پاتريوتيزمدى جانداندىرۋ قاجەت

1460
0
بولىسۋ:

مەملەكەت باسشىسى نۇرسۇلتان نازارباەۆ شىعارماشىلىق زييالى قاۋىم وكىلدەرىمەن كەزدەستى.

جۇزدەسۋگە بەلگىلى جازۋشىلار: بەك­سۇلتان نۇرجەكەەۆ, دۋلات يسابەكوۆ جانە سماعۇل ەلۋباەۆ قاتىستى.
ەلباسى ونەردىڭ, شىعارماشىلىقتىڭ ەل-جۇرت پەن بۇكىل قوعام ومىرىندە ماڭىز­دى ورىن الاتىنىن ايتا كەلىپ, شىعار­ماشىلىق زييالى قاۋىم وكىلدەرىنە ساتتىلىك تىلەدى. سونداي-اق ولارعا ەل تاۋەلسىزدىگىن نىعايتۋعا قوسقان ۇلەستەرى ۇشىن العىسىن بىلدىردى.
اڭگىمە بارىسىندا ەل ومىرىنىڭ ما­دەني-گۋمانيتارلىق سالاسىمەن قاتار, قوعامدىق-ساياسي سالاداعى كەڭ اۋقىمدى ماسەلەلەر قوزعالدى. اتاپ ايتقاندا, لاتىن الىپبيىنە كوشۋ, دەموگرافييالىق احۋال, كوشى-قون ساياساتى, ۇش تىلدە بىلىم بەرۋ جۇيەسىن ەنگىزۋ, تاعى دا باسقا ماسە­لەلەر قامتىلدى.
قازاقستان پرەزيدەنتى وزىنىڭ تاياۋدا جارىق كورگەن «بولاشاققا باعدار: رۋحاني جاڭعىرۋ» اتتى ماقالاسىنىڭ كەيبىر باعىتى مەن باسىمدىقتارىنا توقتالدى.
تاۋەلسىزدىك جىلدارىندا ىسكە اسى­رىلعان ىرى شىعارماشىلىق جوبالاردىڭ ماڭىزدى ماسەلەلەرى تالقىلاندى. ما­سەلەن, قازاقستان اۋماعىنداعى تاريحي-مادەني ەسكەرتكىشتەر مەن نىسانداردى قالپىنا كەلتىرۋگە سەپتىگىن تيگىزگەن «مادەني مۇرا» باعدارلاماسى, سونداي-اق الەمنىڭ جەتەكشى ارحيۆتەرىنەن ەلىمىزدىڭ تاريحىنا قاتىستى قۇجاتتاردى جۇيەلى تۇردە جيناقتاپ, تالداۋ جۇرگىزۋگە مۇم­كىندىك بەرگەن «حالىق تاريح تولقىنىندا» باعدارلاماسى اڭگىمەگە ارقاۋ بولدى.
نۇرسۇلتان نازارباەۆ تۋعان جەرگە دەگەن سۇيىسپەنشىلىكتەن باستاۋ الاتىن پاتريوتيزم تاقىرىبىن جانداندىرۋ قاجەتتىگىنە نازار اۋداردى.
سوڭىندا مەملەكەت باسشىسى رۋحاني جاڭعىرۋ جونىندەگى قازاقستاندىقتار الدىندا تۇرعان مىندەتتەردىڭ ماڭىزى زور ەكەنىنە توقتالىپ, ەلدى دامىتۋ ۇشىن ولاردى جۇزەگە اسىرۋدىڭ وزەكتىلىگىن اتاپ وتتى.

بولىسۋ:

پىكىر جازۋ


*