بايلانىستاردى كەڭەيتۋگە ۇندەدى

1424
0
بولىسۋ:

سەنات توراعاسى قاسىم-جومارت توقاەۆ ماجارستاننىڭ سىرتقى ىستەر جانە سىرتقى ەكونوميكالىق بايلانىستار مينيسترى پيتەر سيييارتومەن كەزدەستى.

ق.توقاەۆ ماجارستاننىڭ EXPو-2017 حالىقارالىق كورمەسىنە قاتىسقانى ۇشىن ريزاشىلىعىن جەتكىزدى جانە «جاسىل» تەحنولوگييالار سالاسىندا ەلدىڭ تاجىريبەسى كورمەنىڭ تابىستى وتۋىنە ماڭىزدى ۇلەس قوساتىنىنا سەنىم بىلدىردى.
سەنات سپيكەرى ەكى مەملەكەتتىڭ زاڭ شىعارۋشى ورگاندارى اراسىنداعى ىنتى­ماقتاستىقتىڭ جوعارى دەڭگەيدە ەكەنىن اتاپ وتتى جانە الداعى ۋاقىتتا دا پارلامەن­تارالىق بايلانىستاردى كەڭەيتە تۇسۋگە ۇندەدى. كەزدەسۋ بارىسىندا ساۋدا-ەكونو­ميكالىق جانە گۋمانيتارلىق بايلانىس­تاردى دامىتۋ جايى, سونداي-اق حالىق­ارالىق كۇن تارتىپتەگى وزەكتى ماسەلەلەر تالقىلاندى.
سول كۇنى, قاسىم-جومارت توقاەۆ تۇركىتىلدەس مەملەكەتتەر ىنتىماقتاستىق كەڭەسىنىڭ باس حاتشىسى راميل گاسانوۆتى قابىلدادى.
سپيكەر ۇلتتىق سپورت پەن جاستار اۋما­عىنداعى ىنتىماقتاستىققا ارنالعان تۇركىتىلدەس مەملەكەتتەر ىنتىماقتاستىعى كەڭەسىنىڭ التىنشى سامميتىنە دايىندىق تۋرالى حاباردار بولدى. جۋىردا وتەتىن تۇركى تىلدەس ەلدەر باسشىلارىنىڭ كەزدەسۋى باۋىرلاس ەلدەر اراسىنداعى ىن­تىماق­تاستىقتى تەرەڭدەتۋگە سەرپىن بەرەتىنىنە تاراپتار سەنىم بىلدىردى.
ق.توقاەۆ ر.گاسانوۆقا تۇركى كەڭەسىنىڭ باس حاتشىسى رەتىندە بەلسەندى جۇمىس اتقارعانى ۇشىن العىسىن بىلدىردى. كەڭەستىڭ كەلەسى باس حاتشىسى ەتىپ قا­زاقستان­دىق وكىلدى سايلاۋ جوسپارلانعان.

 

ايحان شارىپ

بولىسۋ:

پىكىر جازۋ


*