پرەزيدەنت قازاقستاندىقتاردى جەڭىس كۇنىمەن قۇتتىقتادى

1799
0
بولىسۋ:

قازاقستان پرەزيدەنتى «وتان قورعاۋشىلار» مونۋمەنتىنە گۇل شوعىن قويۋ راسىمىنە قاتىستى.
مەملەكەت باسشىسى ۇلى وتان سوعىسى قاھارماندارىنىڭ رۋحىنا تاعزىم ەتىپ, مونۋمەنتكە گۇل شوعىن قويدى. سالتاناتتى شارا سوڭىندا ەلباسى «ستۋدەنتتەر» ساياباعىنداعى شاتىرلار قالاشىعىنا باردى جانە بۇقارالىق اقپارات قۇرالدارىنىڭ وكىلدەرى الدىندا سوز سويلەدى.
نۇرسۇلتان نازارباەۆ سوعىس ارداگەرلەرىنە العىس ايتىپ, ولاردى قۇتتىقتادى, سونداي-اق جاۋعا قارسى كۇرەستە كورسەتكەن ەرلىگى مەن جانقييارلىعىن اتاپ وتتى.
– سوعىس ارداگەرلەرى بىزدىڭ باقىتتى ومىرىمىزگە, تاۋەلسىزدىگىمىزگە جانە اسپانىمىزدىڭ اشىق بولۋىنا جول اشتى. بىز بۇگىن «وتان قورعاۋشىلار» مونۋمەنتىنە گۇل شوعىن قويىپ, حالقىمىزدىڭ مايدانداعى جانە تىلداعى قاھارماندىعى مەن ەڭبەگىنە دەگەن زور قۇرمەتىمىزدى بىلدىرەمىز, – دەدى قازاقستان پرەزيدەنتى.
مەملەكەت باسشىسى ەكىنشى دۇنيەجۇزىلىك سوعىس ادامزات تاريحىندا ونداعان ميلليون ادامنىڭ ومىرى قيىلعان ەڭ قانقۇيلى سوعىس بولعانىن ايتتى.
– قازا تاپقانداردىڭ قاتارىندا قازاقستاندىقتار دا بولدى. رەسپۋبليكامىزدىڭ 6 ميلليون حالقىنىڭ 20 پايىزى مايدانعا اتتاندى. ولاردىڭ جارتىسى قايتا ورالعان جوق, – دەدى نۇرسۇلتان نازارباەۆ.
ەلباسى جەڭىستىڭ قازاقستان تاۋەلسىزدىگى تاريحىنداعى ماڭىزدى رولىنە توقتالىپ, وعان ەل حالقىنىڭ بىرلىگى ارقاسىندا قول جەتكىزىلگەنىن اتاپ وتتى.
– بىزدىڭ ارداگەرلەرگە دەگەن قۇرمەتىمىز ولاردىڭ ۇلى ەرلىگىنەن كەم تۇسپەۋگە تيىس. جەڭىسكە ەڭ الدىمەن ەلىمىزدەگى بارلىق حالىقتىڭ بىرلىگىنىڭ, باۋىرمالدىعىنىڭ جانە دوستىعىنىڭ ناتيجەسىندە قول جەتتى. بىز قازىر دە وسى ۇرانمەن ومىر سۇرىپ كەلەمىز, – دەدى قازاقستان پرەزيدەنتى.
سوڭىندا مەملەكەت باسشىسى بارشا قازاقستاندىقتاردى جەڭىس كۇنىمەن تاعى دا قۇتتىقتاپ, زور دەنساۋلىق جانە باق-بەرەكە تىلەدى.
ەركىن قالدان

فوتو. قازاقپارات

 

بولىسۋ:

پىكىر جازۋ


*

وقۋعا كەڭەس بەرەمىز