مەملەكەت باسشىسى بىرقاتار ناقتى تاپسىرما بەردى

1587
0
بولىسۋ:

ەلباسى ىشكى ىستەر مينيسترى قالمۇحانبەت قاسىموۆتى قابىلدادى.

كەزدەسۋ بارىسىندا قازاقستان پرەزيدەنتىنە ىشكى ىستەر مينيسترى قىلمىستىق احۋال جانە جەرگىلىكتى پوليتسييا قىزمەتىن ودان ارى رەفورمالاۋ اياسىندا قابىلدانىپ جاتقان شارالار جونىندە باياندادى, سونداي-اق تۇزەتۋ مەكەمەلەرىنىڭ جاعدايى مەن ۇلتتىق ۇلاننىڭ جۇمىسى تۋرالى مالىمدەدى.

بۇدان بولەك, ق.قاسىموۆ سۋ تاسقىنىنا بايلانىستى احۋال جانە استانا مەن رەسپۋبليكا وبلىستارىندا توتەنشە جاعدايدىڭ الدىن الۋ باعىتىندا اتقارىلىپ جاتقان ىس-شارالار جايلى حاباردار ەتتى.

نۇرسۇلتان نازارباەۆ ەلدەگى قىلمىسپەن كۇرەستى كۇشەيتۋ جانە قۇقىقتىق تارتىپتى قامتاماسىز ەتۋ ۇشىن شارالار قابىلداۋ قاجەتتىگىنە نازار اۋداردى.

سونداي-اق, ەلباسى سۋ تاسقىنىنان زارداپ شەككەن بارلىق وڭىرلەردىڭ جاعدايى مەن تىرشىلىگىن قالپىنا كەلتىرۋ ۇشىن كەشەندى ىس-قيمىلداردى جۇزەگە اسىرۋدى تاپسىردى.

كەزدەسۋ قورىتىندىسى بويىنشا مەملەكەت باسشىسى بىرقاتار ناقتى تاپسىرما بەردى.

 

ەركىن قالدان

 

بولىسۋ:

پىكىر جازۋ


*