ەلباسى اسكەري قىزمەتكەرلەردى ماراپاتتادى

1801
0
بولىسۋ:

قازاقستان پرەزيدەنتى نۇرسۇلتان نازارباەۆ مەملەكەتتىك ناگرادالار تاپسىرۋ راسىمىنە قاتىستى. سالتاناتتى شارانى اشقان ەلباسى قاتىسۋشىلاردى الداعى وتان قورعاۋشى كۇنىمەن جانە جەڭىس مەرەكەسىمەن قۇتتىقتادى.

– قالىپتاسقان يگى داستۇر بويىنشا مەملەكەتتىك ناگرادالار سىزدەرگە وتان قورعاۋشى كۇنى مەن جەڭىس كۇنىنىڭ قارساڭىندا تاپسىرىلىپ وتىر. بۇل مەرەكەلەر بىزگە ايرىقشا قىمبات. ەكىنشى دۇنيەجۇزىلىك سوعىس تاريحى اعا بۋىننىڭ ەرەن ەرلىگى مەن اسقان باتىرلىعىنىڭ ۇلگىسىنە اينالدى. مۇنى ارقاشان ەستە ۇستاۋعا تيىسپىز, – دەدى قازاقستان پرەزيدەنتى.

مەملەكەت باسشىسى قۇقىق قورعاۋ قۇرىلىمدارى مەن ارمييانىڭ ەل قاۋىپسىزدىگىن جانە تاۋەلسىزدىگىن قامتاماسىز ەتۋدەگى ايرىقشا رولىنە توقتالىپ, ولاردىڭ ادال قىزمەتى مەن كاسىبيلىگى جوعارى باعالانۋعا, زور قۇرمەتكە لايىق ەكەنىن اتاپ وتتى.

– سىزدەر وتانعا قالتقىسىز قىزمەت ەتۋدىڭ جارقىن ۇلگىسىن كورسەتىپ كەلەسىزدەر. تۋعان جەرگە دەگەن اينىماس ادالدىقتارىڭىز بەن ەرلىك ىستەرىڭىز – وسكەلەڭ ۇرپاق ۇشىن وشپەس ونەگە. ەلىمىزدىڭ اسكەري قىزمەتشىسى جانە قۇقىق قورعاۋ قۇرىلىمىنىڭ قىزمەتكەرى اتاعىن الداعى ۋاقىتتا دا ابىرويمەن الىپ جۇرەتىندەرىڭىزگە سەنىمدىمىن. بىز سىزدەردىڭ قيىندىققا تولى قىزمەتتەگى, حالىق يگىلىگى جولىنداعى ەرەن ەڭبەكتەرىڭىزدى جوعارى باعالايمىز, – دەدى نۇرسۇلتان نازارباەۆ.

سوڭىندا ەلباسى ماراپاتتالۋشىلارعا مىنسىز قىزمەتى ۇشىن العىسىن بىلدىرىپ, ولارعا زور دەنساۋلىق, باق-بەرەكە, جاڭا تابىس تىلەدى.

– مەن بۇگىن وسى ناگرادالاردى سىزدەرگە زور ىقىلاسپەن تاپسىرامىن. بۇل – ەڭبەكتەرىڭىزدىڭ, مىنسىز قىزمەتتەرىڭىزدىڭ باعالانۋىنىڭ ناتيجەسى. اسكەري قىزمەتشىلەر, قۇقىق قورعاۋ جۇيەسى – مەملەكەتىمىز بەن تاۋەلسىزدىگىمىزدىڭ تىرەگى. سىزدەر ناگرادانى ەلەۋلى كەزەڭدە – ەلىمىزدىڭ قارۋلى كۇشتەرىنىڭ 25 جىلدىعىندا الىپ وتىرسىزدار, – دەدى قازاقستان پرەزيدەنتى.

سالتاناتتى شارا بارىسىندا ى دارەجەلى «داڭق» وردەنىمەن سولتۇستىك قازاقستان وبلىسىنىڭ پروكۋرورى ب.اسىلوۆ, مەملەكەتتىك كۇزەت قىزمەتى باستىعىنىڭ ورىنباسارى – نىسانداردى قورعاۋ قىزمەتىنىڭ باستىعى م.ايۋباەۆ, ۇلتتىق ۇلاننىڭ باس قولباسشىسى ر.جاقسىلىقوۆ, قورعانىس مينيسترلىگى باس ينسپەكتسيياسىنىڭ باستىعى ق.قاراجانوۆ, قورعانىس مينيسترىنىڭ بىرىنشى ورىنباسارى – قارۋلى كۇشتەر باس شتابىنىڭ باستىعى م.مايكەەۆ ماراپاتتالدى.

ىى دارەجەلى «داڭق» وردەنى ىشكى ىستەر مينيسترلىگى اكىمشىلىك پوليتسييا كوميتەتىنىڭ توراعاسى ي.لەپەحاعا جانە قورعانىس مينيسترلىگى «باتىس» وڭىرلىك قولباسشىلىعى اسكەرىنىڭ قولباسشىسى د.وسپانوۆقا تاپسىرىلدى.

ى دارەجەلى «ايبىن» وردەنىمەن ۇلتتىق قاۋىپسىزدىك كوميتەتى دەپارتامەنت باستىعىنىڭ بىرىنشى ورىنباسارى د.بارتەنوۆ ماراپاتتالدى.

ىى دارەجەلى «ايبىن» وردەنى ۇلتتىق قاۋىپسىزدىك كوميتەتى استانا قالالىق دەپارتامەنتىنىڭ باسقارما باستىعىنىڭ ورىنباسارى ي.اۋەسباەۆقا, ۇلتتىق قاۋىپسىزدىك كوميتەتى باتىس قازاقستان وبلىستىق دەپارتامەنتىنىڭ باسقارما باستىعى ت.عيززاتوۆقا, مەملەكەتتىك كۇزەت قىزمەتىنىڭ دەپارتامەنت باستىعىنىڭ ورىنباسارى ە.لاۆرەنيۋككە, قورعانىس مينيسترلىگى №30212 اسكەري بولىمىنىڭ كومانديرى ت.ساپارباەۆقا, قورعانىس مينيسترلىگى «شىعىس» وڭىرلىك قولباسشىلىعى اسكەرى قولباسشىسىنىڭ بىرىنشى ورىنباسارى ت.يسمايلوۆقا تاپسىرىلدى.

ىىى دارەجەلى «ايبىن» وردەنىمەن مەملەكەتتىك كۇزەت قىزمەتىنىڭ نىسانداردى قورعاۋ قىزمەتى 0112 اسكەري بولىمىنىڭ سالتاناتتى راسىم باتالونى بولىمشەسىنىڭ كومانديرى ن.احمەتۋللين, قورعانىس مينيسترلىگى كادەت كورپۋسىنىڭ سەرجانتى م.راحىمبەكوۆ ماراپاتتالدى.

«ەرلىگى ۇشىن» مەدالى ىشكى ىستەر مينيسترلىگى اقمولا وبلىستىق ىشكى ىستەر دەپارتامەنتىنىڭ اعا جەدەل ۋاكىلى ب.ايتەلەنوۆكە, ىشكى ىستەر مينيسترلىگى اقتوبە وبلىسى بويىنشا قىلمىستىق-اتقارۋ جۇيەسى كا-168/3 مەكەمەسىنىڭ جەدەل بولىمشەسىنىڭ باستىعى ن.جيدەحانوۆقا, ىشكى ىستەر مينيسترلىگى استانا قالاسى توتەنشە جاعدايلار دەپارتامەنتىنىڭ №8 ورت سوندىرۋ بولىمىنىڭ اعا ورت سوندىرۋشىسى ا.سالكەەۆكە, مەملەكەتتىك قىزمەت ىستەرى جانە سىبايلاس جەمقورلىققا قارسى ىس-قيمىل اگەنتتىگىنىڭ سىبايلاس جەمقورلىققا قارسى ىس-قيمىل ۇلتتىق بيۋروسى دەپارتامەنت باسشىسىنىڭ ورىنباسارى ج.تاجىباەۆقا تاپسىرىلدى.

«جاۋىنگەرلىك ەرلىگى ۇشىن» مەدالىمەن ۇلتتىق قاۋىپسىزدىك كوميتەتى ۇكىمەتتىك بايلانىس قىزمەتى باسقارماسىنىڭ باستىعى ا.ازىمباەۆ, قورعانىس مينيسترلىگى №41433 اسكەري بولىمىنىڭ كومانديرى س.ەلۋباەۆ, قورعانىس مينيسترلىگىنە قاراستى ارمييا ورتالىق سپورت كلۋبىنىڭ – سپورت كوميتەتىنىڭ نۇسقاۋشى-سەرجانتى ا.رايكوۆا, قورعانىس مينيسترلىگى №55652 اسكەري بولىمىنىڭ اۆياتسييالىق ەسكادريليا كومانديرىنىڭ ورىنباسارى ن.تەرگەۋباەۆ, قورعانىس مينيسترلىگى №32363 اسكەري بولىمىنىڭ دەسانت-شابۋىل باتالونىنىڭ كومانديرى ا.تولەگەنوۆ ماراپاتتالدى.

«ەرەن ەڭبەگى ۇشىن» مەدالىنە قورعانىس مينيسترلىگى باس اسكەري كلينيكالىق گوسپيتالى باستىعىنىڭ ورىنباسارى – مەديتسينا بولىمىنىڭ باستىعى گ.بايدىلداەۆا يە بولدى.

ەركىن قالدان

بولىسۋ:

پىكىر جازۋ


*