جوبالاردى كوممەرتسييالاندىرۋ ماسەلەلەرى قارالدى

1384
0
بولىسۋ:

ۇكىمەت ۇيىندە قر پرەمەر-مينيسترى باقىت­جان ساعىنتاەۆتىڭ توراعالىعىمەن قر ۇكى­مەتى جانىنداعى جوعارى عىلىمي-تەح­نيكا­لىق كوميسسييانىڭ (جعتك) كەزەكتى وتىرىسى وتتى.
مەملەكەت باسشىسى نۇرسۇلتان نازارباەۆتىڭ «قازاقستاننىڭ ۇشىنشى جاڭعىرۋى: جاھاندىق باسەكەگە قابى­لەت­تىلىك» اتتى قازاقستان حالقىنا جولداۋىن ىسكە اسىرۋ اياسىندا وتكەن وتىرىس بارىسىندا 2017-2020 جىلدارعا ارنالعان عىلىمدى دامى­تۋدىڭ باسىمدىقتى باعىت­تارى تالقىلاندى. سونىمەن قاتار اگرارلىق عىلىم سالاسىنداعى عىلىمي-تەحنيكالىق ازىرلەمەلەردى ىسكە اسىرۋ جانە يندۋستريالدى-يننوۆاتسييالىق قىزمەت سالاسىنداعى جوبا­لاردى كوممەرتسييالاندىرۋعا گرانت بەرۋ ماسەلەلەرى قارالدى.
سونداي-اق پرەمەر بيزنەس قۇرىلىمدار وكىلدەرىنىڭ قاتىسۋىمەن ەكونوميكانى جىلدامداتىلعان تەحنولوگييالىق جاڭعىرتۋ ماسەلەلەرى بويىنشا مەملەكەت باسشىسىنىڭ «قازاقستاننىڭ ۇشىنشى جاڭعىرۋى: جاھاندىق باسەكەگە قابىلەتتىلىك» اتتى حالىققا جولداۋىن ىسكە اسىرۋ جونىندە كەڭەس وتكىزدى. جيىن بارىسىندا تورتىنشى ونەركاسىپتىك توڭكەرىس ەلەمەنتتەرىن ەنگىزۋ ارقىلى باسەكەگە قابىلەتتى وندىرىستەردى دامىتۋ جۇمىستارى تالقىلاندى.
بۇدان بولەك قازاقستاننىڭ ينۆەستيتسييا­لىق احۋالىن جاقسارتۋ ماقساتىندا دۇنيەجۇزى­لىك بانك وكىلدەرىمەن كەزدەسۋ وتكىزدى.
كەزدەسۋدە قر ينۆەستيتسييالار جانە دامۋ مينيسترلىگىنىڭ دۇنيەجۇزىلىك بانك ساراپ­شىلارىمەن بىرلەسىپ ازىرلەگەن 2017-2022 جىلدارعا ارنالعان ينۆەستيتسييالار تارتۋ جونىندەگى قر ۇلتتىق ستراتەگييا جوباسى قارالدى.
سەرىك سادىر

بولىسۋ:

پىكىر جازۋ


*