دامىتۋدىڭ تەتىگى

1122
0
بولىسۋ:

مەملەكەت باسشىسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» ماقالاسىنداعى «تۋعان جەر» باعدارلاماسى – تۋعان ولكەنى دامىتۋدىڭ, وسكەن ورتاعا قولداۋ تانىتۋدىڭ كىلتى. سوندىقتان اتالمىش باعدارلامانى ىسكە اسىرىپ, وڭ ناتيجەلەرگە قول جەتكىزۋ – اسا ماڭىزدى. 

«تۋعان جەر» باعدارلاماسى اۋىلداردى كور­كەيتۋگە تىڭ سەرپىن بەرەرى انىق. باع­دار­لاما اياسىنداعى اۋقىمدى جۇمىستار پاۆ­لو­دار وبلىسىندا باستالىپ كەتتى. ماسەلەن, تاياۋ­دا لەبياجى اۋدانىنا قاراستى شامشى اۋى­لىنىڭ تۋمالارى بىرىگىپ, مەكتەپكە كوم­پيۋتەر الۋ ۇشىن قارجىلاي كومەك كورسەتتى. ودان بولەك اۋىل اقساقالدارى مەن تۇرعىن­دا­رىنىڭ باستاماسىمەن سەنبىلىككە شىعىپ, شا­عىن عانا اۋىلدا 100 تۇپ اعاش وتىرعىزىپ, سايا­باق اشپاق. وسى ىسپەتتى ىرگەلى ىستەردىڭ نە­گىزى قالاندى. ونى ودان ارى جالعاستىرۋ ۇشىن قايتپەك كەرەك? بۇل ماسەلە «نۇر وتان» پار­تيياسى پاۆلودار وبلىستىق فيليالى «مي­راس» قوعامدىق كەڭەسى مەن «تۋعان جەر» باع­دارلاماسىن ىسكە اسىرۋدىڭ وڭىرلىك جۇ­مىس توبىنىڭ بىرلەسكەن وتىرىسى بارىسىندا تالقىلاندى.
جيىنعا وبلىس اكىمىنىڭ ورىنباسارى مەي­رام بەگەنتاەۆ جانە اتقارۋشى ورگان وكىلدەرى قا­تىستى.
مەيرام بەگەنتاەۆ «تۋعان جەر» باعدار­لا­ماسىنداعى باسىم تۇستاردى ورىنداۋعا جاس­تاردىڭ بەلسەندى قاتىسۋى تيىس ەكەنىن ايتتى.
– جازعى ۋاقىتتا مەكتەپ وقۋشىلارى مەن ستۋ­دەنتتەرى ۇشىن جەكەلەگەن ولكەتانۋ جۇمىس­تارىن جۇرگىزۋ جوسپاردا بار. قازىرگى كەزدە ارحەولوگييالىق ىزدەۋ مەن قازبا جۇمىستارى اياق­تالدى. وعان دا جاستار بەلسەنە اتسالىس-تى, – دەدى ول.
وسى ورايدا وبلىستىق بىلىم بەرۋ باسقار­ماسى باسشىسىنىڭ ورىنباسارى ەرنۇر داۋەنوۆ پاۆلودار وبلىسىندا توعىزقۇمالاق ويىنى وقۋشىلار مەن جاستار اراسىندا زور قىزىعۋشىلىققا يە ەكەنىن تىلگە تيەك ەتتى. ەندىگى كەزەكتە وسكەلەڭ ۇرپاقتىڭ «اسىق اتۋ» ويىنىن مەڭگەرۋى ۇشىن ناسيحات جۇمىستارىن جۇرگىزۋ جولدارىن قاراستىرۋ تۋرالى ۇسى­نىستاردى ورتاعا سالدى.
وتىرىس سوڭىندا «تۋعان جەر» باعدارلا­ماسىنا قاتىستى وسى جانە وزگە دە ۇسىنىستار جوبالىق كەڭەسكە جولداناتىن بولدى. تۇيىن­دەي كەلسەك, ەلدىمەكەندى, تۋعان ولكەنى ور­كەندەتۋگە باعىتتالعان ىستەردەن ار ازامات شەت قالماۋى تيىس ەكەندىگى ايتىلدى.
قۇندىز قابىلدەنوۆا,
پاۆلودار

بولىسۋ:

پىكىر جازۋ


*