سۆەتلانا ايتباەۆا: بارشاڭىزدان ساق بولۋدى سۇرايمىن!

9069
0
بولىسۋ:

گازەتىمىزدىڭ بۇگىنگى نومىرىندە جارييالانعان «ماقساتىم – ونەر جولى» اتتى ديماش قۇدايبەرگەننىڭ سۇحباتىنا بايلانىستى انشىنىڭ اناسى پىكىرىن بىلدىردى.

 سۆەتلانا ايتباەۆا, ديماشتىڭ اناسى:

I am a singer جوباسىنىڭ فينالى بىتكەنىمەن, كەلىسىم-شارت ۋاقىتى ازىر بىتكەن جوق. سەبەبى الداعى ۋاقىتتا, ياعني 22 ساۋىردە گالا-كونتسەرتى وتەدى. سودان كەيىن بارىپ ديماش قازاقستانعا ورالادى.

بۇگىندە ديماشتىڭ اتىنان فەيك-اككاۋنت اشىپ, سۇحبات بەرەتىندەردىڭ كوبەيىپ كەتكەنى بىزدى قىنجىلتىپ وتىر. الەۋمەتتىك جەلىدەگى رەسمي فان-كلۋب ەمەس, جالعان پاراقشالاردىڭ سانى كەم دەگەندە ەلۋگە جۋىق. سوندىقتان بارشاڭىزدان ساق بولۋدى سۇرايمىن!

وسى كۇنگە دەيىن ديماش وزىنىڭ مادەنيەتىن, بىلىمىن, قانداي ەكەندىگى سۇحباتتارى مەن جازبالارىندا كورسەتتى. سوندىقتان كۇدىكتەنىپ, كۇمانمەن قاراۋلارىڭىزدى سۇرايمىن. ماسەلەن «ايقىن» گازەتىنە بەرىلگەن سۇحباتتا ول ادامنىڭ ديماش ەمەس ەكەندىگى كورىنىپ تۇر. بارلىق جۋرناليستەرگە ايتارىم – تەكسەرىپ السا, بەت-جۇزىن كورمەي, سۇحبات جاساماسا ەكەن. بىز بارلىق باق ۇشىن اشىقپىز. ماعان كەز كەلگەن ادام حابارلاسىپ, سۇحباتتاسا الادى. رەسپۋبليكالىق باق-قا, سونىڭ ىشىندە «ايقىن» گازەتىنە بىز ۇنەمى قۋانا كەلىسەمىز. كەرىسىنشە, جۋرناليستەرمەن بىرلەسىپ, جۇمىس جاساۋىمىز قاجەت. ديماشتىڭ ار كۇنى ارتۇرلى جۇمىسقا تولى. ول فيزيكالىق تۇرعىدان ۇلگەرمەيدى. تۇسىنىستىكپەن قاراعان حالىققا, جۋرناليستەرگە العىسىمدى بىلدىرەمىن.

«ايقىن» باسىلىمى بىزدىڭ وتباسىمىزدى عانا ەمەس, تالاي ونەرلى جانداردى ناسيحاتتاپ جۇر, بەدەلدى باسىلىم. الاياقتىق جاساپ جۇرگەن ادامدارعا ناق وسى گازەتتىڭ تاپ بولعانى وكىنىشتى. دەگەنمەن مۇنىڭ بارلىعى تۇزەلمەيتىن نارسە ەمەس. بۇل ازعانتاي عانا قاتەلىك دەپ ويلايمىن.

ديماشتىڭ جەڭىسىنەن كەيىن «ايقىندا» جازىلعان «دۇنيە ديدارىنداعى ديماش» اتتى ماقالانىڭ تاقىرىبىنىڭ وزى قانداي! بۇل – بىر عانا ماقالا, ال ودان بولەك, جوعارىدا اتاپ وتكەنىمىزدەي, ونەر ادامدارىنىڭ جاڭالىقتارىن ەلدەن بۇرىن جەتكىزىپ, سۇيىنشىلەتەتىن باسىلىم ەكەندىگىن بارى بىلەدى. سوندىقتان گازەتكە ۇلكەن ريزاشىلىعىمدى بىلەمىن.

«ايقىندىقتارعا» تەك قانا ساتتىلىك تىلەيمىز!

 جادىرا اققايىر

فوتو: AKTOBEGAZETI.KZ

بولىسۋ:

پىكىر جازۋ


*