اۋىل اكىمدىگى تەحنولوگييالىق جاراقتاندىرىلۋدا

1540
0
بولىسۋ:

بيىلعى كۇز باستالعانعا دەيىن بارلىق اۋىلدىڭ اكىمدەرى وز وڭىرلەرىن جوعارى جىلدامدىقتى ينتەرنەتپەن قامتاماسىز ەتەدى. بۇل تۋرالى كەشە «نۇر وتان» پارتيياسىنىڭ ماجىلىستەگى فراكتسيياسىنىڭ كەڭەيتىلگەن جينالىسىندا جارييا ەتىلدى. وتىرىسقا ەلباسىنىڭ «قازاقستاننىڭ ۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋى تۇرعىسىنان جانە ۇلت جوسپارىنىڭ 98-قادامىن ىسكە اسىرۋ اياسىندا جەرگىلىكتى وزىن-وزى باسقارۋدىڭ دەربەس بيۋدجەتىن جانە كوممۋنالدىق مەنشىگىن ەنگىزۋ تاقىرىبى ارقاۋ بولدى.  

فراكتسييانىڭ كەڭەيتىلگەن جينالىسىنىڭ جۇمىسىنا «نۇر وتان» پارتيياسىنىڭ حاتشىسى ن.گودۋنوۆا, سونداي-اق پرەزيدەنت اكىمشىلىگى مەن پرەمەر-مينيستر كەڭسەسىنىڭ, مەملەكەتتىك ورگانداردىڭ, كۆازيمەملەكەتتىك سەكتور ۇيىم­دارىنىڭ وكىلدەرى شاقىرىلدى.
وتىرىسقا توراعالىق ەتكەن «نۇر وتان» فراكتسيياسىنىڭ جەتەكشىسى گ.يسيمباەۆا بۇل ىس-شارا 2018 جىلدان باستاپ اۋىلدىڭ تول بيۋدجەتىن ەندىرۋگە مەمورگانداردىڭ قانشالىقتى دايىن ەكەنىن تالقىلاۋعا ارنالاتىنىن ەسكە سالدى. بۇگىندە ماجىلىستە جەرگىلىكتى وزىن-وزى باسقارۋدى دامىتۋ ماسەلەلەرىنە قاتىستى زاڭ جوباسى قارالۋدا. فراكتسييا باسشىسى ونىڭ «ماڭىزى ەرەكشە» ەكەنىن اتاپ وتتى. ويتكەنى زاڭ ۇلت جوسپارىنىڭ 98-قادامىن جۇزەگە اسىرۋعا, اۋداندىق ماڭىزى بار قالالار, كەنتتەر, اۋىلدار جانە اۋىلدىق وكرۋگتەر دەڭگەيىندە دەربەس بيۋدجەت ەنگىزۋگە باعىتتالعان.
– ەلباسى بيىلعى جولداۋىندا دا قارجى شىعىسىن اۋداندىق جانە اۋىلدىق دەڭگەيگە بەرۋدى تاپسىردى. بۇل زاڭدى قابىلداۋ اۋىلدىق جەردىڭ وز قاراجاتى بولىپ, تۋىنداعان ماسەلەلەرىن قىسقا مەرزىمدە شەشۋگە مۇمكىندىك بەرەدى. قارجى جۇمساۋدىڭ 19 باعىتىنىڭ ىشىندە اۋىلداعى جولداردى سالۋ, جوندەۋ, مەملەكەتتىك تۇرعىن ۇي قورىن كۇتىپ ۇستاۋ, ەلدىمەكەندەردى سۋمەن قامتاماسىز ەتۋ, اۋىلدىق ەلدىمەكەندەردە تۇراتىن وقۋشىلاردى مەكتەپكە تەگىن اپارىپ-الىپ قايتۋ, ازاماتتاردى اۋرۋحانالارعا جەتكىزۋ, الەۋمەتتىك كومەككە مۇقتاج ازاماتتارعا كومەك كورسەتۋ سيياقتى ماسەلەلەر بار. وسى قار­جىلاندىرۋ باعىتتارى حالىقتىڭ تىكەلەي قاتىسۋىمەن انىقتالادى, – دەدى گۇلميرا يسيمباەۆا.
نەگىزگى بايانداما جاساعان ۇلتتىق ەكونوميكا مينيسترى تيمۋر سۇلەيمەنوۆ جەرگىلىكتى وزىن-وزى باسقارۋ بيۋدجەتىن ساپالى ەنگىزۋ ۇشىن «دايىندىق شارالارىنىڭ جوسپارى» ازىرلەنگەنىن حابارلادى. قازىر ەلىمىزدە بيۋدجەت تەك ۇش دەڭگەيدەن تۇرادى, الداعى جىلدان باستاپ ەلباسى تاپسىرماسىمەن تورتىنشى دەڭگەي – اۋداندىق ماڭىزى بار قالالاردىڭ, كەنتتەردىڭ جانە اۋىلداردىڭ تول بيۋدجەتتەرى كەزەڭ-كەزەڭمەن قۇرىلماق. بۇلاردىڭ ەشقايسىسىندا وز وكىلدى ورگانى – ماسليحاتى بولماعاندىقتان, جىل سايىن اۋداندىق ماڭىزى بار قالالار, كەنتتەر جانە اۋىل اكىمدەرى ۇسىنعان بيۋدجەت جوباسىن اۋداندىق ماسليحات بەكىتىپ بەرىپ وتىراتىن بولادى.
مينيستر ت.سۇلەيمەنوۆ ىس-شارالار جوس­پارىنا سايكەس, مەملەكەتتىك ورگاندار مەن ۇيىم­دارعا بيىلعى 1 ماۋسىمعا دەيىن اۋىلدىق وكرۋگ­تەردەگى جىلجىمايتىن جانە جىلجىمالى مۇلىك­تەردىڭ تىركەلمەگەن نىساندارىن انىقتاۋ جۇكتەلگەنىن ايتتى. اقپارات جانە كوممۋني­كاتسييالار ۆيتسە-مينيسترى ا.اجىباەۆتىڭ اي­تۋىنشا, بۇل مۇلىكتەردى تىركەۋدىڭ تولىق شىعىنى ازاماتتارعا ورتاشا ەسەپپەن 26 مىڭ تەڭگەگە تۇسپەك.
سونداي-اق جىل سوڭىنا, ياعني 31 جەلتوقسانعا دەيىن تەكسەرۋ, وزەكتەندىرۋ جانە ينتەگراتسييالاۋ بويىنشا بارلىق قاجەتتى شارالاردى جۇرگىزۋ ارقىلى مەملەكەتتiك ورگانداردىڭ اقپاراتتىق جۇيەلەرى مەن دەرەكتەر بازاسىنىڭ تولىق دايىندى­عىن قامتاماسىز ەتۋگە تاپسىرما بەرىلگەن.
بۇدان باسقا, اۋىلدىق وكرۋگتەر اكىمدەرى اپپاراتىن ينتەرنەت بايلانىسىمەن قامتاماسىز ەتۋ ماسەلەسىن شەشۋ ۇشىن ينتەرنەت پروۆاي­دەرلەرمەن كەزدەسۋ وتكىزىلىپتى.
– ىس-شارالار جوسپارىنا سايكەس, جەرگىلىكتى اتقارۋشى ورگاندار 2017 جىلعى 1 قىركۇيەككە دەيىنگى مەرزىمدە اۋىلدىق وكرۋگتەر اكىمدەرىنىڭ اپپاراتىن قاجەتتى جىلدامدىقتاعى ينتەرنەتپەن قامتاماسىز ەتەدى. بىرىنشى كەزەڭدە تول بيۋدجەتى ەنگىزىلەتىن 1066 اۋىلدىڭ 835-ى 512 كيلوبيت/سەكۋندتان جوعارى جىلدامدىقپەن ينتەرنەتكە شىعا الاتىنى مالىم. بۇل – قازىناشىلىق جۇيەسى ۇزدىكسىز جۇمىس جاساۋىنا قاجەتتى جىلدام­دىق. 74 اۋىلدىق وكرۋگتە «قازاقتەلەكوم» ۇلتتىق وپەراتورىنان باسقا وپەراتورلار جۇمىس جاسايدى. بۇلاردا دا جىلدامدىق تالاپ ەتىل­گەننەن جوعارى. 32 اۋىلدىق وكرۋگتە ينتەرنەت سپۋتنيك بايلانىس ارناسى ارقىلى قولجەتىمدى, – دەدى مينيستر.
دەگەنمەن 125 اۋىلدا قازىر ينتەرنەت تومەن جىلدامدىقتا ەكەنى انىقتالۋدا. ولاردىڭ كوبى نەگىزىنەن شىعىس قازاقستان, وڭتۇستىك قازاقستان, الماتى جانە جامبىل وبلىستارىنىڭ شالعاي جەرلەرىندە ورنالاسقان. «اقپارات جانە كوم­مۋنيكاتسييا مينيسترلىگىمەن بىرگە ينتەرنەت پروۆايدەرلەرمەن كەلىسسوزدەر جۇرگىزدىك. ولار قورىتىندىسىندا جەتكىزۋشىلەر سپۋتنيكتىك ارنالار ورناتۋعا دايىن ەكەندەرىن, سوندا جىل­دامدىق 1 مەگابيت/سەكۋندتان تومەن بولمايتىنىن مالىمدەدى. بۇل رەتتە ابونەنتتىك تولەم اي سايىن 50 مىڭ تەڭگەنى قۇرايدى, بۇعان قۇرىلعىلاردى جالعا الۋ اقىسى دا كىرەدى» دەگەن تيمۋر سۇلەيمەنوۆ نەگىزى, ولاردىڭ ستاندارتتىق تولەما­قىسى شامامەن 80 مىڭ تەڭگە بولاتىنىنا نازار اۋدارتتى.
مۇنىڭ سىرتىندا مينيستردىڭ مالىمەتى بويىنشا, 16 اۋىلدىق وكرۋگ تىپتى كومپيۋتەر قۇرالدارىمەن دە قامتاماسىز ەتىلمەگەن. وبلىس اكىمدىكتەرىنە 2017 جىلعى 1 قاراشاعا دەيىن بۇل ماسەلەنى شەشۋ تاپسىرىلدى.

 

ايحان شارىپ

 

بولىسۋ:

پىكىر جازۋ


*