كونستيتۋتسييالىق زاڭ جوبالارى قارالدى

665
0
بولىسۋ:

سپيكەر قاسىم-جومارت توقاەۆتىڭ توراعالىعىمەن سەناتتىڭ جالپى وتىرىسى وتتى.
وتىرىس بارىسىندا سەناتورلار قازاق­ستان مەن وزبەكستان اراسىنداعى مەم­لە­كەتتiك شەكارا ارقىلى وتكiزۋ پۋنكتتەرi تۋرالى ۇكىمەتارالىق كەلiسiمگە وزگەرىستەر مەن تولىقتىرۋلار ەنگىزەتىن حاتتامانى راتيفيكاتسييالادى. وندا ەلىمىزدىڭ «بەينەۋ» ستانساسىنداعى تەمىرجول وتكىزۋ بەكەتىن «وازيس» ستانساسىنا اۋىستىرۋ كوزدەلىپ وتىر. سونداي-اق «قاپلانبەك», «قازىعۇرت» جانە «اتامەكەن» اۆتوموبيل وتكىزۋ بە­كەتتەرىنە حالىقارالىق (كوپجاقتى) مار­تەبە بەرىلىپ, تاۋلىك بويى جۇمىس ىستەيتىن تارتىپكە كوشەدى. ودان باسقا, تەك جەڭىل اۆتوكولىكتەرگە ارنالعان «تسەليننىي» جانە «سىردارييا» ەكىجاقتى (مەملەكەتارالىق) وتكىزۋ بەكەتتەرى اشىلادى. بۇل بەكەتتەردەن جۇك پەن كوممەرتسييالىق ماقساتتاعى تاۋار وتكىزىلمەيدى جانە كەدەندىك راسىمدەر اياسىنداعى تاۋارعا بايلانىستى كەدەندىك وپەراتسييالار جۇزەگە اسىرىلمايدى.
وسى جيىنداردا سەناتورلار بيىل اتا زاڭعا ەنگىزىلگەن وزگەرىستەردى زاڭنامالىق قولداۋعا باعىتتالعان زاڭ جوبالار توپتا­ماسىن قارادى. مىسالى, «كەيبىر زاڭنا­مالىق اكتىلەرگە مەملەكەتتىك بيلىكتىڭ تار­ماقتارى اراسىندا وكىلدىكتەردى قايتا بولۋ ماسەلەلەرى بويىنشا وزگەرىستەر مەن تو­لىقتىرۋلار ەنگىزۋ تۋرالى» زاڭ جوباسى ەكى وقىلىمدا قارالىپ قابىلداندى. ادىلەت مينيسترى مارات بەكەتاەۆتىڭ تۇسىن­دى­رۋىن­شە, زاڭ جوباسى پرەزيدەنتتىڭ ەكونومي­كالىق ۇدەرىستەردى رەتتەۋ سالاسىنداعى جانە ۇيىمداستىرۋشىلىق سيپاتتاعى, سونداي-اق الەۋمەتتىك ماڭىزى بار كەيبىر وكىلەتتىك­تەرىن ۇكىمەتكە بەرەدى.
سەنات وتىرىسى بارىسىندا سەناتور ق.ايتاحانوۆتىڭ كوپبالالى انالارعا مىن­دەتتى مەديتسينالىق ساقتاندىرۋ جارنا­لارىن مەملەكەتتىڭ وز موينىنا الۋى قا­جەتتىگى تۋرالى دەپۋتاتتىق ساۋالى تىڭ­دالدى.

ەلدوس سەنباي

بولىسۋ:

پىكىر جازۋ


*