جوعارعى سوتتار بايلانىسى جوعارى دەڭگەيدە

1624
0
بولىسۋ:

جوعارعى سوت توراعاسى قايرات مامي باستاعان دەلەگاتسييانىڭ وڭتۇستىك كورەيا استاناسى سەۋل قالاسىنا رەسمي ساپارى باستالدى. دەلەگاتسييا قۇرا­مىنا جوعارعى سوت سۋدياسى اسقار سمايىلوۆ, استانا قالاسى سوتىنىڭ توراعاسى تىلەك­تەس بارپىباەۆ پەن جو­عارعى سوت جانىنداعى سۋ­ديا­لاردىڭ قىزمەتىن قامتاماسىز ەتۋ جونىندەگى دەپارتامەنت باسشىسىنىڭ ورىنباسارى اسييا قاسەنوۆا ەندى. 

ىسساپار شەڭبەرىندە قازاقستاندىق دە­لەگاتسييا كورەيانىڭ جوعارعى سوتىنىڭ عي­ماراتىندا بولىپ, وندا وسى ەلدىڭ جو­عارعى سوت ورگانىنىڭ توراعاسى يانگ سىنگ-تە مىرزامەن كەزدەستى. كەزدەسۋ بارىسىندا ق.ما­مي كورەيالىق ارىپتەستەرىمەن ىن­تى­ماق­تاستىقتىڭ جوعارى دەڭگەيىن جانە وزارا ىس-قيمىل ورناتقان جىلدار ىشىندە قالىپ­تاس­قان ەكى جاقتى قارقىندى بايلانىستىڭ سە­­نىمدى مامىلەگەرلىك سيپات العانىن اتاپ وتتى.
قازاقستان جوعارعى سوتىنىڭ توراعاسى قا­زاقستانداعى كونستيتۋتسييالىق رەفورما شەڭ­بەرىندە ورىن العان وزگەرىستەر, سونىڭ ىشىن­دە, ۇلت جوسپارىن ىسكە اسىرۋ اياسىندا ەلى­مىزدىڭ سوت-قۇقىق سالاسىنداعى جاڭا­شىل­دىقتار تۋرالى اڭگىمەلەپ بەردى.
ق.مامي داۋلاردى شەشۋدىڭ بالامالى مەحانيزمدەرىن ەنگىزۋ بويىنشا تاجىريبە الماسۋدىڭ تيىمدىلىگىن ايتا كەلە, قوعامداعى الەۋمەتتىك تۇراقتىلىقتى قامتاماسىز ەتۋگە جانە سوتتاردىڭ جۇكتەمەسىن ازايتۋعا مۇمكىندىك بەرەتىن باسىم مىندەتتەردىڭ بىرى رەتىندە تاتۋلاستىرۋ راسىمدەرىن ەنگىزۋدىڭ وڭ ناتيجە بەرگەنىن ايتتى. كورەيانىڭ اق­پاراتتىق تەحنولوگييالار سالاسىنداعى جەتەكشى جاعدايىن ايتا كەلە, قازاقستاندىق دەلەگاتسييا وسى باعىتتاعى ىنتىماقتاستىقتى كەڭەيتۋگە مۇددەلىلىك تانىتتى.
وز كەزەگىندە يانگ سىنگ-تە مىرزا قا­زاق­ستاندىق-كورەيالىق قاتىناستاردى وزارا تيىمدى سەرىكتەستىك قاعيداتى نەگىزىندە نى­عايتۋعا ىقپال ەتەتىن ىنتىماقتاستىقتى ودان ارى تەرەڭدەتۋ قاجەتتىگىن تىلگە تيەك ەتتى. ول كورەيالىق تاراپتىڭ قازاقستاندىق ارىپ­تەستەرمەن سوت ىسىن جۇرگىزۋ, سونىڭ ىشىن­دە, سوت اكىمشىلىگى سالاسىنا اقپاراتتىق تەح­نولوگييالاردى ەنگىزۋ بويىنشا جيناق­تاعان تاجىريبەلەرىمەن بولىسۋگە دايىن ەكەن­دىكتەرىن جەتكىزدى.
بۇگىن جالعاساتىن ساپار شەڭبەرىندە قا­زاقستاندىق دەلەگاتسييانىڭ وسى ەلدىڭ كونستيتۋتسييالىق سوتىنىڭ توراعاسىمەن, باس پروكۋرورىمەن, زاڭگەرلىك زەرتتەۋلەر جا­نە بىلىكتىلىكتى ارتتىرۋ ينستيتۋتىنىڭ رەك­تورىمەن كەزدەسۋلەرى, سونداي-اق كورەيا جو­عارعى سوتىنىڭ اقپاراتتىق تەحنولو­گييا­لار ورتالىعىنىڭ جۇمىسىمەن تانىسۋى جوس­پارلانعان.
ايتقانداي, ەكى ەلدىڭ جوعارعى سوتتارى­نىڭ توراعالارى بىلتىرعى 24 ماۋسىمدا استانادا كەزدەسكەن بولاتىن. سول كەزدە ەلى­مىزگە يانگ سىنگ-تە باستاعان دەلەگاتسييا كەل­گەن ەدى. كەزدەسۋ بارىسىندا قازاقستان مەن كورەيا جوعارى سوت ورگاندارىنىڭ باس­شىلارى ەكى ەلدىڭ سوت جۇيەسىنىڭ دامۋى تۋرا­لى وزەكتى اقپاراتپەن بولىستى. مەي­مانداردى جوعارعى سوتتا ينۆەستيتسييالىق داۋلاردى قارايتىن مامانداندىرىلعان القا مەن استانا قارجى ورتالىعى سوتىنىڭ قۇرىلۋى باعىتىنداعى بىرقاتار تاجىري­بەلىك ماسەلەلەر قىزىقتىردى.
بۇعان قوسا, وتكەن جىلعى 27-30 ماۋ­سىم ارا­لىعىندا قازاقستان جوعارعى سو­تىنىڭ دەلەگاتسيياسى دا كورەياعا ساپار­لاپ, سوت ىسىن جۇرگىزۋدە اقپاراتتىق تەح­نو­لوگييالاردى قول­دانۋ تاجىريبەسىمەن تا­نى­سىپ, سوت­تار­دىڭ ينفراقۇرىلىمى مەن سوت اكىمشىلىگىن ۇيىمداستىرۋ ەرەك­شە­لىك­تەرىن زەردەلەگەن.

ەرىك ەردەنوۆ

بولىسۋ:

پىكىر جازۋ


*