ەلباسى «ۇزدىك مەملەكەتتىك قىزمەتشى» بايقاۋىنىڭ جەڭىمپازدارىمەن كەزدەستى

1131
0
بولىسۋ:

قازاقستان پرەزيدەنتى نۇرسۇلتان نازارباەۆ مەملەكەتتىك ورگانداردىڭ قىزمەتكەرلەرىن مەملەكەتتىك قىزمەتشى كۇنىنە وراي وتكىزىلگەن كونكۋرستاعى جەڭىستەرىمەن قۇتتىقتادى.
نۇرسۇلتان نازارباەۆ مەملەكەتتىك قىزمەتتىڭ ميسسيياسى حالىققا ادال قىزمەت ەتۋ جانە ەلىمىزدىڭ ۇلتتىق مۇددەسىن تيىمدى قور­عاي بىلۋ ەكەنىن اتاپ وتتى.
– مەملەكەتتىك اپپاراتتىڭ ۇيلەسىمدى جۇمىسى مىقتى ارى تاۋەلسىز قازاقستاندى قۇرۋعا سەپتىگىن تيگىزدى. بۇگىندە ەلىمىز الەم­نىڭ بارلىق جەتەكشى رەيتينگىندە سەنىمدى تۇردە لايىقتى ورىندارعا يە بولۋدا. ەكو­نوميكانىڭ وڭ قارقىنى ساقتالۋدا, قو­عامدىق كەلىسىم مەن بىرلىك ورنىقتى قول­داۋعا يە, – دەدى مەملەكەت باسشىسى.
ەلباسى مەملەكەتتىك قىزمەتشىلەر ەلى­مىزدى دامىتۋعا زور ۇلەس قوسقانىن اتاپ وتىپ, اۋقىمدى رەفورمالاردى ىسكە اسىرۋدا مەملەكەتتىك اپپاراتتىڭ ماڭىزدى رول اتقاراتىنىنا نازار اۋداردى.
نۇرسۇلتان نازارباەۆ قازاقستاننىڭ جاھاندىق باسەكەگە قابىلەتتىگىن ارتتىرۋ تۇرعىسىنان مەملەكەتتىك اپپاراتتى ­جۇيە­لى تۇردە ترانسفورماتسييالاۋ جونىندەگى شارا­لارعا ەرەكشە توقتالدى.
– مەملەكەتتىڭ اشىقتىعىن قالىپ­تاستىرۋ جالعاسۋدا. مەملەكەتتىك قىزمەت­تەر كورسەتۋدىڭ بىرىڭعاي پروۆايدەرى – «ازا­ماتتارعا ارنالعان ۇكىمەت» مەملەكەت­-
تىك كورپوراتسيياسى قۇرىلدى. ورتالىق جانە جەرگىلىكتى اتقارۋشى ورگانداردىڭ جە­تەك­شىلەرى جىل سايىن حالىق الدىندا ەسەپ بە­رەدى, – دەدى قازاقستان پرەزيدەنتى.
سونىمەن قاتار ەلباسى مەملەكەتتىك قىزمەتتىڭ مەريتوكراتييا جانە اشىقتىق قاعيداتتارىنا نەگىزدەلگەن جاڭا فور­-ماتىن ەنگىزۋدىڭ ناتيجەلەرىن اتاپ وتتى.
– قىزمەتكەرلەرگە ەڭبەكاقىنى جۇمىس ناتيجەسى بويىنشا تولەۋ, سونداي-اق بىلىك­تىلىك پەن كاسىبي قابىلەتتى تۇراقتى تۇردە ارتتىرۋ ماسەلەسى زاڭ جۇزىندە بەكىتىلدى. قازاقستان مەملەكەتتىك باسقارۋ سالاسىندا ەكونوميكالىق ىنتىماقتاستىق جانە دامۋ ۇيىمى ەلدەرىنىڭ قاعيداتتارىن ەنگىزۋدە. مەملەكەتتىك اپپاراتتىڭ تۇراقتىلىعى نىعايدى – مەملەكەتتىك قىزمەتتەگى اۋىس-تۇيىستەر ەكى ەسە قىسقاردى. باسقا جۇمىسقا اۋىسۋ 18 ەسە, ال جۇمىستان بوساۋ – ەكى ەسە ازايدى, – دەدى مەملەكەت باسشىسى.
سوڭىندا قازاقستان پرەزيدەنتى مەم­لەكەتتىك قىزمەتشىلەردىڭ جوعارى ادەپ نورمالارىن قاتاڭ ساقتاۋىنىڭ ماڭىزدى ەكەنىن ايتتى.
– باسەكەگە قابىلەتتى مەملەكەتتىك قىز­مەتتى ورنىقتىرماساق, وركەندەگەن قازا­ستاندى قالىپتاستىرۋ جونىندەگى باستى ماق­ساتىمىزعا دا قول جەتكىزە المايمىز. بۇل ورايدا مەملەكەتتىك قىزمەتشىنىڭ ابى­روي-بەدەلىن ساقتاۋ ماڭىزدى. سىزدەر رە­فور­مالاردىڭ بەل ورتاسىندا جۇرسىزدەر. ەلىمىزدىڭ تابىسقا جەتۋى مەن گۇلدەنۋى كوپ جاعدايدا سىزدەردىڭ جەمىستى جۇمىس­تارى­ڭىزعا بايلانىستى. سىزدەر الداعى ۋاقىتتا دا مەملەكەتكە مۇلتىكسىز قىزمەت ەتىپ, حال­قىمىزعا ادال ەڭبەك ەتەتىندەرىڭىزگە سەنىم­دىمىن, – دەدى ەلباسى.
اڭگىمە بارىسىندا نۇرسۇلتان نازار­باەۆ كەزدەسۋگە قاتىسۋشىلاردىڭ ەل ىشىندە جۇرگىزىلىپ جاتقان رەفورمالار مەن رۋحاني جاڭعىرۋدىڭ نەگىزگى باعىتتارىن ىسكە اسىرۋ بارىسى تۋرالى پىكىرىن بىلدى.
كەزدەسۋگە مەملەكەتتىك قىزمەت ىستەرى جانە سىبايلاس جەمقورلىققا قارسى ىس-قي­مىل اگەنتتىگىنىڭ توراعاسى ق.قوجام­جاروۆ, رەسپۋبليكالىق بيۋدجەتتىڭ ورىندالۋىن باقىلاۋ جونىندەگى ەسەپ كوميتەتى زاڭ بو­لىمىنىڭ مەڭگەرۋشىسى م.احمەتوۆ, اقپارات جانە كوممۋنيكاتسييالار مينيسترلىگى مەملەكەتتىك قىزمەت كورسەتۋدى دامىتۋ جونىندەگى دەپارتامەنتتىڭ باسقارما باس­شىسى ن.باجاەۆا, الماتى قالالىق ىشكى ىستەر دەپارتامەنتى جەرگىلىكتى پوليتسييا قىز­مەتىنىڭ باسشىسى ج.بايكەنوۆ, پاۆلودار وبلىسى اقسۋ قالاسى ەۆگەنەۆ اۋىلدىق وكرۋگىنىڭ اكىمى ت.بەيسەنباەۆا, جامبىل وبلىسى جۋالى اۋدانى كوكباستاۋ اۋىلدىق وكرۋگىنىڭ اكىمى اپپاراتىنىڭ ىس جۇرگىزۋ بولىمىنىڭ باسشىسى م.بەكتۇرعانوۆ, اقتوبە وبلىسى تىلدەردى دامىتۋ باسقارماسىنىڭ باس مامانى ن.بەرتىلەۋوۆا, پاۆلودار وب­لىسى شارباقتى اۋدانى ورلوۆكا اۋىلدىق وكرۋگىنىڭ اكىمى ي.گاللياموۆا, پاۆلودار وبلىسى پاۆلودار اۋداندىق ماسليحاتى اپپاراتىنىڭ باسشىسى ۆ.گەينتس, پرەزي­دەنت اكىمشىلىگى ستراتەگييالىق ازىرلەمەلەر جانە تالداۋ ورتالىعى مەڭگەرۋشىسىنىڭ ورىن­باسارى ج.ەرەەۆا, پرەزيدەنت اكىمشىلىگى جالپى بولىمىنىڭ مەڭگەرۋشىسى م.جاقىپوۆ, ينۆەستيتسييالار جانە دامۋ مينيسترلىگى كادر جۇمىسى دەپارتامەنتى ديرەكتورىنىڭ ورىنباسارى ە.قاپىشەۆ, الماتى قالاسى قارجى باسقارماسىنىڭ باسشىسى ا.قۇدايبەرگەنوۆا قاتىستى.

سەرىك سادىر

بولىسۋ:

پىكىر جازۋ


*