جاڭا سەناتورلارمەن كەزدەستى

1189
0
بولىسۋ:

جوعارعى پالاتا توراعاسى قاسىم-جومارت توقاەۆ سارسەنبىدە وتكەن سەنات دە­پۋت­ات­تارى سايلاۋىندا ساي­لانعان جاڭا سەناتورلارمەن كەزدەستى.

ق.توقاەۆ ايماقتارداعى ما­سليحات دەپۋتاتتارى مەن حالىقتىڭ ولارعا كورسەتكەن سەنىمنىڭ جوعارى دەڭگەيىن اتاپ وتىپ, سەناتتىڭ جاڭا مۇشەلەرىن قۇتتىقتادى. سپيكەر ولاردىڭ تۇرلى سالالارداعى ەڭبەگى بارىسىندا جيناقتاعان مول تا­جىريبەلەرى پارلامەنتتە تابىستى قىزمەت ەتۋىنىڭ كەپىلى بولارىنا سەنىم بىلدىردى.
– كەلەسى سەسسييادا الدىمىزدا قاۋىرت جۇمىستار كۇتىپ تۇر. ەڭ الدىمەن, ەلباسىنىڭ ساياساتىن زاڭنامالىق تۇرعىدان قولداۋ جانە جۇزەگە اسىرۋ بويىنشا اتقارىلىپ جاتقان كەشەندى جۇمىستاردى جالعاستىراتىن بولامىز. جالپى, بۇگىنگى كۇنى پارلامەنت قاراۋىندا 30-عا جۋىق زاڭ جوباسى بار, – دەدى ق.توقاەۆ.
ول جاڭا دەپۋتاتتاردى پالاتا جۇمىسىنىڭ ەرەكشەلىكتەرى تۋرالى حاباردار ەتتى جانە كەلەسى سەسسييادا پارلامەنت پەن سەنات رەگلامەنتىنە تۇزەتۋلەر ەنگىزۋ جوسپارلانىپ وتىرعانىن ەسكە سالدى.
سول كۇنى ق.توقاەۆ وكىلەتتىلىك مەرزىمى اياقتالعان سەناتورلارمەن دە كەزدەستى. سپيكەر زاڭ شىعارۋ قىزمەتىنە ۇلكەن ۇلەس قوسقانى, ەل ومىرىندەگى الەۋمەتتىك-ەكو­نو­ميكالىق جانە ساياسي وزگەرىس­تەرگە بەلسەندى قاتىسقانى ۇشىن پارلامەنتشىلەرگە العىسىن بىل­دىردى. كەزدەسۋ سوڭىندا ولار سەنات توراعاسىنىڭ العىسحاتىمەن جانە سەناتتىڭ قۇرمەت گراموتا­سىمەن ماراپات­تالدى.

ەرىك ەردەنوۆ

بولىسۋ:

پىكىر جازۋ


*