقۇرىلىمى, عىلىم جانە مادەنيەت سالالارىنداعى بىرلەسكەن وزارا تيىمدى جوبالاردىڭ ىسكە اسىرىلۋ ناتي­جەلەرىنە توقتالىپ, ەكى ەلدىڭ قوعامدىق بىرلەستىكتەر مەن بيزنەس-قوعامداستىقتار اراسىنداعى ديالوگتارى قارقىندى ەكەنىنە نازار اۋداردى.
«ۇكىمەتتەرىمىزدىڭ سەرىكتەستىككە نەگىز­دەلگەن ودان ارعى جۇمىسى ەكىجاقتى ىنتىماقتاستىقتىڭ بارلىق ماسەلەلەرىن دامىتۋعا, تۇرلى سالالاردا تىڭ ارى پەرس­پەكتيۆتى باستامالاردى ىسكە اسىرۋعا, ەۋرازييالىق ەكونوميكالىق وداق اياسىن­داعى ينتەگراتسييالىق وزارا ىس-قيمىلدى نى­عايتۋعا ىقپال ەتەتىنە سەنىمدىمىن» دەلىنگەن جەدەلحاتتا.

***
تۇركييا پرەزيدەنتى رەدجەپ تايىپ ەردوعان جەكە وزىنىڭ جانە بارشا تۇرىك حالقىنىڭ اتىنان مەملەكەت باسشىسىن تۋعان كۇنىمەن قۇتتىقتاپ, حالىقارالىق دەڭگەيدە قازاقستاننىڭ بەدەلى ارتىپ كەلە جاتقانىن اتاپ وتتى.
«سىزدىڭ پاراساتتى باسشىلىعىڭىزبەن دوستاس ارى باۋىرلاس قازاقستاننىڭ قول جەتكىزگەن جەتىستىكتەرىنە قۋانىپ, جوعارى باعالايمىز. قۇرمەتتى نۇرسۇلتان ابىشۇلى, سىزگە زور دەنساۋلىق پەن اماندىق, ال باۋىرلاس قازاقستان حالقىنا بەيبىت ومىر مەن باق-بەرەكە تىلەيمىن» دەلىنگەن حاتتا.

***
يتالييا رەسپۋبليكاسىنىڭ پرەزيدەنتى سەردجو ماتتارەللا قازاقستان پرەزي­دەنتىن قۇتتىقتاپ, ەكىجاقتى قارىم-قاتى­ناستى دامىتۋدىڭ ماڭىزدىلىعىن ايتتى.
«ەلدەرىمىزدى بيىل 25 جىل تولىپ وتىر­عان بەرىك قارىم-قاتىناستار بايلا­نىستىرادى. وسى شيرەك عاسىردا بىز كوپ­تەگەن ماقساتقا قول جەتكىزدىك. قازاقستان مەن يتالييا اراسىنداعى ىنتىماقتاستىقتى ودان ارى دامىتۋدىڭ زور پەرسپەكتيۆاسى بار» دەلىنگەن جەدەلحاتتا.

***
لاتۆييا رەسپۋبليكاسىنىڭ پرەزيدەنتى رايموندس ۆەيونيس نۇرسۇلتان نازارباەۆ­تى تۋعان كۇنىمەن قۇتتىقتاپ, جۋىق ارادا قازاقستانعا ساپارمەن كەلۋگە نيەتتى ەكەنىن بىلدىردى.
«لاتۆييا مەن قازاقستان اراسىنداعى تيىمدى ىنتىماقتاستىقتى, سونداي-اق سىزدىڭ دوستىق, سەنىم جانە وزارا قۇرمەتكە نە­گىزدەلگەن قارىم-قاتىناسىمىزدى دامى­تۋ­داعى جەكە ۇلەسىڭىزدى جوعارى باعالايمىن.
جاقىندا قازاقستانعا كەلىپ, استانا EXPO – 2017 كورمەسىنىڭ تاماشا اسەرىنە بولەنەمىن دەگەن ۇمىتتەمىن» دەلىنگەن حاتتا.

بولىسۋ:

پىكىر جازۋ


*