ورمانشىلارعا قولداۋ كورسەتىلەدى

1251
0
بولىسۋ:

قاسىم-جومارت توقاەۆتىڭ توراعالىعىمەن وتكەن جالپى وتىرىستارىندا سەناتورلار قولدانىستاعى زاڭناماعا وسىمدىكتەر مەن جانۋارلار دۇنيەسى ماسەلەلەرى بويىنشا وزگەرىستەردى ەكىنشى وقىلىمدا قاراپ, قۇپتادى. تيىسىنشە, بۇل زاڭ ەندى «پارلامەنت قابىلداعان» بولىپ ەسەپتەلەدى جانە ەلباسىنىڭ قول قويۋىنا جىبەرىلەدى.

«كەيبىر زاڭنامالىق اكتىلەرگە وسىمدىكتەر مەن جانۋارلار دۇنيەسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى بيولوگييالىق ارالۋان­دىقتى ساقتاۋ ۇشىن ەكونوميكالىق, الەۋمەتتىك, ۇيىمداستىرۋشىلىق جا­نە وزگە دە جاعدايلاردى جا­ساۋ­عا باعىتتالعان. اتاپ ايت­قان­دا, ورمان جانە اڭ اۋلاۋ شا­رۋاشىلىعى, ەرەك­شە قور­عا­لاتىن تابيعي اۋماقتار سالاسىنداعى قولدانىس زاڭ­نا­ماسىنا, سونداي-اق ەكو­لوگييالىق جانە وزگە دە ارالاس زاڭناماعا تۇزەتۋلەر ەنگىزۋ كوزدەلىپ وتىر.
زاڭدا جەكەلەگەن باپ­تار ور­مان­دى پايدالانۋ, با­لىق شارۋا­شى­لىعى قىز­مەتى, جانۋارلار دۇ­­­نيەسى وبەك­تى­لەرىن جاساندى وسىرۋ­­دى, جانۋار­لاردى ەلىمىزگە اكە­­لۋ جانە اكەتۋ ماسەلەلەرىن قاراس­­­تىرادى. مەملەكەتتىك, ۇلتت­ىق پاركتەر مەن ولاردىڭ قورعالاتىن ايماقتارىنىڭ اۋماقتارىن پاي­دا­لانۋ تارتىبى ناقتىلانىپ, بيوس­فەرالىق رەزەرۆاتتاردىڭ قۇقىقتىق تارتىبى بەلگىلەنەدى.
زاڭنىڭ سالا ماماندارىن قۋانتار جاڭالىعى بار: ول بويىنشا 2019 جىلعى 1 قاڭ­تاردان باستاپ, ور­مان شارۋاشىلىعى مەن ەرەك­شە قورعالاتىن تابيعي اۋ­ماق­تار قىز­مەتكەرلەرىنىڭ لاۋا­زىم­دىق ەڭ­بەكاقىلارى 25 پايىز­عا جوعارى­لا­تىلادى.
قۇجاتتىڭ تاعى بىر جاڭا­لىعى سول, قازاقستاندا سەك­سەۋىل ساۋدا­سىنا شەكتەۋ قويىل­ماق. بۇعان دەيىن ەلى­مىز­دە سەكسەۋىل اعاشىن شا­بۋعا تىيىم سالىنعان بولاتىن. بۇل تىيىمدى بۇزعاندارعا ۇلكەن كولەمدە ايىپپۇل سا­لىنادى نەمەسە ولار باس بوس­تاندىعىنان ايىرىلۋى دا مۇمكىن.
بۇل رەتتە زاڭ جوباسىمەن قول­دانىستاعى «ساۋدا قىزمە­تىن رەتتەۋ تۋرالى» زاڭعا جاڭا نورما ەنگىزىلەدى جانە ول سەك­سەۋىل اعا­شىنان جا­سال­­­عان ونىمدەردىڭ ساۋداسىنا جول بەرمەيدى.
«ورمان سالاسىن قولداۋ جانە ساۋىقتىرۋ بويىنشا بىرقاتار شەشىمدەر قابىل­داندى, ولاردىڭ ەڭ باستى­لارى – 2004 جىلى بو­رەنە اعاشتاردىڭ ەكسپورتىنا تىيىم سالىندى جانە سەكسەۋىل ورماندارىندا اعاش كەسۋدىڭ بارلىق تۇرىنە موراتوريي جارييالاندى. بىراق بۇل شە­شىم­دەردى تولىقتىرۋعا تۋرا كەلدى. قىلقان جاپىراقتى ورمانداردا سانيتارييالىق ماقساتتا جانە ورتەنگەن ورمان اعاشتارىن كەسۋگە تىيىم سالۋ ماسەلەسى قاراس­تىرىلۋدا. سەكسەۋىلگە بايلانىستى تا­بيعي قالدىقتاردى دا قول­دانۋعا تىيىم سالىندى» دەپ حابارلاعان بولاتىن بۇدان بۇرىن اۋىل شارۋا­شىلىعى مينيسترلىگى.
جالپى وتىرىستا سەنا­تورلار 2015 جىلعى 8 قىر­كۇيەكتەگى «تا­بي­­عي تەرىدەن جا­سالعان كيىم زات­تا­رى, كيىمگە كەرەك-جاراقتار جا­­نە وز­گە دە بۇيىمدار» تاۋار پوزي­­تسييا­­­سى بويىنشا تاۋارلاردى با­قى­­لاۋ (يدەنتيفيكاتسييالاۋ) بەل­­­گى­­لەرىمەن تاڭبالاۋدى ەنگىزۋ جونىن­دەگى پيلوت­تىق جوبانى 2015-2016 جىل­دارى ىسكە اسىرۋ تۋرالى كەلىسىم­نىڭ قولدانىلۋ مەرزىمىن ۇزارتۋ جو­نىن­دەگى حاتتامانى را­تي­في­كا­تسييا­­لادى. 2017 جىلى پيلوتتىق جو­با ناتيجەلەرىنە تالداۋ جۇرگىزۋ قاجەت­تىگىنە بايلانىستى كەلىسىمنىڭ قولدانىلۋ مەرزىمى 2018 جىلدىڭ 31 جەلتوقسانىنا دەيىن ۇزارتىلاتىن بولدى.
سونداي-اق سەناتورلار قا­زاقستان مەن ازييا دامۋ بانكى ارا­سىنداعى قارىز تۋرالى كەلىسىمدى راتيفيكاتسييالادى. 2016 جىلعى 7 جەلتوقساندا استانادا قول قويىلعان بۇل كەلىسىم اتالعان حا­لى­قا­رالىق بانكتەن «اقتوبە – ماقات» اۆتوموبيل جولىن رەكونسترۋكتسييالاۋعا 240 ميل­ليون 300 مىڭ دوللار مولشەرىندە قارىز الۋدى كوزدەيدى. بۇعان قوسا, وسى جولعا رەسپۋبليكالىق بيۋد­جەتتەن بىرلەسىپ قارجى­لان­دىرۋعا 32 ميلليون 765 مىڭ دوللار بولىنەدى. قارىز 5 جىل­دىق جەڭىلدىكتى كە­­زەڭ­دى قوسا العاندا, 18 جىل مەر­­­­زىمگە بەرىلەدى. سەناتتىڭ قار­جى جانە بيۋدجەت كوميتەتىنىڭ مۇ­­شەسى ە.مۇقاەۆ بۇل زاڭ­نىڭ ماڭىز­دى­لى­عىنا توق­تا­لا كەلە, جول­دار­دىڭ بويىن­دا دەمالاتىن ورىن­دار, ۋاقىت­شا كولىك توقتاۋ الاڭ­دارى, تا­ماقتانۋ, ساۋدا-سات­تىق پۋنك­­تەرى, تەحنيكالىق قىز­مەت كور­سەتۋ ستانسالارى, قالا­لار­دىڭ كىرەبەرىسىندە كولىك جۋۋ پۋنك­تەرى, اۆارييالىق شا­قىرۋ باي­لانىسى, جول­دار بويىنداعى ەلدى مەكەن­دەر­دىڭ تۇسىندا جول جا­عاسىن­داعى بيزنەس مۇلدەم جوق­تىڭ قاسى ەكەندىگىنە ۇكى­مەت­تىڭ نازارىن اۋداردى. سە­­نا­تور­دىڭ پىكىرىنشە, مۇن­­داي قادامدار جۇزەگە اسى­رىلسا, حالىقارالىق ترانزيت­تىك باعىتتىڭ باسەكەگە قا­بىلەتتىلىگىن ارتتىرۋعا سەپ­تىگىن تيگىزەدى.

دايىنداعان ايحان شارىپ

بولىسۋ:

پىكىر جازۋ


*