كەلىسىمدەرگە قول قويىلدى

1165
0
بولىسۋ:

ۇكىمەتتە استانادا وتەتىن شەتەل ينۆەستورلارى كەڭەسىنىڭ 30-وتىرىسى اياسىندا پرەمەر-مينيستر باقىتجان ساعىنتاەۆ «شەۆرون» اتقارۋشى ۆيتسە-پرەزيدەنتى دجەيمس دجونسونمەن مۇناي-گاز سالاسىنداعى ىنتىماقتاستىق ماسەلەلەرى بويىنشا كەزدەسۋ وتكىزدى.

كەزدەسۋ بارىسىندا تەڭىز كەن ورنىن كەڭەيتۋ جوباسى تالقىلاندى. تاراپتار اتالعان جوبا, قازاقستان ەكونومي­كا­سى­نىڭ تۇراقتى دامۋىنا, سونداي-اق تشو-نىڭ بارلىق سەرىكتەستەرىنە وڭ مۋلتيپ­لي­كاتيۆتى اسەر بەرەتىنىن اتاپ وتتى. مەملەكەت باسشى­سى­نىڭ «قازاقستاننىڭ ۇشىنشى جاڭعىرۋى: جاھاندىق باسەكەگە قابىلەتتىلىك» جولدا­ۋىن­دا قويعان تاپسىرمالارىن ىسكە اسىرۋ اياسىن­دا مۇناي-گاز سەكتورىن تەحنولوگييالىق جاڭ­عىر­تۋعا ەرەكشە كوڭىل بولىندى. سونىمەن قاتار تاراپتار استانادا وتىپ جاتقان «EXPO – 2017» كورمەسىن تالقىلادى.
«شەۆرون» – تەڭىز كەن ورنىن وڭدەيتىن «تەڭىزشەۆرويل» (تشو) اكتسييالارىنىڭ 50%-نا يە. تشو ساعالىق قىسىمدى باسقارۋ جوباسىن/بولاشاق كەڭەيتۋ جوباسىن (سقبج/بكج) ىسكە اسىرۋدى باستادى, ونىڭ اياسىندا قۋاتى جىلىنا
12 ملن توننا مۇناي وڭدەيتىن جاڭا زاۋىت جانە قۋاتى 9,4 ملرد م3/جىل شيكى گازدى كەرى ايداۋ نىساندارىن سالۋ كوزدەلگەن. سقبج/بكج اياسىندا ەلى­مىز­دە 20 مىڭنان استام جۇمىس ورنىن اشۋ جوسپارلانعان. كادرلاردى وقىتۋ جانە دايارلاۋ شارالارى قاراستىرىلعان, سونداي-اق پايدالانۋ كەزىندە 700-گە جۋىق تۇراقتى جۇمىس ورنى قۇرىلادى.
باقىتجان ساعىنتاەۆ Polpharma S.A. كوم­پانيياسىنىڭ قاداعالاۋ كەڭەسىنىڭ تورا­عا­سى ەجي ستاراكپەن كەزدەستى. جۇزدە­سۋ­دە ە.ستاراك Polpharma S.A. كومپا­نيياسىنىڭ قازاقستاندا جۇرگىزەتىن جۇ­مىس­­تارىنىڭ ال­دا­عى جوسپارلارى تۋرالى ايتتى. تاراپتار فار­­ماتسەۆتيكا سالا­سىن­داعى ىنتىماقتاس­تىق­تى دامىتۋ مەن وعان قولداۋ كورسەتۋ ما­سە­لەلەرىن تالقىلادى. «حيمفارم» اق-ى SANTO Member of Polpharma Group (SANTO كومپانيياسى) تاۋارلىق ماركاسىمەن Polpharma S.A. قۇرامىنا كىرەدى جانە قا­زاق­ستان­داعى جەتەكشى فارماتسەۆتيكالىق كاسىپ­ورىن بولىپ ەسەپتەلەدى. «حيمفارم» ەل ىشىن­دە­گى دارى-دارمەكتەردىڭ 1/3-دەن جوعارى كولە­مىن شىعارادى.
وسى كۇنى «ۇكىمەت ۇيىندە» ۇكىمەت باس­شى­سى باقىتجان ساعىنتاەۆ رەسەي مەن تمد ەلدەرى بويىنشا JPMorgan Chase باسقارۋشى ديرەكتورى, اعا اتقارۋشى وفيتسەرى يان تاۆروۆ­­سكييمەن قارجى سالا­سىن­داعى ىنتى­ماق­­­تاستىق ماسەلە­لەرىن تالقىلادى. كەزدەسۋ اياسىندا قا­زى­نا­­شىلىق وپەراتسييالار سالا­سىن­داعى قىز­مەت­تەر مەن ينۆەستيتسييالىق بانكينگتى دا­مىتۋ, JPMorgan Chase قىزمە­تى­نىڭ قا­زىر­گى جاعدايى مەن قازاقستاندا جۇر­گى­زە­تىن جۇ­مىستارىنىڭ الداعى جوسپار­لا­رى قارالدى.
يا.تاۆروۆسكيي ۇكىمەتتە قابىلدانىپ جاتقان شارالار, سولاردىڭ ىشىندە, جەكەشەلەندىرۋ ۇدەرىسى قازاقستاندىق نارىقتىڭ ينۆەستيتسييالار سالۋعا تارتىمدىلىعىن ارتتىرۋعا وڭ اسەر ەتىپ جاتقانىن ايتىپ وتتى. بۇدان وزگە, تاراپتار «استانا» حالىقارالىق قارجى ورتالىعى اياسىنداعى ىنتىماقتاستىق ماسەلەلەرىن تالقىلادى. ايتا كەتەيىك, JPMorgan Chase – نارىقتىق كاپيتالداندىرۋ كولەمى 220 ملرد دوللار جانە اكتيۆتەرى شامامەن 2,4 ترلن دوللار بولاتىن الەمدەگى جەتەكشى قارجى ينستيتۋتتارىنىڭ بىرى.
سونداي-اق باقىتجان ساعىنتاەۆ Deloitte ەۋروپاداعى, تاياۋ شىعىس پەن افريكاداعى تۇراقتى دامۋ بويىنشا پراكتيكاسىنىڭ باسشىسى, سەرىكتەسى وليۆە جان, CNPC بىرىنشى ۆيتسە-پرەزيدەنتى, PetroChina Company Limited پرەزيدەنتى ۆان دۋنتسزين جانە نيدەرلاندىنىڭ ەكونوميكا مينيسترى حەنك كامپپەن الداعى ەكىجاقتى ەكونو­ميكالىق ىنتىماقتاستىقتى دامىتۋ ماسەلەلەرى جونىندە كەزدەسۋ وتكىزدى. بۇدان سوڭ باقىتجان ساعىنتاەۆتىڭ قاتىسۋىمەن قازاقستان ۇكىمەتى مەن حالىقارالىق كومپانييالار اراسىندا ەنەرگەتيكا سالا­سىنداعى ىنتىماقتاستىق تۋرالى كەلى­سىم­دەرگە قول قويىلدى.

ەلدوس سەنباي

بولىسۋ:

پىكىر جازۋ


*