باۋىرلاستىققا نەگىزدەلگەن قارىم-قاتىناس

قازاقستان پرەزيدەنتى بىرىككەن اراب امىرلىكتەرىنىڭ سىرتقى ىستەر مينيسترى شەيح ابداللا بەن زايد ال-ناحايانمەن كەزدەستى.

مەملەكەت باسشىسى باا سىرتقى ىس­تەر مينيسترىنە ساتتىلىك تىلەپ, ەلدەرىمىز ارا­سىنداعى بايلانىستاردىڭ قارقىندى دا­مىپ كەلە جاتقانىن اتاپ وتتى.
– سىز بىزدىڭ ەلگە رەسمي ساپارمەن قا­زاق­ستان مەن بىرىككەن اراب امىرلىكتەرى ارا­سىنداعى ديپلوماتييالىق قارىم-قا­تىناستىڭ ورناعانىنا 25 جىل تولۋىنا وراي كەلىپ وتىرسىز. بۇگىن استانادا بىر­لەسكەن بيزنەس-فورۋم وتىپ جاتىر. بيىل مەن اراب امىرلىكتەرىندە ەكى رەت بولدىم. شەيح مۇحاممەد بەن زايد ال-ناحايانمەن سوڭعى كەزدەسۋىمىزدە كوپتەگەن ماسەلەلەر بويىنشا ۋاعدالاستىققا قول جەتكىزدىك, – دەدى قازاقستان پرەزيدەنتى.
نۇرسۇلتان نازارباەۆ ەكىجاقتى باي­لانىستاردى نىعايتۋدىڭ ماڭىزدىلىعىنا توقتالىپ, بيىلعى جىل ەكى ەل اراسىنداعى ىن­تىماقتاستىقتىڭ جاڭا كەزەڭىنىڭ باس­تاۋى بولاتىنىنا سەنىم بىلدىردى.
– وزارا سەنىم مەن باۋىرلاستىققا نە­گىز­دەلگەن بىزدىڭ قارىم-قاتىناسىمىز – باسقالارعا ۇلگى. مۇنى ودان ارى دا­مى­تۋ­عا بار كۇش-جىگەرىمىزدى سالۋعا تيىسپىز, – دەدى مەملەكەت باسشىسى.
ابداللا بەن زايد ال-ناحايان ەكىجاقتى وزارا ىس-قيمىل بارىسىنا كوڭىلى تولا­تى­نىن, ونى جاڭا دەڭگەيدە نىعايتا تۇسۋ قا­جەتتىگىن اتاپ وتتى.
سونداي-اق باا سىرتقى ىستەر مي­نيست­رى ساۋد ارابيياسى كورولدىگىندە وتكەن سامميتتىڭ تابىستى بولعانىن اي­تىپ, سونىڭ اياسىندا قازاقستان پرە­زي­دەن­تىنىڭ ابۋ-دابيدىڭ تاق مۇراگەرى, شەيح مۇ­حاممەد بەن زايد ال-ناحايانمەن اڭگى­مەلەسكەنىن ەسكە سالدى.