مەرەكەلىك كونتسەرتكە قاتىستى

1528
0
بولىسۋ:

مەملەكەت باسشىسى نۇرسۇلتان نازارباەۆ وتان قورعاۋشى كۇنىنە جانە قازاقستان رەسپۋبليكاسى قارۋلى كۇشتەرىنىڭ 25 جىلدىعىنا ارنالعان مەرەكەلىك كونتسەرتكە قاتىستى.

كونتسەرت قازاقستان قارۋلى كۇشتەرىنىڭ 25 جىلدىعىنا ارنال­عان دەرەكتى فيلم كورسەتۋدەن باس­تالدى. باعدارلاماعا قارۋلى كۇش­تەردىڭ بارلىق اسكەر تۇرلەرىنىڭ شى­عار­ماشىلىق ۇجىمدارى, رەسپۋب­ليكالىق «جاس ۇلان» مەكتەبى مەن مامانداندىرىلعان «ارىستان» ليتسەيىنىڭ تاربيەلەنۋشىلەرى, سونداي-اق قارۋلى كۇشتەر ورتالىق انسامبلى مەن ۇلتتىق اسكەري-پاتريوتتىق ورتالىقتىڭ اسكەري وركەسترى قاتىستى.
كونتسەرتتە قازاقستان ارمييا­سىنىڭ جەتىستىكتەرى تۋرالى اندەر شىرقالىپ, فولكلورلىق مۋ­زى­كالىق شىعارمالار ورىن­دالدى, سون­داي-اق ار كەزەڭنىڭ قاھارمان­دارىن ۇلىقتاۋعا ارنالعان حورە­گرافييالىق كومپوزيتسييا كورسە­تىلدى.
سونىمەن قاتار ا.الەكساندروۆ اتىنداعى رەسەي اسكەرى انسامبلىنىڭ جەتەكشى سوليسى ب.دياكوۆ, قىتاي قورعانىس مينيسترلىگىنىڭ اندەر مەن بيلەر انسامبلىنىڭ جەتەكشى سوليسى ۆ.ليد, ۇلتتىق اسكەري-پات­ريوتتىق ورتالىقتىڭ اسكەري ور­كەس­ترىنىڭ جەتەكشى سوليسى ا.جىل­تىر­كوزوۆ ونەر كورسەتتى.

 

بولىسۋ:

پىكىر جازۋ


*