گەرمانييالىق قالاۋلىلاردى قابىلدادى

1443
0
بولىسۋ:

ماجىلىس توراعاسى نۇرلان نىعماتۋلين بۋندەستاگتىڭ گەرمانييالىق-ورتالىقازييالىق پارلامەنتتىك توبىنىڭ مۇشەلەرىمەن كەزدەستى. مانفرەد گرۋند باستاعان نەمىس دەپۋتاتتارى دەلەگاتسيياسىنىڭ قازاقستانعا ساپارى 11-14 ساۋىر ارالىعىندا جالعاسادى. 

جۇزدەسۋ كەزىندە تاراپتار قازاق­ستاندىق-گەرمانييالىق قا­رىم-قاتى­ناستاردى, سونىڭ ىشىن­دە پارلامەنتارا­لىق ىنتى­ماق­تاستىقتى ارى قاراي نى­عاي­تۋدىڭ پەرسپەكتيۆتى باعىتتارىن تال­قىلادى. پارلامەنتشىلەر قوس تاراپ اراسىندا سەنىمگە قۇرىلعان ديالوگ, وزارا تۇسىنىستىك, مۇددە­لىلىك پەن ىنتا-ىقىلاس ورناعانىن جانە بۇل قازاقستان مەن گفر ساياسي قا­تىناستارىنىڭ نەگىزى بولىپ تابىلاتىنىن اتاپ وتتى.
ارىپتەستەرىن گەرمانييانىڭ جاڭا پرەزيدەنتى شتاينمايەر مىرزانىڭ ساي­لانۋىمەن قۇت­تىقتاعان ماجىلىس توراعاسى ن.نىع­­ماتۋلين ونىڭ جاڭا قىز­مەتتە قا­زاقستاندىق-گەر­ماندىق قاتى­ناستى تەرەڭ­دەتۋگە ىقپال ەتەتىنىنە سەنىم بىلدىردى.
سپيكەر قازاقستان پرەزيدەنتى نۇرسۇلتان نازارباەۆتىڭ گەرما­نييامەن ىنتىماقتاستىقتى دامى­تۋعا اردايىم ايرىقشا كوڭىل بولەتىنىنە نازار اۋدارتتى.
– گفر – قازاقستاننىڭ ەۋرو­پالىق وداقتاعى جەتەكشى ساۋدا-ەكونوميكالىق جانە ينۆەستي­تسييالىق سەرىكتەستەرىنىڭ بىرى. بيىل ەكى ەل اراسىندا ديپلوما­تييالىق بايلانىستاردىڭ ورنا­عانىنا 25 جىل تولدى. وسى ۋاقىت ىشىندە بارلىق سالادا وزارا قارىم-قاتىناس ايتارلىقتاي جوعارى دەڭگەيگە جەتتى. اسىرەسە, قازاق­ستان پرەزي­دەنتى نۇرسۇلتان نازارباەۆتىڭ 2012 جىلى بەر­لينگە رەسمي ساپارى قازاقستان­دىق-گەرمانييالىق بايلانىستى ستراتەگييالىق ارىپتەستىك دەڭگە­يىنە دەيىن كوتەردى, – دەدى ول.
كەزدەسۋدە قازاقستاننىڭ يندۋستريال­دىق-يننوۆاتسييالىق دامۋ باعدارلاماسىن جۇزەگە اسى­رۋعا گەرمانييانىڭ قاتىسۋ مۇم­كىندىگى, سونداي-اق ەۋرازييا­لىق ەكو­نومي­كالىق وداق, ورتا­لىق ازييا مەن قىتاي نارىق­­تا­رىنا شىعا الاتىن جوعارى تەحنولوگييالى بىرلەسكەن كاسىپ­ورىنداردى قازاق­ستاندا قۇرۋ جايى دا سوز بولدى.
ماجىلىس باسشىسى دەلەگاتسييا وكىلدەرىن اعىلشىندىق قۇقىق جۇيەسىنە نەگىزدەلگەن «استانا» حالىقارالىق قارجى ورتالىعىن قۇرۋ جانە دامىتۋ باعىتىندا اتقارىلىپ جاتقان جۇمىستار جايىنان دا حاباردار ەتتى.
ماجىلىس توراعاسى مەيمان­داردى ەلى­مىزدە جۇرگىزىلىپ جاتقان كونستيتۋ­تسييالىق رەفورما جو­نىن­دە دە تولىققاندى قۇلاعدار ەتتى.
وز كەزەگىندە مانفرەد گرۋند تاۋەلسىز مەملەكەت قۇرا وتىرىپ, دەموكراتييالىق جولمەن وركەندەۋ قازاقستاننىڭ وزگەگە ۇقسامايتىن ەرەكشە دامۋ جولى بولىپ تابى­لاتىنىن جانە ونىڭ جىلدان جىلعا تابىستى جۇزەگە اسىرىلىپ كەلە جاتقانىن اتاپ وتتى.
– مەملەكەتتىك قۇرىلىمداردى تۇزۋ, ەكونوميكالىق رەفورمالار جۇرگىزۋ, الەۋمەتتىك جۇيەنى قالىپ­تاستىرىپ, دامىتۋ جانە بۇل رەتتە دەموكراتييالىق جولمەن جۇرۋ – قازاقستان تابىستى تۇردە ەڭسەرە العان ۇلكەن سىن! – دەدى م.گرۋند.
تاراپتار پارلامەنتارالىق بايلا­نىستى نىعايتۋدىڭ وزەكتى سۇراقتارىن دا تالقىلادى.
كەزدەسۋ سوڭىندا نۇرلان نىعماتۋلين مارتەبەلى مەيمان­دارىن استانادا 10 ماۋسىمدا اشىلاتىن «ەكسپو – 2017» كور­مەسىنە قاتىسۋعا شاقىردى جانە گەرما­نييانىڭ ۇلتتىق پاۆيلونى قازاقستاندىق­تار مەن شەتەلدىك قوناقتار اراسىندا ۇلكەن تانىمالدىلىققا يە بولاتىنىنا سەنىم بىلدىردى.

ايحان شارىپ

بولىسۋ:

پىكىر جازۋ


*