ەلباسىنىڭ باسقارۋ ادىسى الەمگە ۇلگى

1444
0
بولىسۋ:

پرەزيدەنت نۇرسۇلتان نازارباەۆتىڭ تاڭدامالى ەڭبەكتەرىنىڭ جيناعى قىتاي تىلىندە باسىلدى. كىتاپتىڭ تۇساۋكەسەرى استانادا ەلباسى كىتاپحاناسىندا وتتى. شاراعا قر پرەزيدەنتى كەڭسەسى باسشىسىنىڭ ورىنباسارى باقىتجان تەمىربولات, قىتاي الەۋمەتتىك عىلىمدار اكادەميياسىنىڭ پرەزيدەنتى ۆان ۆەيگۋان, قىتاي حالىق رەسپۋبليكاسى ەلشىلىگىنىڭ وكىلدەرى, ەلباسى كىتاپحاناسىنىڭ قىزمەتكەرلەرى, عىلىمي جانە مادەني قاۋىمداستىق وكىلدەرى قاتىستى.
ەلباسىنىڭ الەمدىك ارەنادا بەدەلى جوعارى. ونىڭ سويلەگەن سوز­دەرى مەن ماقالالارى كوپشىلىكتىڭ ىقىلاسىن وياتىپ, رۋح بەرەدى دەسە ارتىق ەمەس. جيناققا پرەزيدەنتتىڭ حالىققا جولداۋى, ماقالالارى ەنىپ وتىر. مەملەكەت باسشىسى نۇرسۇلتان نازارباەۆتىڭ باستامالارىن دامى­تۋدى ەلباسى كىتاپحاناسى وزىنىڭ باس­تى مىندەتى سانايدى. سونىمەن بىرگە, الداعى ۋاقىتتا پرەزيدەنتتىڭ ومىر­بايانى باياندالاتىن رەسمي بيوگرا­فييالىق ەڭبەك قىتاي تىلىندە باسى­لادى دەپ جوسپارلانىپ وتىر. كىتاپ بەيجىڭدە جارىق كورەتىن بولادى.
«ەلباسىمىزدىڭ سوزدەرى مەن ماقالالارى جيناعىنىڭ نەگىزىندە ساياسي فيلوسوفييا جاتىر. بۇل ەڭبەك قىتاي اۋديتوريياسىنا وتە قىزىق بولارى سوزسىز. ويتكەنى بۇل جەردە مەملەكەتتى باسقارۋدىڭ قازاقستاندا قولدانىلعان جەكەلەگەن ەلەمەنتتەرى جونىندە عانا ايتىلمايدى. ياعني, زاماناۋي مەملەكەت قۇرۋدىڭ ساتتى تا­سىلدەرىن ىشىنە جيناقتايتىن, كوپ­شىلىك مويىنداپ ۇلگەرگەن «نازارباەۆ مودەلى» اتتى فەنومەن جونىندە ەرەكشە ايتىپ وتۋ كەرەك. ارى جيناق تۇساۋكەسەرىنىڭ قحر توراعاسى سي تسزين­پيننىڭ قازاقستانعا ىسسا­پارىمەن سايكەس كەلگەنىنە قۋانىش­تىمىز. سونداي-اق قىتاي الەۋمەتتىك عىلىمدار اكادەميياسى باسپاعا دا­يىنداۋ بارىسىندا سەرىكتەستى وتە ساتتى تاڭداعان. مۇنداي جوبالاردىڭ باسى-قاسىندا جۇرەتىندىكتەن, مۇنداي جۇمىستىڭ جاۋاپكەرشىلىگى مەن ما­ڭىزىن جاقسى تۇسىنەمىن. وسىنىڭ ناتيجەسىندە, ەكى مەملەكەت اراسىندا ساياسي جانە گۋمانيتارلىق بايلانىس نىعايا تۇسەدى» دەيدى قر پرەزيدەنتى كەڭسەسى باسشىسىنىڭ ورىنباسارى باقىتجان تەمىربولات.
بۇگىندە ەلباسىمىزدىڭ بىرقاتار كىتاپتارى الەمنىڭ تۇرلى تىلدەرىنە اۋدارىلدى. سونىڭ ىشىندە قىتاي تىلىندە دە جارىق كورگەن ەڭبەكتەرى بار. «قازىرگى تاڭدا قىتاي مەن قازاق­ستان اراسىندا جاقسى قارىم-قاتىناس ورناعان. ەلباسىمىز حالىقارالىق سەرىكتەستىك فورۋمىندا دا وسى ەكى ەل اراسىنداعى ىنتىماقتاستىقتىڭ وزگەلەرگە ۇلگى بولارلىقتاي دارەجەدە ەكەندىگىن اتاپ وتكەنىن بىلەسىزدەر. سول سەبەپتى, جيناقتاردىڭ الەم تىلدە­رىنە اۋدارىلعانى دۇرىس. بۇل – ەكەۋارا تۇسىنىستىك ورناتۋعا تاپتىرماس قۇرال. وسىنىڭ ارقاسىندا قازاقستان ۇشىن دە, قىتاي ۇشىن دە دامۋدىڭ جاڭا پەرسپەكتيۆالارى اشىلاتىن بولادى. قحر توراعاسىنىڭ قازاق­ستانعا ىسساپارمەن كەلۋى سەرىكتەس­تىگىمىزدىڭ دامۋىن ودان سايىن نىعاي­تاتىنىنا سەنىمدىمىن. اتالعان ەڭبەك­تە نۇرسۇلتان نازارباەۆتىڭ يدەيالارى مەن سوزدەرى, مەملەكەتتى باسقارۋ مەن ستراتەگييالارى جاقسى توپتاستىرىلعان. سونىمەن بىرگە, قۇراستىرۋ بارىسىندا كىتاپحانانىڭ تاجىريبەلى ساراپشىلارى جۇمىس ىستەدى. ولار ەلباسىنىڭ ساياسي مۇرالارىن ساقتاپ, دامىتۋ ۇشىن ارنايى قۇرىلعان توپ ەكەندىگىن اتاپ وتۋ كەرەك. سەرىكتەستەرىمىز بولسا – قا­زاقستاندى جاقسى بىلەتىن ارى ۇزاق جىلدار بويى زەرتتەپ جۇرگەن قىتاي الەۋمەتتىك عىلىمدار اكادەميياسى­نىڭ بەلگىلى عالىمدارى. الداعى ۋاقىتتا بۇل ەڭبەك قحر-دىڭ ساياسي جانە عىلىمي ورتالارىندا جاقسى باعاعا يە بولادى دەپ ۇمىتتەنەمىز» دەيدى تۇڭعىش پرەزيدەنت كىتاپحاناسى ديرەكتورىنىڭ ورىنباسارى امىرحان راقىمجانوۆ.
تۇساۋكەسەر راسىمىنەن سوڭ ەلباسى كىتاپحاناسىنا جاڭا جيناقتىڭ 50 داناسى سىيعا تارتىلدى.

 

جادىرا اققايىر

 

بولىسۋ:

پىكىر جازۋ


*