ينۆەستيتسييالىق احۋال جاقسارادى

1696
0
بولىسۋ:

ۇكىمەت ۇيىندە پرەمەر-مينيستر باقىتجان ساعىنتاەۆ Ernst & Young حالىقارالىق كونسالتينگتىك كومپانييانىڭ وكىلدەرىمەن ينۆەستيتسييالىق احۋالدى جاقسارتۋ ماسەلەلەرى جونىندە كەزدەسۋ وتكىزدى. جۇزدەسۋ بارىسىندا مەملەكەتتىك-جەكەمەنشىك ارىپتەستىك سالاسىنداعى زاڭنامالاردى جەتىلدىرۋ, سونداي-اق ىرى شەتەلدىك ينۆەستورلاردى تارتا وتىرىپ, مجا تەتىكتەرى ارقىلى ينفراقۇرىلىمدىق جوبالاردى ىسكە اسىرۋ ماسەلەلەرى تالقىلاندى.

Ernst & Young – ىرگەسى 1989 جىلى قالان­عان ىرى بريتاندىق اۋديتورلىق-كونسالتينگتىك كومپانييالاردىڭ بىرى. ول بيلىك ينستيتۋتتارى, حالىق, كاپيتال, ينفراقۇرىلىم, ماكروەكو­نوميكا سەكىلدى ينۆەستيتسييالىق وسىمنىڭ بەس قۇراۋشىسى­نىڭ بارلىعى بويىنشا كەڭەس بەرۋدەن مول تاجىريبەگە يە. بۇل تاجىريبە قازاقستاننىڭ دا قاجەتىنە جارارى سوزسىز.
وسى كۇنى ۇكىمەت باسشىسى ەكونوميكا ماسەلەلەرى جونىندەگى ساراپتاما كەڭەسىنىڭ كەزەكتى وتىرىسى وتتى. وتىرىس بارىسىندا ەكونوميكالىق وسىمدى قامتاماسىز ەتۋ ماسەلەلەرى, سونىمەن قاتار ساراپشى­لاردىڭ مەملەكەتتىك جەرگىلىكتى باسقارۋ مەن وزىن-وزى باسقارۋ جۇيەلەرىن جەتىلدىرۋ بويىنشا ايتقان ۇسىنىستارى تالقىلاندى.
تالقىلاۋعا Oil Gas Project جشس ديرەكتورى ج.احمەتوۆ, «سەنترانس» اق ديرەكتورلار كەڭەسىنىڭ توراعاسى
ە.ابدىرازاقوۆ, «راكۋرس» ەكونوميكالىق تالداۋ ورتالىعى» قوعامدىق قورىنىڭ ديرەكتورى و.جاندوسوۆ, «ستراتەگييالىق باستامالار ورتالىعىنىڭ» اعا سەرىكتەسى و.قۇدايبەرگەنوۆ, «استانا» حالىقارالىق عىلىمي كەشەنى» ورتالىعىنىڭ باسشىسى ا.بورانباەۆ, سونداي-اق «بايتەرەك» ۇلتتىق باسقارۋ حولدينگىنىڭ باسقارما توراعاسى ەربولات دوساەۆ, «حالىق بانكى­نىڭ» باسقارما توراعاسى ۇمىت شاياحمەتوۆا, «قازاقستان» تەلەراديو كەشەنىنىڭ باسقار­ما توراعاسى ەرلان قارين, «قازاق مۇناي جانە گاز ينستيتۋتى» باس ديرەكتورىنىڭ كەڭەسشىسى جاقسىبەك قۇلەكەەۆ قاتىستى.
وتىرىس قورىتىندىسى بويىنشا پرەمەر-مينيستر ب.ساعىنتاەۆ ۋاكىلەتتى مەم­لەكەتتىك ورگاندارعا ەلىمىزدىڭ زاڭنا­ماسىنا تيىستى تۇزەتۋلەردى ەنگىزۋ ۇشىن ساراپشىلاردىڭ ۇسىنىستارىن زەرتتەپ, تانىسۋدى تاپسىردى.
ەلدوس سەنباي

بولىسۋ:

پىكىر جازۋ


*