پرەزيدەنتتىڭ 2017 جىلعى باق سالاسىنداعى سىيلىقتارى, گرانتتارى جانە العىسى تۋرالى حابارلاما

1421
0
بولىسۋ:

قازاقستان رەسپۋبليكاسى پرەزيدەنتىنىڭ باسپاسوز قىزمەتى مەملەكەت باسشىسىنىڭ 2017 جىلعى باق سالاسىنداعى سىيلىقتارى مەن گرانتتارىن, سونداي-اق العىسىن الۋعا ۇمىتكەرلەردەن ۇسىنىمدار قابىلداۋ باستالعانىن حابارلايدى.

سىيلىقتار مەن گرانتتار الۋعا ۇمىت­كەر­لەردى بۇقارالىق اقپارات قۇرالدارى, شى­عارماشىلىق وداقتار, قوعامدىق بىرلەس­تىك­تەر, مەملەكەتتىك ورگاندار ۇسىنا الادى.
العىس جارييالاۋعا شىعارماشىلىق ۇجىم­داردى شىعارماشىلىق وداقتار, قو­عامدىق بىرلەستىكتەر, مەملەكەتتىك ورگاندار ۇسى­نا الادى.
اربىر بۇقارالىق اقپارات قۇرالى, شى­عارماشىلىق وداق, قوعامدىق بىرلەستىك, مەملەكەتتىك ورگان سىيلىقتار مەن گرانتتار الۋعا ەكى ۇمىتكەر عانا ۇسىنۋعا قۇقىلى. گرانت­تار جاسى وتىز بەستەن اسپاعان جاس جۋر­ناليستەرگە بەرىلەدى.
سىيلىقتار, گرانتتار الۋعا ۇمىتكەر­لەر­دىڭ جانە العىس جارييالاۋعا شىعارماشىلىق ۇجىمداردىڭ وزىن-وزى ۇسىنۋىنا جول بەرىل­مەيدى.
سىيلىقتار نەمەسە گرانتتار الۋعا بۇ­قارا­لىق اقپارات قۇرالىنىڭ, شىعار­ما­شى­لىق وداقتىڭ, قوعامدىق بىرلەستىكتىڭ, مەم­لەكەتتىك ورگاننىڭ رەسمي بلانكىسىنە جا­­زىلعان, بىرىنشى باسشى نەمەسە ونىڭ ور­نىنداعى ادام قول قويعان (ا4 فورماتتاعى كو­لەمى 2 پاراقتان اسپايتىن) ۇسىنىم جول­دانادى. وعان مىناداي قۇجاتتار قوسا ۇسى­نىلادى:
– سىيلىقتار نەمەسە گرانتتار الۋعا ۇسى­نىلعان ۇمىتكەردىڭ اتى, اكەسىنىڭ اتى, تەگى جانە شىعارماشىلىق بۇركەنشىك ەسىمى (ەگەر بولسا), سونداي-اق اتقاراتىن لاۋازىمى كور­سەتىلگەن نەگىزگى جۇمىس ورنىنان انىقتا­ما;
– سىيلىقتار نەمەسە گرانتتار الۋعا ۇسى­نىلعان ۇمىتكەردىڭ جەكە كۋالىگىنىڭ نەمەسە تولقۇجاتىنىڭ كوشىرمەسى;
– سىيلىقتار نەمەسە گرانتتار الۋعا ۇسى­نىلعان ۇمىتكەردىڭ شىعارماشىلىق قىز­مەتى­نىڭ قىسقاشا سيپاتتاماسى;
– جارييالانىمدار ماتىندەرى نەمەسە اۋديو جانە (نەمەسە) بەينەماتەريالدار;
– نەگىزگى جارييالانىمدارىنىڭ تىزىمى جانە (نەمەسە) ولاردىڭ كوشىرمەلەرى.
العىس جارييالاۋعا شىعارماشىلىق وداق­تىڭ, قوعامدىق بىرلەستىكتىڭ, مەملە­كەتتىك ورگاننىڭ رەسمي بلانكىسىنە جازىلعان بىرىنشى باسشى نەمەسە ونىڭ ورنىنداعى ادام قول قويعان بۇقارالىق اقپارات قۇرا­لى­نىڭ قىزمەتى تۋرالى (ا4 فورماتتاعى كو­لەمى 2 پاراقتان اسپايتىن) ۇسىنىم ۇسى­نىلادى;
كونكۋرسقا مان-ماڭىزى جوعارى نەگىزگى جا­رييالانىمدار نەمەسە اۋديو جانە (نە­مەسە) بەينەماتەريالدار ۇسىنىلادى.
قاراۋعا 2016 جىلعى 1 ماۋسىم مەن 2017 جىل­عى 31 مامىر ارالىعىندا جارييالانعان جا­نە (نەمەسە) ەفيرگە شىققان ماتەريالدار قابىلدانادى.
سىيلىقتار, گرانتتار الۋعا جانە العىس جا­رييالاۋعا ۇسىنىلعان ماتەريالدار مەن قۇجاتتار قايتارىلمايدى.
كىتاپتار باق سالاسىنداعى ماراپاتتار الۋ­عا ۇسىنىلعان ماتەريال رەتىندە قاراس­تى­رىلمايدى. مەرزىمدى باسىلىمداردا جا­رىق كور­گەن ماقالالار توپتاماسىن ۇسىنۋعا بو­لا­دى.
مەملەكەت باسشىسىنىڭ سىيلىقتارىن, گرانتتارىن الۋعا جانە العىسىن جارييالاۋعا ۇسىنىمداردى قوعامدىق كوميسسييانىڭ تورايىمى – قازاقستان رەسپۋبليكاسىنىڭ مەملەكەتتىك حاتشىسى گ.ابدىقالىقوۆانىڭ اتىنا 2017 جىلعى 1 ماۋسىمعا دەيىن مىنا مە­كەنجاي بويىنشا: 010000, استانا, سول جا­عالاۋ, اقوردا رەزيدەنتسيياسىنا جانە/نە­مەسە A.Zatova@akorda.kz ەلەكتروندىق ادرە­سىنە جولداۋ قاجەت.
مەملەكەتتىك ورگانداردىڭ ۇسىنىمدارى ەلەكتروندىق قۇجات اينالىمىنىڭ بىرىڭ­عاي جۇيەسى ارقىلى تەك ەلەكتروندىق فور­مات­تا عانا قابىلدانادى, بۇل قوسىمشالارى ەلەكتروندىق تاسىمالداعىش (ديسك) ارقىلى جولداناتىن ۇسىنىمدارعا قاتىستى ەمەس.
بايلانىس نومىرلەرى: +7 (7172) 74-41-15, 74-42-65, 74-41-57.

قازاقستان رەسپۋبليكاسى
پرەزيدەنتىنىڭ باسپاسوز قىزمەتى

بولىسۋ:

پىكىر جازۋ


*