اسكەر بولۋ – اربىر ازاماتتىڭ بورىشى

11577
7
بولىسۋ:

تاياۋ كۇندەرى جاسى 18-گە تولعان, جاۋىنگەر بولۋعا دەنساۋلىعى جارامدى جىگىتتەردى مەرزىمدىك اسكەري قىزمەتكە شاقىرا باستايدى. وتان الدىنداعى بورىشىن وتەۋگە باراتىن بولاشاق جاۋىنگەرلەردى اسكەري كوميسسارياتتار سالتاناتپەن شىعارىپ سالادى. 
وتكەن اپتادا مەملەكەت باسشىسى, باس قولباسشى «اسكەري قىزمەتتىڭ بەلگىلەنگەن مەرزىمىن وتكەرگەن مەرزىمدى اسكەري قىز­مەتتەگى اسكەري قىزمەتشىلەردى زاپاسقا شى­عارۋ جانە قازاقستان رەسپۋبلي­كا­سىنىڭ ازاماتتارىن 2017 جىلدىڭ ناۋرىز – ماۋ­سىمىندا جانە قىركۇيەك – جەل­توقسانىندا مەرزىمدى اسكەري قىزمەتكە كەزەكتى شاقىرۋ تۋرالى» № 449 جارلىققا قول قويدى. وسى جارلىققا سايكەس اسكەرگە شاقىرۋدى كەيىن­گە قالدىرۋعا نەمەسە ودان بوساتىلۋعا قۇقىعى جوق. ەندى 18 جاستان 27 جاسقا دەيىن­گى ەر ازاماتتار 2017 جىلدىڭ ناۋرىز – ماۋ­سىمىندا جانە قىركۇيەك – جەلتوقسا­نىن­دا قازاقستان رەسپۋبلي­كاسىنىڭ قا­رۋلى كۇشتەرىنە, قازاقستان رەسپۋبليكاسى­نىڭ ىشكى ىستەر مينيستر­لىگىنە, قازاقستان رەسپۋبليكاسىنىڭ ۇلت­تىق قاۋىپسىزدىك كوميتەتىنە, قازاقستان رەسپۋبليكاسىنىڭ مەملەكەتتىك كۇزەت قىز­مەتىنە مەرزىمدى اس­كەري قىزمەتكە شاقىرىلاتىن بولادى.
بيىلعى كوكتەمدە مەرزىمدى اسكەري قىزمەتكە 1990-1999 جىلى تۋعان ازاماتتار اسكەر قاتارىنا شاقىرىلادى. قازاقستان قارۋلى كۇشتەرىنە اسكەري قىزمەتكە شاقىرىلۋعا جاتاتىن بارلىق ازامات شاقىرۋ قاعازىندا كورسەتىلگەن قۇجات­تارمەن جەرگىلىكتى اسكەري باسقارۋ ورگاندارىنا بارادى. 2017 جىلدىڭ كوك­تەمگى مەرزىمدى اسكەري قىزمەتكە كەيىنگە شاقىرىلۋعا نەمەسە شاقىرىلۋدان بو­ساتىلۋعا قۇقىعى جوق ازاماتتار, 18 بەن 27 جاس ارالىعىنداعى جاستار, سونداي-اق وقۋ ورىندارىنان شىعارىلعان, جاسى 27-گە تولماعان جانە شاقىرۋ بويىنشا اسكەري قىزمەتتىڭ بەلگىلەنگەن مەرزىمىن وتكەر­مەگەن ازاماتتار جاۋىنگەر قاتارىنا شا­قىرىلۋعا جاتادى.
– الماتى قالاسىنان كوكتەمگى مەر­زىمدى اسكەري قىزمەتكە 1000 مىڭعا جۋىق سارباز اسكەرگە اتتانادى. ساربازدار اي­ماق­تىق بولىك بويىنشا الماتى قالا­سىنان تىس­قارى جەرلەردە سولتۇستىك, باتىس, شىعىس وڭىرلەرىندە اسكەري قىز­مەتىن وتكەرەدى. ولار قارۋلى كۇشتەرىنىڭ قاتارىنا, قر مەملەكەتتىك كۇزەت قىز­مەتىنە, قر ىشكى ىستەر مينيسترلىگىنىڭ ۇلتتىق ۇلان جانە قر ۇلتتىق قاۋىپسىزدىك كوميتەتىنىڭ شەكارا قىزمەتىنە جىبە­رى­لەدى. اسكەرگە شاقىرۋ­شىلارعا قويىلاتىن تالاپتاردىڭ بىرى – جوعارى جانە ارنايى ورتا بىلىم. ماسەلەن, مەملەكەتتىك كۇزەت قىزمەتىنە بويى 180 سانتيمەتر جانە ودان جوعارى ازاماتتار الىنادى, اسكەري بو­رىش­تى وتەپ بولعاننان كەيىن سول جەردە كە­لىسىمشارت بويىنشا ارى قاراي اسكەري قىزمەت اتقارا الادى. اسكەرگە شاقىرى­لۋشىلاردىڭ دەنساۋلىق جاي-كۇيى جىل­دان-جىلعا جاقسارىپ كەلەدى. سالاۋات­تى ومىر سالتىن ۇستاناتىن جاستاردىڭ كو­بەيىپ كەلە جاتىر, – دەيدى الماتى قالاسى قورعانىس ىستەرى جونىندەگى دەپارتامەنت باستىعىنىڭ ورىنباسارى, پولكوۆنيك فارحاد قۇرمانعاجينوۆ.
قارۋلى كۇشتەر قاتارىنا اسكەرگە شاقىرىلۋشىلار زاڭعا سايكەس, مىندەتتى تۇردە مەديتسينالىق كۋالاندىرۋدان وتەدى. مەديتسينالىق كۋالاندىرۋ ناتيجەلەرى بويىنشا اسكەري-دارىگەرلىك كوميسسييا اربىر بولاشاق سارباز جونىندە شەشىم شىعارادى. دارىگەر ماماندار مىناداي بەلگىلەر بويىنشا ازاماتتاردىڭ جارام­دىلىق ساناتتارى تۋرالى قورىتىندىنى شىعارادى:
«ا» – اسكەري قىزمەتكە جارامدى;
«ب» – كىشىگىرىم شەكتەۋلەرمەن اسكەري قىزمەتكە جارامدى;
«ۆ» – اسكەري قىزمەتكە شەكتەۋلى جا­رامدى;
«گ» – اسكەري قىزمەتكە ۋاقىتشا جا­رام­سىز;
«د» – بەيبىت ۋاقىتتا اسكەري قىزمەتكە جارامسىز, سوعىس ۋاقىتىندا شەكتەۋلى جارامدى;
«ە» – اسكەري ەسەپتەن باسقا اسكەري قىز­مەتكە جارامدى ەمەس. (27 جاستان اسقاندار).
مەديتسينالىق كۋالاندىرۋ ناتيجەلەرى بويىنشا اسكەرگە شاقىرىلۋشىلارعا قاتىستى مىناداي شەشىمدەردىڭ بىرىن قا­بىل­دانادى:
1) اسكەري قىزمەتكە شاقىرىلۋعا جا­تادى;
2) اسكەري قىزمەتكە شاقىرۋدى كەيىنگە قالدىرۋ.
جاسى 18 بەن 27 ارالىعىنداعى جىگىتتەردى مەرزىمدىك اسكەري قىزمەتكە شا­قىرۋ تەك وتباسى جاعدايلارىنا بايلا­نىس­تى, جوعا­رى وقۋ ورىندارىندا بىلىم الۋدى جالعاستىرۋ جانە دەنساۋلىق جاعدايى بويىنشا كەيىنگە قالدىرىلۋى مۇمكىن.

سونىمەن قاتار باسقا دا سەبەپتەر بويىنشا سونىڭ ىشىندە وتباسى جاعداي­لارى بويىنشا – باسقا ادامنىڭ كومەگiنە مۇقتاج نەمەسە تولىق مەم­لەكەتتiك قامسىزداندىرۋعا الىنباعان وتباسى مۇشەلەرiن كۇتۋمەن اينالىساتىن, سونداي-اق جاقىن تۋىستارى نەمەسە باسقا دا ادامدار بولماعان كەزدە وتباسى مۇشەلەرىن اسىراۋعا مiندەتتى ازاماتتارعا جەڭىلدىكتەر بەرىلەدى. ونداي ازاماتتارعا اسكەرگە شاقىرۋدى ۋاقىتشا كەيىنگە قالدىرۋ ۇسىنىلادى.
الماتى قالاسى قورعانىس ىستەرى جونىندەگى دەپارتامەنتى باسپاسوز قىزمەتىنىڭ باسشىسى, مايور كريستينا نوۆيكوۆانىڭ ايتۋىنشا, باسقا ادامنىڭ كومەگiنە, كۇتىمىنە مۇقتاج وتباسى مۇشەلەرi: اكەسi, اناسى, ايەلi بولسا, سونداي-اق اسكەرگە شاقىرىلۋشىنىڭ اتا-اناسى بولماعان جاعدايدا, زەينەتكەر جاسىنا تولعان نەمەسە بiرiنشi نەمەسە ەكiنشi توپتاعى مۇگەدەكتەر بولىپ تابىلاتىن اتاسى مەن اجەسi, ەگەر ولار ونىڭ اسىراۋىندا بولسا; اتا-اناسى بولماعان جاعدايدا, بiرiنشi نەمەسە ەكiنشi توپتاعى مۇگەدەكتەر بولىپ تابىلاتىن نەمەسە ون سەگىز جاسقا تولماعان اعا-ىنىلەرi, اپا-سىڭلىلەرى اسكەرگە شا­قىرىلۋشىدان باسقا بiرىنشi نەمەسە ەكiنشi توپتاعى مۇگەدەكتەر بولىپ تابىلاتىن نەمەسە ون سەگiز جاسقا تولماعان بiر جانە ودان دا كوپ بالالارى بار جانە ولاردى كۇيەۋسiز (ايەلسiز) تاربيەلەپ وتىرعان اناسى (اكەسi); وزىنىڭ اسىراۋىندا جاسى بويىنشا ەڭبەككە قابiلەتسiز نەمەسە ى نەمەسە ىى توپتاعى مۇگەدەكتەر بولىپ تابىلاتىن 1 جانە ودان دا كوپ جالعىزiلiكتi تۋىستارى (اكەسi, اناسى, اعا-ىنىلەرi, اپا-قارىنداستارى) بار جانە ولاردى كۇيەۋسiز (ايەلسiز) اسىراپ وتىرعان اناسى (اكەسi); ى نەمەسە ىى توپتاعى مۇگەدەك بولىپ تابىلاتىن, ەكىنشiسiن وزi اسىرايتىن جانە اسكەرگە شاقىرىلۋشىدان باسقا 18 جاسقا دەيىنگى بiر جانە ودان دا كوپ بالا تاربيەلەپ وتىرعان اتا-اناسىنىڭ بiرi; وزiنiڭ اسىراۋىندا اناسىز تاربيەلەپ وتىرعان بالاسى (بالالارى); 1 جانە ودان دا ارتىق بالالارى بار نەكەدە تۇراتىن ازاماتتارعا اسكەرگە شاقىرۋ كەزىندە جاعدايىنا قاراپ, جەڭىلدىك جاسالادى.
ەكىنشى ماسەلە, بىلىم بەرۋ ورىن­دارىندا وقىپ جاتقان كەزدە اسكەرگە شاقىرۋ مەرزىمىن كەيىنگە قالدىرۋ – بىلىم بەرۋ ورىندارىندا جالپى ورتا بىلىم الاتىن ازاماتتارعا; تيiستi بىلىم بەرۋ ورىندارىندا كۇندiزگى وقۋ نىسانى بويىنشا تەحنيكالىق جانە كاسىپتىك, ورتا بىلىمنەن كەيىنگى نەمەسە جوعارى بىلىم بەرۋ ورىندارىندا بىلىم الىپ جۇرگەن ازاماتتارعا ناقتى قاي جەردە وقيتىنىن راستايتىن قۇجاتتاردى ۇسىنعان كەزدە; جوعارى وقۋ ورنىنان كەيiنگى كاسiبي بىلىم الىپ جۇرگەن ازاماتتارعا; بىلىمىن جالعاستىرۋ سەبەبى بويىنشا كەيىنگە قالدىرىلعان ازاماتتار, بىلىم الۋ كەزىندە اسكەرگە شاقىرۋ كەيىنگە قالدىرىلادى.
ەندى اسكەري-دارىگەرلىك كوميسسييانىڭ ۇسىنىسىمەن كەيبىر ازاماتتاردىڭ دەن­ساۋلىق جاعدايى بويىنشا شاقىرۋ مەرزىمى كەيىنگە شەگەرىلۋى مۇمكىن, ونداي جاعدايدا شاقىرۋ كوميسسيياسىنىڭ شەشىمىمەن 1 جىلعا دەيىنگى مەرزىمگە اس­كەر قاتارىنا شاقىرۋ كەيىنگە قال­دىرىلادى.
اسكەري قىزمەتكە شاقىرۋدى كەيىنگە قالدىرۋدىڭ تاعى دا باسقا بىرقاتار سەبەپتەرى بار. مىسالى بىلiم بەرۋ ورىندارىنىڭ ورتا بىلىم العاننان كەيىنگى نەمەسە جوعارى پەداگوگتىك بىلiمi بار جانە اۋىلدىق جەرلەردە ورنالاسقان بىلىم وشاقتارىندا ماماندىعى بويىنشا جۇمىس iستەيتiن وقىتۋشىلارعا, مەدي­تسينالىق ارنايى بiلiمi بار, ماماندىعى بويىنشا اۋىلدىق جەرلەردە تۇراقتى جۇمىس iستەيتiن دارiگەرلەرگە, قازاقستان رەسپۋبليكاسى پارلامەنتiنiڭ نەمەسە جەرگiلiكتi ماسليحاتتاردىڭ دەپۋتات­تا­رىنا, الدىن الا تەرگەۋ پروتسەستەرى نەمەسە قىلمىستىق ىستەر قوزعالعان ادامدارعا, تيىستى بىلىمى بار كەمە ەكيپاجدارىنىڭ مۇشەلەرىنە اسكەرگە شاقىرۋ مەرزىمى كەيىنگە قالدىرىلۋى مۇمكىن. بۇل جاع­دايدا اسكەرگە شاقىرۋ مەرزىمىن كەيىنگە قالدىرۋ جۇمىستىڭ بارلىق كەزەڭىنە بەرىلەدى, ال قىلمىستىق ىس جاعدايىندا – سوت شەشىمى بويىنشا تەرگەۋ اياقتالعانعا دەيىن ۇزارتىلادى.
فارحاد قۇرمانعاجينوۆتىڭ ايتۋىن­شا, مەرزىمدىك اسكەري قىزمەتكە بيىلعى جىلى كوكتەمگى شاقىرىلىم بويىنشا قارۋلى كۇشتەر قاتارىنا – 400-دەن استام, ۇلتتىق قاۋىپسىزدىك كوميتەتىنىڭ شەكارا قىزمەتىنە – 250-دەن استام, مەملەكەتتىك كۇزەت قىزمەتىنە – 25 ادام, ىشكى ىستەر مينيسترلىگىنىڭ ۇلتتىق ۇلانىنا – 300-گە جۋىق ازامات قىزمەت ەتۋگە بارادى. كەز كەلگەن ازامات كەز كەلگەن ۋاقىتتا وتان قورعاۋعا قابىلەتتى وز ەلىنىڭ پاتريوتى بولۋى تيىس. سوندىقتان وتان الدىنداعى بورىشتى وتەۋ ار ازامات وز پارىزىم دەپ تۇسىنگەنى جون.

 

قايىرجان تورەجان

 

بولىسۋ:

7 پىكىر جازىلعان

  1. قر ازاماتى 2 ساۋىر, 2017 at 20:55 جاۋاپ

    قازىرگى تاڭدا قازاق ارميياسى كۇشتى بولۋ ۇشىن قازاقستاندىقتاردىڭ كۇش سالۋ كەرەك. ارمييا – ازاماتتى شىڭدايدى. ايبىندى اسكەرىمىز مىقتى بولسىن!

  2. شالقار 26 قازان, 2017 at 15:23 جاۋاپ

    سالەمەتسىزدەرمە مەن اسكەرگە 1 ايعا بارىپ كەلگىم كەلەدى جانە وتان الدىنداعى بورىشىمدى وتەگىم كەلەدى ويتكەنى ماعان تەز ارادا اسكەري بيلەت قاجەت جاسىم 26 دا ونسىز جۇمىسقا قابىلداماي جاتىر دەنساۋلىعىم بار بويىم بار جانە اتا-انامنىڭ قامقورلىعىنسىز كالعام وزىم تىل جەتىم وسكەنمىن جانە كومەكتەسۋلەرىڭىزدى سۇرايمىن!

  3. دۋيسەنكۋل 24 مامىر, 2018 at 21:24 جاۋاپ

    بالالارىمىز əسكەردەن نەگە ولىپ كەلىپ جاتىر?? جاۋاپ بەرەتىن ادام بارما وسىعان?

  4. دۋيسەنكۋل 24 مامىر, 2018 at 21:29 جاۋاپ

    Əسكەردە تəرتىپتى قاشان ورناتادى. بالالارىمىز دىڭ ولمەي تىرى كەلەتىنىنە كىم كەپىلدىك بەرەدى. كىمگە بارىپ سۇرايمىز مۇنى. جاۋاپ بەرىڭدەرشى.

  5. امانات 11 قاراشا, 2018 at 20:13 جاۋاپ

    مەن ابيلوۆ امانات جاسىم 18جاستامىن نەگە ارميياگا شاكىرماي جىتىر سونى بيليندەپ ەديم

پىكىر جازۋ


*