پولياك دياسپوراسى كۇنىنە قاتىسپاق

760
0
بولىسۋ:

مەملەكەتتىك حاتشى گۇلشارا ابدىقالىق­و­ۆا پولشا سەناتىنىڭ ۆيتسە-سپيكەرى مارييا كوتس باستاعان دەلەگاتسييامەن كەزدەستى. كەزدەسۋ بارىسىندا تاراپتار قا­زاقستان – پولشا قارىم-قاتىناستارىنىڭ قازىرگى احۋالىن, سونداي-اق ساياسي, ەكونوميكا­لىق جانە مادەني-گۋمانيتارلىق ىنتىماق­تاستىقتىڭ پەرسپەكتي­ۆالارىن تالقىلادى.

مەملەكەتتىك حاتشى ەلىمىزدىڭ قوعامدىق-ساياسي جانە ەكونوميكالىق دامۋىنا 32 مىڭ ادامدى قامتيتىن پولياك دياسپوراسى وز ۇلەسىن قوسىپ وتىرعانىن ايتتى. گۇلشارا ابدىقالىقوۆا پولشا تاراپىنا «ەكسپو – 2017» كورمەسىنە قاتىسقانى ۇشىن ريزاشىلىق بىلدىرىپ, وسى ەلدىڭ بالامالى ەنەرگەتيكا سالاسىنداعى جەتىستىكتەرىنىڭ ماڭىزدىلىعىن اتاپ وتتى.
كەزدەسۋ سوڭىندا مەملەكەتتىك حاتشى پولشانىڭ بۇۇ قاۋىپسىزدىك كەڭەسىنىڭ 2018-2019 جىلدار ارالىعىنداعى تۇراقتى ەمەس مۇشەسى بولىپ سايلانۋىمەن قۇتتىق­تادى. پولشا سەناتىنىڭ ۆيتسە-سپيكەرى قازاقستانعا «ەكسپو – 2017» كورمەسى اياسىنداعى پولياك دياسپوراسى كۇنىنە قاتىسۋ ۇشىن كەلدى.
وسى كۇنى گۇلشارا ابدىقالىقوۆا Eurasian Book Fair – 2017 ىى ەۋرازييالىق حالىقارالىق كىتاپ كورمە-جارمەڭكەسىنىڭ اشىلۋ سالتاناتىنا قاتىستى. قاتىسۋشى­لارعا ارناعان قۇتتىقتاۋ سوزىندە مەملەكەتتىك حاتشى كىتاپ فورۋمىنىڭ جاھاندىق ماڭىزدى وقيعا – استاناداعى «ەكسپو – 2017» كورمەسىمەن تۇسپا-تۇس كەلگەنىنە نازار اۋدارتتى.
ەۋرازييالىق حالىقارالىق كورمە-جارمەڭ­كەسىن ارالاۋ بارىسىندا مەملەكەتتىك حاتشى ۇسىنىلعان كىتاپ ەكسپوزيتسييالارىن تاما­شالادى. ول بارلىق قاتىسۋشىلارعا شىعار­ماشىلىق بايلانىستارىنىڭ تەرەڭ­دەۋىن جانە بيىك كاسىبي جەتىستىكتەرگە جەتۋىن تىلەدى.

بولىسۋ:

پىكىر جازۋ


*