الىپ سپورت كەشەنى اشىلادى

1911
0
بولىسۋ:

جاقىن كۇندەرى وبلىس ورتالىعىندا كوپسالالى ماڭعىستاۋ ارەنا سپورت كەشەنى ەل يگىلىگىنە تاپسىرىلادى. 2,5 گەكتار جەر اۋماعىن الىپ جاتقان زاماناۋي سپورت كەشەنىن سالۋعا 3 ملرد 300 ملن تەڭگە جۇمسالعان. نىسان «نكوك» كومپانيياسىنىڭ الەۋمەتتىك مىندەتتەمەلەرى باعدارلاماسى اياسىندا سالىنعان. عيماراتتى سالعان مەردىگەر كومپانييا «نۇرسات» جشس.

– بۇل سپورت كەشەنى قالاداعى ەڭ ساۋلەتتى عيماراتتاردىڭ قاتا­رىنا جاتادى. سپورت كەشەنىنىڭ قۇرىلىسى 2014 جىلدىڭ مامىر ايىندا باستالدى. بۇگىنگى كۇنى پايدالانۋعا بەرىلۋگە تولىقتاي دايىن. مۇندا وليمپيادالىق جانە ۇلتتىق سپورت تۇرلەرىنەن جاستاردى دايىندايتىن بولامىز. اتاپ ايتساق, قازاقشا كۇرەس, تو­عىزقۇمالاق, ەركىن كۇرەس, گرەك-ريم كۇرەسى, دزيۋدو, كوركەم گيمناستيكا, اەروبيكا, تاكەۆوندا, بوكس, كيك­بوكس, ۋ-شۋ, كاراتەدان سپورتشىلار جاتتىعا الادى. سپورت كەشەنىندە فيتنەسكە ارنالعان ارنايى جات­تىعۋ زالى, جەڭىل, اۋىر اتلەتي­كامەن اينالىسۋعا مۇمكىندىك بەرەتىن ترەناجەر زالى دا قا­راس­تىرىلعان. ار زالدا ەرلەر مەن ايەلدەرگە ارنالعان جۋىنۋ بولمەسى بار. ودان بولەك شاعىن فۋتبول, باسكەتبول, ۆولەيبول, ۇستەل تەن­نيسىن ويناۋعا دا بولادى. ارتۇرلى دەڭگەيدەگى چەمپيوناتتاردى وت­كىزۋگە ارنالعان ۇلكەن زالىمىز بار. عيماراتتىڭ ەكىنشى قاباتىندا اسحانا قاراستىرىلعان. سپورت سەكتسييالارى 7-18 جاس ارالىعىن­داعى بالالار ۇشىن تەگىن, ودان جو­عارى جاستاعىلارعا اقىلى بولادى. سپورت كەشەنى پايدالانۋعا بەرىل­گەن كەزدە مۇندا 110 ادام جۇمىس ىستەيدى, ونىڭ 50-ى – باپكەرلەر. بارلىعى دا جەرگىلىكتى ماماندار, – دەگەن ماڭعىستاۋ ارەنا كمم ديرەكتورى زەينۋللا وڭايباەۆ وبلىستاعى ەڭ ىرى سپورت كەشەنىندە كۇنىنە 1500 ادام جاتتىعا الاتى­نىن جەتكىزدى.
ۆەنەرا ميرلان,
ماڭعىستاۋ وبلىسى

بولىسۋ:

پىكىر جازۋ


*