سان الۋان ماسەلەلەر سارالاندى

1594
0
بولىسۋ:

نۇرلان نىعماتۋليننىڭ توراعالىعىمەن وتكەن ماجىلىستىڭ جالپى وتىرىسىندا پارلامەنتارييلەر بىرقاتار دەپۋتاتتىق ساۋال جولدادى. 

«نۇر وتان» فراكتسيياسىنىڭ مۇشەسى ك.مۇسىرمان پرەمەر-مينيستر ب.سا­عىنتاەۆقا جۇگىنىپ, جاۋاپتى مي­نيسترلىكتەرگە, وڭىر اكىمدىكتەرىنە بىرقاتار قوعامدىق-ساياسي شارالاردى وتكىزۋ تۋرالى تاپسىرما بەرۋدى ۇسىندى. ونىڭ ىشىندە بيىل حح عاسىردىڭ
30-40 جىلدارىنداعى جاپپاي ساياسي قۋعىن-سۇرگىننىڭ باستالعانىنا 80 جىل تولۋىنا ارنالعان عىلىمي-پراكتيكالىق كونفەرەنتسييالار ۇيىمداستىرۋ, بىلىم بەرۋ مەكەمەلەرىندە اشارشىلىق جانە جاپپاي ساياسي قۋعىن-سۇرگىننەن زارداپ شەككەن ادامدارمەن كەزدەسۋلەر جانە اشىق ساباقتار وتكىزۋ, جاپپاي ساياسي قۋعىن-سۇرگىن قۇرباندارىنىڭ ەسىمدەرىن ماڭگى ەستە قالدىرۋعا بايلانىستى ونوماس­تيكالىق جۇمىستى جانداندىرۋ جانە ولارعا ارنالعان مەموريالدار مەن ەسكەرت­كىشتەر ورناتۋ جۇمىستارىن جالعاستىرۋ جانە باسقا ۇسىنىستار بار.
«نۇروتاندىق» دەپۋتات ا.سماعۇلوۆ تا ۇكىمەت جەتەكشىسىنە قايىرىلىپ, سارىاعاش, اباي, قىزىلاسكەر ەلدى­مەكەندەرىنىڭ ماڭىندا جول قاتىناسىن رەتتەۋ ماسەلەسىن كوتەردى. «قازىرگى تاڭدا ماقتاارال, سارىاعاش جانە شاردارا اۋداندارىنىڭ 700 مىڭنان استام 12 ەلدىمەكەن تۇرعىندارى «جىزاق – جەتىساي – سارىاعاش – جىبەك جولى» اۆتوجولى ارقىلى قاتىنايدى» دەگەن دەپۋتات وسىعان بايلانىستى «ۇزىندىعى 56 شاقىرىم بولاتىن اينالما جول سالۋ جانە كۇنىنە 120 جۇك كولىگى وتەتىن قونىسباەۆ كەدەندىك بەكەتىنە دەيىنگى 68 كم جولدى جاڭارتۋ قاجەتتىگى تۋىنداعانىن» ايتادى. اينالما جولدىڭ تەحنيكالىق-ەكونوميكالىق نەگىزدەمەسىن وبلىستىق بيۋدجەت ەسەبىنەن دايىنداۋعا ازىر ەكەندىگى تۋرالى وقو اكىمدىگى ۇكىمەت باسشىسىنا 2017 جىلعى 2 اقپاندا حات جولداپتى. الايدا «ماسەلە الى شەشىلمەي وتىر».
«نۇر وتان» فراكتسيياسىنىڭ دەپۋتاتى گ.ششەگەلسكيي اقپارات جانە كوم­مۋنيكاتسييالار مينيسترى د.اباەۆقا دەپۋتاتتىق ساۋال جولداپ, «باتىس ەۋروپا – باتىس قىتاي» جولى بويىن ينتەرنەت پەن ۇيالى بايلانىسپەن قامتۋدى ۇسىندى. «قازاۆتوجول» ۇلتتىق كومپانيياسى «نۇر وتان» فراكتسيياسى كوميسسيياسى مۇشە­لەرىنە ۇسىنعان اقپاراتقا سايكەس, «باتىس ەۋروپا – باتىس قىتاي» حالىقارالىق دالىزىنىڭ 390 شاقىرىمى, اتاپ ايتقاندا, الماتى وبلىسىندا شەلەكتەن كوكتالعا دەيىن – 160 شاقىرىم, جامبىل وبلىسىندا قورداي تاۋ اسۋىندا – 70 شاقىرىم جانە اقتوبە مەن قىزىلوردا وبلىستارى اراسىندا ىرعىز-سەكسەۋىل تەلىمى ارالىعىندا 160 شاقىرىم ينتەرنەتپەن جانە ۇيالى بايلانىسپەن قامتىلماعان. بۇل جولداعى قانداي دا بىر بايلانىستىڭ بولماۋى, اسىرەسە, قىستا قولايسىز سالدارلارعا سوقتىرۋى مۇمكىن» دەدى دەپۋتات.
«نۇر وتان» فراكتسيياسىنىڭ وكىلى, دەپۋتات ب.مامراەۆ فارماتسەۆتيكالىق سالا ماسەلەلەرىنە پرەمەر ب.ساعىن­تاەۆتىڭ نازارىن اۋداردى. «مامانداردىڭ باعالاۋىنشا, رەسپۋبليكامىزدا فار­م­وندىرىسكە 50-دەن استام جاڭا پرەپاراتتى ەندىرۋدىڭ عىلىمي الەۋەتى بار. ىرى فارمكوم­پانييالارعا جاڭا وتاندىق دارىلەردى وندىرۋ تەحنولوگييالارىن ەندىرۋ جاڭا تەحنولوگييانى بەيىمدەۋ, وندىرىستىك رەجيمدەردى وڭتايلاندىرۋ, ۆاليداتسييالىق جانە بىلىكتىلىك شارالارى بويىنشا ەلەۋلى قارجىلىق شىعىندار كەسىرىنەن بوگەلەدى» دەدى ول.
ەلدوس سەنباي

بولىسۋ:

پىكىر جازۋ


*