ۇلتتىق كوميسسييا ۇسىنىستاردى تىڭدادى

1752
0
بولىسۋ:

«رۋحاني جاڭعىرۋ» باعدارلاماسىن جۇزەگە اسىرۋدىڭ پراكتيكالىق كەزەڭى باستالدى. بۇل جۇمىسقا بارلىق ورتالىق جانە جەرگىلىكتى اتقارۋشى ورگاندار, سونداي-اق ازاماتتىق قوعام ينستيتۋتتارى تارتىلۋدا. بۇل تۋرالى كەشە اقوردادا پرەزيدەنت اكىمشىلىگىنىڭ باسشىسى ا.جاقسىبەكوۆتىڭ توراعالىعىمەن وتكەن پرەزيدەنت جانىنداعى قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ۇلتتىق كوميسسييانىڭ ەكىنشى وتىرىسىندا مالىم ەتىلدى.
«ۇلتتىق كوميسسييانىڭ جۇمىس توپتارى ناقتى جوسپارلارىن جاساپ, جان-جاقتى جۇمىس جۇرگىزۋدە. بۇگىنگى وتىرىستا ارالىق كەزەڭدەگى اتقارىلعان جۇمىستاردىڭ ەسەبىن تىڭدايمىز. ارنايى جوبالاردى جۇزەگە اسىرۋدىڭ كونتسەپتۋالدى تاسىلدەمەلەرىن قا­رايمىز» دەدى ادىلبەك رىسكەلدىۇلى. ول باعدارلا­­مانى ىلگەرىلەتۋ بويىنشا اقپاراتتىق-تۇسىندىرۋ جۇ­مىس­تارى دا جۇرگىزىلىپ جاتقانىن حابارلادى.
كوميسسييا مۇشەلەرى «رۋحاني جاڭعىرۋ» قوعامدىق سانانى جاڭ­عىرتۋ باعدارلاماسىن ىسكە اسىرۋ اۋقىمىندا ورتالىق جانە جەر­گى­لىكتى مەملەكەتتىك ورگاندار اتقار­عان جۇمىستاردىڭ ناتيجەلەرىن تال­قىلادى. سونىڭ ىشىندە, پرە­مەر-مينيستر كەڭسەسى باسشى­سى­نىڭ, الماتى قالاسى مەن قارا­عاندى وبلىسى اكىمدەرىنىڭ بايان­دامالارى تىڭدالدى.
سونداي-اق اتقارىلعان جۇ­مىستىڭ نەگىزگى ناتيجەلەرى, تۇجى­رىمدامالىق ۇستانىمدار جانە ودان ارى قىزمەتتى ۇيىمداستىرۋ­-دىڭ ناقتى شارالارى اياسىندا, لاتىن قارپىنە كوشۋ, «جاڭا گۋ­ما­نيتارلىق بىلىم. قازاق تىلىندەگى 100 جاڭا وقۋلىق», «تۋعان جەر», «قازاقستاننىڭ كيەلى جەرلەرىنىڭ گەوگرافيياسى», «جاھانداعى زاما­ناۋي قازاقستاندىق مادەنيەت», «قا­زاقستاننىڭ 100 جاڭا تۇلعاسى» جوبالارى بويىنشا جۇمىس توپ­تارىنىڭ جەتەكشىلەرى ەسەپ بەردى.
پرەمەر-مينيستر كەڭەسى قو­عامدىق سانانى جاڭعىرتۋ باعدار­لاماسىن جۇزەگە اسىرۋ بويىنشا ىس-شارالار جوسپارىنىڭ 10 تار­ما­عىنا جاۋاپ بەرەدى.
«بۇل ىس-شارالار جوسپارىنىڭ بارلىق تارماعىن دەر كەزىندە ورىنداۋ ماقساتىندا بىز مەملە­كەتتىك ورگاندارمەن بىرلەسكەن جۇ­مىس جۇرگىزدىك. ارنايى جوبالاردى ىسكە اسىرۋدىڭ كونتسەپتۋالدى تا­سىلدەمەلەرى بويىنشا ۇسىنىستار ازىرلەندى. سونداي-اق جاڭعىرتۋ باعدارلاماسىن ىلگەرىلەتۋ بويىن­شا ناۋقاننىڭ وقيعالىق تىزىمى تۇ­­زىلدى. بىز بۇل قۇجاتتاردى پرە­زيدەنت اكىمشىلىگىنە جولدادىق, قازىر ولار بويىنشا كەلىسىم الىن­دى. پرەمەر-مينيستر كەڭسەسىنە قوعامدىق سانانى جاڭعىرتۋ باع­دارلاماسىن ىسكە اسىرۋ بويىنشا ۇكى­مەتتىك ىس-شارالار جوسپارىن ازىرلەۋ جۇكتەلگەن. ۇكىمەتتىڭ بۇل جوسپارى دا دايىن, ونىڭ جوباسى كەلىسىمىن الۋ ۇشىن پرەزيدەنت اكىمشىلىگىنە ەنگىزىلدى» دەپ بايان­دادى پرەمەر-مينيستر كەڭسە­سى­­نىڭ باسشىسى نۇرلان الدابەر­گەنوۆ.
قارجى مينيسترلىگى, مۇددەلى مەم­لەكەتتىك ورگاندارمەن تىزە قوسا وتىرىپ, باعدارلامانى ىلگەرىلەتۋ بويىنشا شىعىستاردىڭ ەگجەي-تەگجەيلى سمە­تاسىن قۇرعان. ونىڭ ىشىندە 6 ارنايى جوبانى جۇزەگە اسىرۋ دا قامتىلادى.
سونىمەن, ن.الدابەرگەنوۆتىڭ ايتۋىنشا, باعدارلامانى قارجى­لاندىرۋ بىرنەشە كەزەڭ بويىنشا جۇرەدى. بىرىنشى كەزەڭ – 2017 جىل­عى بيۋدجەت ناقتىلانعانعا دەيىنگى ارالىقتى قامتيدى. ەكىنشىسى – رەس­پۋب­ليكالىق بيۋدجەتتى ناق­تى­لاۋ ايا­سىندا, ال ۇشىنشىسى 2018-2020 جىلدارعا ارنالعان بيۋدجەتتى جوس­پارلاۋ شەڭبەرىندە جۇزەگە اسى­­رى­لادى.
بىرىنشى كەزەڭ بويىنشا بيىلعى جىل بيۋدجەتى پارلامەنتتە قايتا قارالعانىن كۇتىپ وتىرماي-اق, مەم­لەكەتتىك ورگاندار بۇرىن بە­كىتىلگەن 2017 جىلعى رەسپۋبلي­كا­لىق بيۋدجەت اياسىندا 591 ميلليون تەڭگەنى وز بەتتەرىنشە قايتا بولە­تىن بولادى.
314 ميلليون تەڭگە – مادەنيەت جانە سپورت مينيسترلىگىنە, 35 ميل­­ليون تەڭگە – بىلىم جانە عى­لىم مينيسترلىگىنە, 168 ميلليون تەڭ-گە – اقپارات جانە كوممۋني­كا­تسييالار مينيسترلىگىنە, 73,4 ميل­ليون تەڭگە – دىن ىستەرى جانە ازا­ماتتىق قوعام مينيسترلىگىنە بو­لىنەدى.
بيىلعى جىلدىڭ بيۋدجەتىن ناق­تىلاۋ اياسىندا 4 ميلليارد تەڭگە قوسىمشا بولىنەتىن بولادى. سونىڭ ىشىندە 747 ميلليون تەڭگە رەسپۋبليكالىق بيۋدجەتتەگى قارا­جات­تاردى قايتا بولۋ ەسەبىنەن الى­­نادى. سونداي-اق 2018-2020 جىلدارعا ارنالعان رەسپۋبلي­كا­لىق بيۋدجەتتى قالىپتاستىرۋ ايا­سىندا دا وسى باعدارلامانى قار­جى­لاندىرۋ ماسەلەسى قاراستى­رى­لادى دەپ جوسپارلانۋدا.
الماتى قالاسىنىڭ اكىمى باۋىر­جان بايبەك الاتاۋ اياسىن­داعى اسەم شاھاردا «ەلباسى ما­قا­لاسىندا قاراستىرىلعان اۋقىم­-دى جوبالاردى ىسكە اسىرۋ بويىن­شا تيىستى جۇمىس پرەزيدەنت اكىم­شىلىگىنىڭ بولىمدەرىمەن بىر­لە­سە, قىزۋ جۇرگىزىلىپ جاتقانىن» بايان­دادى.
– ارنايى قالالىق كوميسسييا قۇرىلىپ, ىس-شارالار جوسپارى بەكىتىلدى. كوميسسييا قۇرامىنا مەم­لەكەتتىك قىزمەتكەرلەر, ماس­لي­حات دەپۋتاتتارى, قوعامدىق كە­ڭەس مۇشەلەرى, رەكتورلار, عىلىمي-زەرتتەۋ ينستيتۋتتارىنىڭ باسشى­لارى, ساراپشىلار, جالپى سانى 61 ادام كىردى. 14 ساۋىردە ەلباسى ما­قالاسىن تالقىلاۋعا ارنالعان قالالىق اكتيۆ وتىرىسى وتتى. ونىڭ قورىتىندىسى بويىنشا 6 جوبانى ىسكە اسىرۋعا جاۋاپتى ادامدار بەكىتىلدى. ولاردىڭ قا­تارىندا ەلگە تانىمال عالىم, تا­ريحشى حانكەلدى ابجانوۆ پەن بەلگىلى لينگۆيست ەردەن قاجىبەك سيياقتى ازاماتتار بار. بارلىق جوبا بويىنشا ناقتى ىس-شارا­لار اتقارىلۋدا, – دەدى قالا اكىمى.
ماسەلەن, «قازاقستاننىڭ قا­سيەتتى جەرلەرى» جوباسى شەڭ­بەرىن­دە الماتىنىڭ كيەلى نىساندارى بەلگىلەنىپ, ورتالىققا ۇسىنىس رەتىن­دە جولداندى. ولاردىڭ قا­تارىنا رايىمبەك بابانىڭ كەسە­نەسى, «بورالداي ساق قورعاندارى», «الما-اراسان» ورتاعاسىرلىق قالا­شىق ورنى, «تاۋەلسىزدىك» جانە «تاۋەلسىزدىك تاڭى» مونۋ­مەنت­تەرى, حالقىمىزدىڭ كورنەكتى تۇلعا­-لارى جاي تاپقان «كەڭساي» جانە «ورتالىق» زيراتتارى ەندى.
ب.بايبەكتىڭ ايتۋىنشا, قالا كاسىپكەرلەرى الەۋمەتتىك نىسان­دار­دى تۇرعىزۋ, قالانى كورىك­تەن­دىرۋ, قايىرىمدىلىق كومەك كور­سەتۋ جانە الەۋمەتتىك ىس-شارا­لاردى وتكىزۋگە بەلسەندى قاتىسىپ كەلەدى. بىلتىردىڭ وزىندە مەكتەپ, ەمحانا, بالاباقشا, 100-دەن استام سپورتتىق الاڭقاي اشىلعان. بۇ­گىن­دە كاسىپكەرلەر تاراپىنان جال­پى سوماسى 10 ملرد تەڭگەدەن استام 20 ىرى الەۋمەتتىك جوبا ىسكە اسى­رىلۋدا. ماسەلەن, ناۋرىزباي اۋدا­نىندا 1200 ورىندىق مەكتەپ جانە 500 ادامعا ارنالعان ەمحانا, الاتاۋ اۋدانىندا 120 ورىنعا شاق­­تالعان بالاباقشا, جەڭىل ات­لەتيكالىق ستاديون تۇرعىزىلۋدا. قارعالى وزەنىنىڭ جاعالاۋىن كور­كەيتۋ جۇمىستارى جۇرگىزىلۋدە.
قازىر الماتىدا بارلىق اۋدان­دا حالىق مۇقتاج, اتقارىلۋى تيىس جوبالار تىزىمى جاساقتالۋ ۇس­تىندە ەكەن. ولار كاسىپكەرلەرگە ۇسى­نىلاتىن بولادى.
قاراعاندى وبلىسىنىڭ اكىمى ەرلان قوشانوۆ ۇلىتاۋ وڭىرىن زەرتتەۋ جۇمىستارى قولعا الىن­عانىن مالىم ەتتى. قاراعاندى وب­لىسىندا دا ەلباسىنىڭ «بولا­شاققا باعدار: رۋحاني جاڭعىرۋ» ماقالاسى بويىنشا اۋقىمدى جۇمىستار باستالىپ كەتكەن.
– بۇل وتە ۇلكەن يدەولوگييالىق قۇجات. ماقالانىڭ تەرەڭدىگىن – ىسكە اسىرۋ بارىسىندا ايرىقشا سەزىنىپ وتىرمىز. ماسەلەن, «تۋعان جەر» باعدارلاماسىن حالىق وتە جاقىن قابىلداۋدا. تۋعان جەرىڭدى سۇيۋ ارقىلى – تۋعان ەلگە, وتانعا قىزمەت ەتۋ دەگەن ىرى يدەيا جاتىر بۇل باعىتتا. تۋعان جەرىن سۇيۋ ار­قىلى – ەلگە, مەملەكەتكە, ۇلتقا دەگەن پاتريوتتىق سەزىمىن بىلدىرىپ جاتقان جەرلەستەرىمىز وتە كوپ. بىز وسىنى اسىرەسە, وسكەلەڭ ۇرپاققا, جاستارعا سىڭىرۋىمىز كەرەك. ورتاق مۇددەنىڭ قۇندىلىعىن تەرەڭ تۇ­سىن­گەن كاسىپكەرلەر تۋعان جەر­لەرىنە ينۆەستيتسييا سالىپ, اۋقىم­دى الەۋمەتتىك جوبالاردى جۇزەگە اسىرۋعا نيەت تانىتىپ وتىر. از ۋاقىتتىڭ ىشىندە بىزدىڭ بيزنەس­مەندەر 1 ميلليارد بولاتىن جو­بالارىن جۇزەگە اسىرماق نيەت­تەرى بار, – دەدى وبلىس اكىمى.
ەلباسى ماقالاسىنداعى جەتەك­شى جوبالاردىڭ تاعى بىرى – «قازاق­ستاننىڭ كيەلى جەرلەرىنىڭ گەو­گرا­فيياسى».
– قاراعاندى وبلىسى كيەلى جەر­لەرگە وتە باي. وسى باعىتتاعى قاستەرلى مەكەندەردىڭ قاتارىندا پرەزيدەنت كيەلى ۇلىتاۋدى اتادى. بۇل بىزگە زور جاۋاپكەرشىلىك جۇك­تەپ وتىر. ۇلت ۇياسى ۇلىتاۋدا وتاندىق تۋريزمدى تۇعىرلاندىرۋ, زاماناۋي كلاستەرگە قاتىستى ين­فرا­قۇرىلىمداردى جابدىقتاۋ بويىنشا ىرگەلى جوبالاردى قولعا الىپ جاتىرمىز. سونداي-اق جاڭا ادىستەر قولدانۋ بويىنشا ناقتى جوبا جاساپ, ىسكە اسىرۋدامىز. جال­پى العاندا, «بولاشاققا باع­دار: رۋحاني جاڭعىرۋ» ماقالا­سى­نىڭ مانى مەن ماڭىزىن تەرەڭ تۇسىنگەن قاراعاندى وبلىسىنىڭ تۇرعىندارى ەل دامۋىنا تۇعىرلى جوبالارىمەن سەرپىن بەرۋگە دا­ي­ىن! – دەپ تۇيدى ەرلان قوشانوۆ.
باعدارلامانىڭ بارلىق نەگىزگى باعىتتارى مادەنيەت جانە سپورت مينيسترلىگىنە تىكەلەي قاتىستى بو­لىپ كەلەدى. ۆەدومستۆو باس­شى­سى, كوميسسييا مۇشەسى ارىستانبەك مۇحامەديۇلى بۇل باعدارلامانىڭ ەل ۇشىن ماڭىزىنا توقتالدى.
– قوعامدىق سانانى جاڭعىرتۋ باعدارلاماسىن تابىستى جۇزەگە اسىرساق, ەلباسى ايتقانداي قا­زاقستاننىڭ بولاشاعى مۇلدەم باس­قاشا بولادى. ويتكەنى ار حا­لىقتى ونىڭ رۋحاني بايلىعى مەن سانا-سەزىمى قالىپتاستىرادى. بۇل باعدارلاما بىزدىڭ سانا-سەنى­مى­مىزدىڭ جوعارى دەڭگەيگە كو­تە­رى­لۋىنە, وز قۇندىلىقتارىمىزدى ساقتاۋعا سەپتىگىن تيگىزىپ, دۇنيە­جۇزىندە قازاق كىم دەگەندە «مەن» دەپ ماقتانىشپەن ايتاتىنداي جاع­دايعا جەتكىزۋگە تيىس, – دەدى ول.
مينيستر رۋحاني جاڭعىرۋدا قازىردىڭ وزىندە ەلىمىزدىڭ جەتىس­تىكتەرى ەرەن ەكەنىن العا تارتتى. «بۇگىندە قازاقستاندىق مادەنيەت, سپورت, ونەر جانە باسقا دا سالا­لاردىڭ مايتالماندارى الەم بو­يىنشا وزىق ونەرىمەن تانىلۋدا, ەلىمىزدىڭ رۋحاني دەڭگەيىن مويىن­داتۋدا. ديماش قۇدايبەرگەن سە­كىلدى جاس انشىلەرىمىز تورتكۇل دۇ­نيەگە ماشھۇر. ماسەلەن, 300 قى­تاي جينالىپ, ونىڭ قۇرمەتىنە قازاق تىلىندە «دايديداۋ» انىن ورىندادى. مۇنىڭ بارلىعى ۇلكەن ماقتانىش. تىپتى وسىنداي جاس­تارىمىزدىڭ ارقاسىندا وزگە مەم­لەكەتتەردىڭ جاستارى قازاق تىلىنە ىقىلاس تانىتىپ, ونى وز ەرىك­تەرىمەن ۇيرەنىپ جاتىر», – دەدى مينيستر.
مادەنيەت جانە سپورت مي­نيسترى­نىڭ مالىمەتىنشە, ەلباسى­نىڭ وز ماقالاسىندا ايتقان ۇسى­نىستارى وتاندىق جاستاردىڭ ۇل­كەن قىزىعۋشىلىعىن تۋدىرۋدا:
«قازاقستاننىڭ كيەلى جەر­لەرى­نىڭ گەوگرافيياسى» جوباسى اياسىن­داعى ەكسپەديتسييالارعا جاستار وز ەرىكتەرىمەن سۇرانۋدا. وڭىرلەردەگى جاستار, تاريحشىلار, باسقا دا ازاماتتار ورتالىقتان تاپسىرما كۇتپەي-اق, ەلىمىزدىڭ تاريحي جەر­لەرىنە ساياحاتتار ۇيىمداستىرۋدا. بۇل دۇرىس باستاما, ونى قۇپ­تاي­مىز. تەك مەملەكەتتىك شارالار­-مەن عانا شەكتەلمەي, بۇكىل قا­زاقستاندىقتاردىڭ وسى باعدار­لا­ماعا تارتىلۋى ماڭىزدى. بىزدىڭ مينيسترلىك جاز ايىندا 7 باعىتقا ارنالعان بۇكىلقازاقستاندىق ەكس­پە­ديتسييا دايىنداۋدا. وعان دا نيەت تانىتقان جاستاردى قوسامىز» دەدى ارىستانبەك مۇحامەديۇلى.
بۇل ەكسپەديتسييالار بارىسىندا زەرتتەۋشىلەر مىسالى, ەلىمىزدەگى كيەلى جەرلەردىڭ نەگىزىندە اڭىز, الدە اقيقات جاتقانىن انىقتاماق. سونىمەن بىرگە, قازاقستاننىڭ قا­زىرگى ادام اياعى باسپايتىن, شالعاي وڭىرلەرىندە زەرتتەلمەي جاتقان كيەلى مەكەندەر مەن ەسكەرتكىشتەرگە ەكسپەديتسييالار باعىتتالاتىن كو­رى­نەدى.
مينيستر قىزىقتى بىر جاڭا­لىعىن جەتكىزدى. ۆەدومستۆو بەلگىلى امەريكالىق اكتەر كەرري تاگاۆا باس­قاراتىن Castle film-مەن بىر­لەسىپ, الماتى وبلىسىنداعى كيەلى جەرلەر جانە قازاقستانداعى كوش­پەلىلەر ومىرى تۋرالى فيلم تۇسى­رۋدى باستاپتى. بىرنەشە كۇننەن كەيىن سونداي-اق National Geo­graphic كومپانيياسىمەن «التىن ادام» تۋرالى دەرەكتى فيلم تۇسىرۋ بويىنشا بىرلەسكەن جوبا ىسكە قو­سىلماق. بۇل تۋىندى بۇكىل الەم بويىنشا 450 ميلليونداي كو­رەر­مەنى بار National Geographic ار­ناسىنان تاراتىلادى.
بىلىم جانە عىلىم مينيسترى ەرلان ساعاديەۆ «جاڭا گۋما­ني­تارلىق بىلىم. قازاق تىلىندەگى 100 جاڭا وقۋلىق» جوباسىن جۇزەگە اسىرۋ بارىسىنا توقتالدى. اۋدا­رۋعا ۇسىنىلاتىن وقۋلىقتاردى ىرىكتەيتىن جۇمىس توبى قۇرى­لىپ­تى, وعان جوو, عىلىمي-زەرتتەۋ ينستيتۋتتارى, قوعام قايرات­كەر­لەرى, جەتەكشى ساياساتتانۋشىلار ەنىپتى. توپتىڭ بىرىنشى وتىرى­سىن­دا وقۋلىقتاردى ىرىكتەۋ بويىنشا ىس-قيمىل جوسپارى تالقىلانعان.
وقۋلىقتاردى ىرىكتەۋ كريتە­ريي­لەرى ايقىندالىپتى. بىرىن­شى­دەن, ولار تاريح, فيلوسوفييا, سايا­ساتتانۋ, الەۋمەتتانۋ, پسيحولوگييا, مادەنيەتتانۋ, فيلولوگييا, پەدا­گوگيكا, تۇركولوگيياعا قاتىستى بو­لۋعا تيىس. ەكىنشىدەن, بازالىق وقۋ­لىقتار الەمدىك جوو-نىڭ وزىق «جۇزدىگىنىڭ» بىلىم بەرۋ باع­دارلاماسىندا قابىلدانعان بو­لۋعا جانە Cengage Learning سە­-كىلدى اتاقتى باسپاگەرلەر بازا­سىندا تۇرۋعا تيىستى. مۇنىڭ سىر­تىندا مينيستر وقۋلىقتاردى اۋدا­­رۋعا قازاقستاننىڭ جوو-لار قاۋىمداستىعى, ساياساتتانۋشى­-لار, الەۋمەتتانۋشىلار, پسيحو­لوگ­تار, تاريحشىلار جانە باسقا دا گۋمانيتارييلەردىڭ كاسىبي بىر­لەس­تىكتەرى ۇسىنا الاتىنىن ەسكەرتتى. ۇشىنشىدەن, وقۋلىقتار 2014 جىلعا دەيىن قايتا باسۋدان وتكەن بولۋى كەرەك.
ە.ساعاديەۆ قازىرگى تاڭدا 800 اتالىمداعى وقۋلىقتاردىڭ باس­تاپقى تىزىمى ەندىگى قالىپتاستى­رىل­عانىن مالىمدەدى. جۇمىس توبى الگى ولشەمدەر بويىنشا ىرىكتەۋدى جالعاستىرۋدا ەكەن. 7 وقۋلىق بوي­ىن­شا حالىقارالىق اۆتورلىق قۇ­قىق يەلەرىمەن كەلىسسوزدەر باس­تالعان. ونىڭ تورتەۋىن مينيسترلىك بيىلعى جىل سوڭىنا دەيىن اۋدا­رىپ بىتپەك. «بۇلار – «پرينتسيپى ەكونوميكي», «وسنوۆى سوتسيولو­گيي», «نوۆايا يستورييا زاپادنوي فيلوسوفيي», «سوتسيولوگييا ۆ مە­نيايۋ­ششەمسيا ميرە». قالعان ۇشەۋىن «يستورييا سوۆرەمەننوي پسيحو­لوگيي», «ۆۆەدەنيە ۆ وبۋچەنيە ي پوۆەدەنيە», «يستورييا يسكۋسستۆا» وقۋلىقتارىن 2018 جىلدىڭ ناۋ­رىزىنا دەيىن اياقتاۋدى جوسپار­لاۋدامىز» دەدى ەرلان كەنجەعا­ليۇلى. جوبا وپەراتورى – «ۇلت­تىق اۋدارما بيۋروسى» قورى.
قازاق الىپبيى لاتىن گرافيكا­سىنا اۋىستىرۋ بويىنشا جۇمىس توبى­نىڭ باسشىسى, لينگۆيست ەر­دەن قاجىبەك قىسقاشا باياندادى. ونىڭ ايتۋىنشا, جۇمىس توبى­-نىڭ جانە ونىڭ بولىمشەلەرىنىڭ وتىرىستارى, سونداي-اق عىلىمي, ۇيىمداستىرۋشىلىق, ساراپ­شى­لىق جانە سىناق ىس-شارالارى با­رىسىندا جاڭا لاتىن الىپبيىنىڭ قارىپتەرىن قازاق تىلىنىڭ دىبىس­-تىق جۇيەسىنە بەيىمدەۋ جۇزەگە اسى­رىلادى.
وتىرىس قورىتىندىسى بويىن­شا شەشىمدەر قابىلدانىپ, مەم­لە­كەتتىك ورگاندار مەن جۇمىس توپ­تارىنىڭ جەتەكشىلەرىنە تاپ­سىر­ما­لار بەرىلدى.

 

ايحان شارىپ

 

بولىسۋ:

پىكىر جازۋ


*