استانادا ستارتاپ-حاب قۇرىلادى

1449
0
بولىسۋ:

ۇكىمەت ۇيىندە پرەمەر-مينيستر باقىتجان ساعىنتاەۆ «تسيفرلىق قازاقستان» مەملەكەتتىك باعدارلاماسىنىڭ جوباسى ماسەلەلەرى جونىندە كەڭەس وتكىزدى. 

مەملەكەت باسشىسى ن.نازارباەۆ «قا­زاقستاننىڭ ۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىندا ۇكىمەتكە ەكونوميكانى تەحنولوگييالىق جاڭعىرتۋ جۇمىستارىن جىل­دامداتۋدى, سونىمەن قاتار «تسيفرلىق قازاقستان» جەكە باعدار­لا­ما­سىن قابىلداۋدى تاپ­سىرعان بولاتىن. بۇل باعدارلاما تسيفرلىق ەكوجۇيەنى ۇدەمەلى دامىتۋ ارقىلى حا­لىقتىڭ ومىر سۇرۋ ساپاسى مەن قازاقستان ەكونو­ميكاسىنىڭ باسەكەگە قابىلەتتىلىگىن ارتتىرۋعا باعىتتالعان.
كەڭەس بارىسىندا «تسيفرلىق جىبەك جولىن» ىسكە اسىرۋ, جاسامپاز قوعامدى دامىتۋ, پرواكتيۆتى مەم­لەكەتكە اۋىسۋ بويىنشا جۇ­مىستاردى جۇيەلەۋگە قاتىستى اقپارات جانە كوممۋنيكاتسييا­لار مينيستر­لىگىنىڭ ىس-قيمىلدارى تالقى­لانىپ, ەكونوميكا سالالا­رىندا­عى تسيفرلىق تۇرلەندىرۋ شارالارى قارالدى.
سونداي-اق ۇكىمەتتە پرەمەر-مينيستر باقىتجان ساعىنتاەۆ ەكو­نوميكانىڭ شىنايى سەكتورىنا يندۋسترييا 4.0 ەلەمەنتتەرىن ەنگىزۋ ايا­سىندا «يننوۆا­تسييالىق تەح­نولوگييالار پاركى» ارنايى ەكو­نوميكالىق ايماعىن ودان ارى دامىتۋ ماسەلەلەرى جونىندە كەڭەس وتكىزدى.
كەڭەس بارىسىندا ينۆەستيتسييالار تارتۋ, استاناداعى ستارتاپ-حاب با­زا­سىندا IBM زەرتحاناسىن اشۋ ما­سەلەلەرى تالقىلاندى. سونداي-اق گەولوگييالىق ماشينا جاساۋ كلاستە­رىنىڭ جاڭا جوبالارى مەن كرەمنيي القابىنداعى «يننوۆا­تسييالىق تەحنو­لو­گييالار پاركى» وكىلدىگىنىڭ جۇمىسى قارالدى.
وسى كۇنى ۇكىمەت باسشىسى باقىت­جان ساعىنتاەۆتىڭ توراعالى­عىمەن مەملەكەت باسشىسىنىڭ «قازاقستان­نىڭ ۇشىنشى جاڭعىرۋى: جاھاندىق باسەكەگە قابىلەت­تىلىك» جولداۋىن ىسكە اسىرۋ اياسىندا استانادا ستارتاپ-حاب قۇرۋ ماسەلەسى جونىندە كەڭەس وتتى.
كەڭەس بارىسىندا استانا حالىق­ارالىق قارجى ورتالىعى (احقو) اياسىندا «ەكسپو – 2017» نىسان­دارى­نىڭ بىرىنىڭ نەگىزىندە حالىقارالىق ىت-ستارتاپتار تەحنوپاركىن قۇرۋ بويىنشا جول كارتاسى­نىڭ ماسەلەلەرى تالقىلاندى.
كەڭەس قورىتىندىسى بويىنشا ۇكىمەت جەتەكشىسى باقىتجان ساعىنتاەۆ بىرقاتار ناقتى تاپ­سىرمالار بەردى. بۇل ستارتاپ-حابتى قۇرۋ «تسيفرلىق قا­زاقستان» جوباسىنا ەنگىزىلگەن.

ەرىك ەردەنوۆ

بولىسۋ:

پىكىر جازۋ


*