سەنات جوبالاردى پىسىقتاۋعا كىرىستى

1660
0
بولىسۋ:

جوعارعى پالاتا سپيكەرى قاسىم-جومارت توقاەۆتىڭ تورا­عالىق ەتۋىمەن سەناتتىڭ بيۋرو وتىرىسى وتتى. وندا بيۋرو ماجىلىستەن تۇسكەن زاڭ جوبالارىن كوميتەتتەرگە بولىپ بەردى. سونداي-اق سەناتتىڭ كەزەكتى جالپى وتىرىسىنىڭ كۇن تارتىبىن بەلگىلەدى.

سونىمەن, پالاتانىڭ كونس­تيتۋتسييالىق زاڭناما, سوت جۇيەسى جانە قۇقىق قورعاۋ ورگاندارى كوميتەتى «حالىقارالىق جەكە قۇقىق جونىندەگى گااگا كونفەرەنتسيياسىنىڭ جارعىسىن راتيفيكاتسييالاۋ تۋرالى» زاڭ جوباسىن ودان ارى پىسىقتاۋعا جانە ول بويىنشا قورىتىندى ازىرلەۋگە جاۋاپتى.
«قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنە شىنىقتىرۋ جانە سپورت ماسەلەلەرى بويىنشا وزگەرىستەر مەن تولىق­تىرۋلار ەنگىزۋ تۋرالى» زاڭ جوباسى بويىنشا باس كوميتەت بولىپ, الەۋ­مەتتىك-مادەني دامۋ جانە عىلىم كوميتەتى بەلگىلەندى.
بيۋروعا پالاتانىڭ 2017 جىلى 6 ساۋىردە وتەتىن كەزەكتى وتىرىسىنىڭ كۇن تارتىبى بويىنشا ۇسىنىستار ەنگىزىلدى.
ول جيىندا سەناتورلار قول­دانىستاعى زاڭناماعا اۋە كەڭىستىگىن پايدالانۋ جانە اۆياتسييا قىزمەتى ماسەلەلەرى بويىنشا تۇزەتۋلەردى, «كوللەكتورلىق قىزمەت تۋ­رالى» جانە «قازاقستان رەسپۋبلي­كاسىنىڭ كەيبىر زاڭنامالىق اكتىلەرىنە كول­لەكتورلىق قىزمەت ماسەلەلەرى بويىنشا وزگەرىس­تەر مەن تولىقتىرۋلار ەنگىزۋ تۋرالى» ىلەسپە زاڭ جوباسىن قارايتىن بولدى.

ەرىك ەردەنوۆ

بولىسۋ:

پىكىر جازۋ


*