جاڭا باعىت اشىلدى

1273
0
بولىسۋ:

قازاقستان پرەزيدەنتى نۇرسۇلتان نازارباەۆ پەن قحر توراعاسى سي تسزينپين استاناداعى «ەكسپو – 2017» كورمە كەشەنىنە بارىپ, قىتاي حالىق رەسپۋبليكاسىنىڭ كورمە پاۆيلونىن ارالادى. ساپار اياسىندا ەكى مەملەكەت باسشىلارىنىڭ قاتىسۋىمەن «قازاقستان مەن قىتاي – ەۋرازييانىڭ ترانزيتتىك كوپىرى» اتتى تەلەكوپىر ۇيىمداستىرىلدى.

ىس-شاراعا قاتىسۋشىلارعا ارنال­عان سوزىندە قازاقستان پرەزيدەنتى «استانا ەكسپو – 2017» حالىقارا­لىق كورمەسىنە قاتىسقانى ۇشىن قىتاي جاعىنا ريزاشىلىعىن بىل­دىردى.
– قۇرمەتتى سي تسزينپين مىرزا, سىزدى استاناداعى «ەكسپو – 2017» حا­لىقارالىق كورمەسىندە قارسى الۋعا قۋانىشتىمىن! «ەكسپو» – ەنەر­گەتيكانى دامىتۋ سالاسىنداعى تاجىريبەمەن الماساتىن تاماشا الاڭ. قىتاي بىرىنشى بولىپ وسى كورمەگە قاتىساتىنىن راستادى. بۇل ەلدىڭ «بولاشاقتىڭ ەنەرگيياسى, جاسىل جىبەك جولى» اتتى ەكسپو­زيتسيياسى – «ەكسپو» كورمەسىندەگى ەڭ ۇلكەن پا­ۆيلونداردىڭ بىرى. قى­تاي حالىق رەسپۋبليكاسى – قالپىنا كەلتىرىلەتىن ەنەرگييا كوزدەرى سالا­سىندا الەمدىك كوشباسشى. 2020 جىلعا دەيىن قىتاي وسى سالاعا شاما­مەن 360 ملرد دوللار جۇمساۋدى كوز­دەيدى. بۇل – بارلىق مەملەكەت­تەردىڭ ىشىن­دەگى ەڭ ۇلكەن كورسەتكىش. ەلى­ڭىزدىڭ «ەكسپو – 2017» كورمە­سىنە قاتىسۋى تەحنولو­گييالاردى جانە مادە­ني بايلانىس­تاردى دامىتۋعا زور ۇلەس قوساتىنىنا سەنىمدىمىن, – دەدى قىتايلىق ارىپ­تەسىنە قايى­رىلعان مەملەكەت باس­شىسى.
نۇرسۇلتان نازارباەۆ «قورعاس – ليانيۋنگان» جاڭا كولىك جولىنىڭ ىسكە قوسىلۋىنىڭ ماڭىزدىلىعىن اتاپ وتىپ, بۇل جوبانى «جىبەك جولى­نىڭ ەكونوميكالىق بەلدەۋى» جانە «نۇرلى جول» باعدارلامالارىن ۇش­تاستىرۋداعى ەكى ەلدىڭ تيىمدى ىنتى­ماقتاستىعىنىڭ جارقىن مىسالى دەپ اتادى.
– بۇگىن ماڭىزدى ەكى جوبانى ىسكە اسىرۋ باستالدى. ليانيۋنگان پورتى­نان ورتالىق ازييا مەن تۇركيياعا تەڭىز كونتەينەرلەرىن تيەگەن بىرىنشى پويىزدار جولعا شىقتى. «قورعاس – شىعىس قاقپاسى» ارنايى ەكونومي­كالىق ايماعىنىڭ قۇرعاق پورتىنان قىتايدىڭ چەندۋ قالاسىنا كونتەي­نەرلىك قاتىناس ىسكە قوسىلدى. 2020 جىلعا قاراي 2 ميلليون كونتەينەر كورسەتكىشىنە قول جەتكىزۋ جوسپاردا تۇر. بۇل ەلدەرىمىزدىڭ ەكونوميكا­لىق وسىپ-وركەندەۋىنە سەپتىگىن تيگىزەدى, – دەدى قازاقستان پرەزيدەنتى.
وز كەزەگىندە قحر توراعاسى سي تسزينپين اتالعان جوبا كولىكتىك-لوگيستيكالىق ىنتىماقتاستىق باعى­تىندا جاڭا مۇمكىندىكتەر اشاتىنىن ايتتى.
«قازاقستان تەڭىزگە شىعۋ مۇمكىن­دىگىن الىپ وتىر. سويتىپ, ول ەۋرا­زييا­لىق كەڭىستىكتەگى لوگيستيكالىق ورتا­لىققا اينالۋدا. بۇل تۇرعىدا ەلدەرىڭىز شىعىس پەن باتىس ارا­سىن­داعى ساۋدا تىزبەگىندە ماڭىزدى رول اتقارا باس­تايدى. بارلىق قازاق­ستاندىق دوستا­رىمدى وسى جەتىس­تىكپەن قۇت­تىق­تاي­مىن. قىتاي مەن قازاقستان ارا­­­­سىنداعى ترانس­شە­كا­رالىق تاسى­مال ىن­تىماقتاستىعىن تەرەڭدەتۋ – بارشا وڭىردى دامىتۋدا قۋاتتى ىنتالان­دىرۋشى كۇش. بۇل باعىتتاعى وزارا ىس-قيمىلداردى جالعاستىرۋعا مۇددە­لىمىز!» دەپ تۇيدى سي تسزينپين.
نەگىزى, الەمدە الىپ مۇحيتتارعا قۇيار تەڭىزدەرگە شىعا الماۋ – كەز كەلگەن ەلدىڭ كەمشىلىگى. بىراق قازاق­ستان – مۇنى ارتىقشىلىعىنا اي­نالدىرا العان ەل. ەلباسى باستاما­سىمەن, تەمىر جول جانە اۆتوكولىك جول­دارىن سالۋ, حالىقارالىق دالىز­دەردى دامىتۋ ارقاسىندا ەلىمىز قازىر دۇنيەجۇزىلىك ترانزيت جۇيەسىنە كەڭ كىرىگۋدە. ناتيجەسىندە, مىسالى, قى­تاي – قازاقستان – ەۋروپا باعدارى­مەن كونتەينەرلىك جۇك تاسىمالداۋ تۇراقتى ارتىپ, ەسەلەنە تۇسكەن.
ىس-شارا سوڭىندا مەملەكەت باس­شى­لارى ەۋرازييا كەڭىستىگىندەگى جاڭا كونتەينەرلىك قىزمەت – ليانيۋن­­گان قازاقستان – قىتاي تەرمينالى جانە «قورعاس – شىعىس قاقپاسى» ارنايى ەكونوميكالىق ايماعى قۇرعاق پورتى جۇمىسىنىڭ باستالۋىن ماقۇلدادى.
وسىلايشا, قازاقستان مەن قىتاي كوشباسشىلارى جاڭا كونتەينەرلىك باعىتتى اشتى. قىتايلىق ليانيۋن­گان تەڭىز پورتى مەن قازاقستاندىق «قورعاس – شىعىس قاقپاسى» ارنايى ەكونوميكالىق ايماعى اراسىندا كونتەينەرلىك قىزمەت ىسكە قوسىلدى. بۇل جوبا – قازاقستاننىڭ «نۇرلى جول» باعدارلاماسى مەن قىتايدىڭ «جىبەك جولىنىڭ ەكونوميكالىق بەلدەۋى» باستاماسىن ۇشتاستىرۋدىڭ تاعى بىر ايقىن كورىنىسى.
وسى كۇننەن باستاپ, ليانيۋنگان ايلاعىنان شىعاتىن كونتەينەرلىك پويىزدار قازاقستان ارقىلى ورتا­لىق ازييا ەلدەرى مەن تۇركييانىڭ ىستامبۇل قالاسىنا قاتىنايدى. تيلبۋرگ (گەر­ما­­نييا) – چەندۋ (قحر) مەن تاشكەنت – چەندۋ اراسىنداعى جۇكتەر دە التىنكول ستانساسىمەن وتەدى. جاڭا تران­­زيتتىك باعىت ارقىلى COSCO Shipping كومپانيياسى بۇعان دەيىن تە­ڭىزبەن تاسىمالداپ جۇرگەن كونتەي­نەرلەرىن ورتالىق ازيياعا قۇرلىقپەن جەتكىزەتىن بولادى.
ەلدوس سەنباي

بولىسۋ:

پىكىر جازۋ


*