نۇر سەبەلە, ۇلىستىڭ ۇلى كۇنى!

1908
0
بولىسۋ:

بىرنەشە كۇن قاتارىنان بۇلتتانىپ, قىستىڭ الى قايتا قويماعان ىزعارى سەزىلىپ تۇرعان ەدى, كۇن مەن تۇن تەڭەسەتىن قاسيەتتى ناۋرىز كەلگەن ۇلىستىڭ ۇلى كۇنى تالدىقورعاننىڭ اسپانى شايداي اشىلىپ, اينالا نۇرلانىپ سالا بەردى. وبلىس ورتالىعىنداعى سالتاناتى كەلىسكەن ساۋلەتتى نىساندار: سپورت سارايى, وقۋشىلار سارايى, جاستارعا قىزمەت كورسەتۋ ورتالىعى, جۋرناليستەر ۇيى سىندى رۋحانييات وردالارى ورنالاسقان قوناەۆ كوشەسىنىڭ اتشاپتىرىم بولىگىنىڭ بويىنا قونىستانعان اقشاڭقان كيىز ۇيلى قالاشىقتىڭ كوركى مەن بەرەكەسى دە الىستان كوز تارتادى.

تالدىقورعان قالاسىنداعى از ناۋرىز مەيرامى شاھار ماڭىن­داعى ورماندى القاپتاعى باستاۋدا «بۇلاق كوزىن اشۋ» راسىمىمەن باس­تالىپ, نەگىزگى شارالار «جاستار» ساياباعىنىڭ ىشى مەن ساياباقتى جاناي وتەتىن قوناەۆ كوشەسى بويىنا ارنايى تىگىلگەن كيىز ۇيلى قالاشىقتا جالعاستى.
«نۇر سەبەلە, ۇلىستىڭ ۇلى كۇنى» دەگەن شىرايلى دا شۋاقتى اتاۋمەن كوپشىلىكتى وزىنە تارتقان مەرەكەلىك شاراعا جينالعان قالا تۇرعىندارى مەن قوناقتارى دا ەسەپ بولمادى. تويشىل قاۋىم وبلىس­تىق مەكەمە, ۇيىمدار تىككەن كيىز ۇيلەر الدىنا قويىلعان تۇرلى كورمەلەردى تاماشالادى. اتاپ ايت­قاندا, حالىق داستۇرلەرى, قولونەر جانە قىلقالام شەبەرلەرىنىڭ «شە­بەرلەر اۋىلى», بالالار كور­كەمونەر مەكتەبى تاربيەلەنۋشىلەرى تۋىندىلارى, قازاقستان حالقى اسسامبلەياسىنىڭ ۇلتتىق مادەني ورتالىقتارىنىڭ «دوستىق الاڭى», سول سيياقتى كاسىپورىندار مەن شا­عىن جانە ورتا بيزنەس نىسان­دا­رىنىڭ «قازاقستاندا جاسالعان» كورمەسى جۇرتشىلىق نازارىنا ۇسىنىلدى. سونداي-اق ۇلتتىق سپورت­تىق ويىنداردان ۇيىمداس­تىرىلعان سايىستار دا كورەرمەن تالعامىنان شىقتى.

وبلىس اكىمى اماندىق باتالوۆ اق وردالار الدىندا وت­كى­زىل­گەن ۇلتتىق سالت-داستۇرلەر راسىمىنە قاتىسىپ, بىرنەشە بالدىرعاننىڭ تۇساۋىن كەستى.
«جاستار» ساياباعىنداعى ماز­مۇن­دىلىعىمەن ەرىكسىز باۋراي­تىن كور­مەلەرمەن تانىسقان وبلىس باسشىسى دالالىق ۇلكەن ساحناعا شى­عىپ, كوپشىلىكتى ناۋرىز مەرە­كەسىمەن قۇت­تىق­تادى.
– ۇلىستىڭ ۇلى كۇنى شىعىس كۇنتىزبەسى بويىنشا جاڭا جىل سانالۋىمەن قاتار, ەجەلدەن جاڭارۋ مەن جاڭعىرۋدىڭ, بەرەكە مەن مولشىلىقتىڭ باستى بەلگىسى رەتىندە قالىپتاسقان. تامىرى تەرەڭنەن نار العان وسىناۋ جالپى­حالىقتىق قۇندىلىقتار بۇگىنگى كۇنى مەملەكەت باسشىسى نۇرسۇلتان نازارباەۆتىڭ باسشى­لى­عىمەن ەلىمىزدىڭ دامۋى­نا مىقتى ىرگەتاس بولىپ وتىر.
بىزدىڭ بۇگىنگى باستى ماقسا­تىمىز – پرەزيدەنت الدى­مىز­عا قويعان تاپسىرمالاردى, «قازاق­ستاننىڭ ۇشىنشى جاڭعى­رۋى: جاھاندىق باسەكەگە قابىلەت­تىلىك» اتتى جولدا­ۋىن­داعى جۇك­تەگەن مىندەتتەردى جۇ­زەگە اسى­رۋ. بۇل ورايداعى ماقسات­تارىمىز­عا وب­لىس تۇرعىندا­رىمەن بىرگە جۇمىلا جۇمىس ىستەۋدىڭ ارقا­سىندا جەتەتىنىمىزگە سەنىمدىمىن.
ناۋرىز مەرەكەسىندە اق داستار­قان دامگە تولىپ, ۇلكەندەر «ۇلىس وڭ بولسىن, اق مول بولسىن, بالە-جالا جەرگە ەنسىن!» دەپ اق باتا بەرگەن. وسىنداي شىنايى تىلەك, ىزگى لەبىزدەن اسقان جاقسى سوز بار ما?! سون­دىق­تان بارشا­ڭىزعا مىقتى دەنساۋلىق, بەيبىت ومىر مەن مولشىلىق تىلەيمىن! – دەگەن وبلىس باسشىسى مەملەكەت قولداۋىنىڭ ارقاسىندا الماتى وبلىسى تۇرعىن­دارىنىڭ ال-اۋقاتى ارتىپ, الەۋ­مەتتىك-ەكو­نوميكالىق جاعدايى ىلگەرىلىپ كەلە جاتقان­دىعىن, كۇنى كەشە عانا وبلىستىڭ ەكى ميل­ليو­نىنشى تۇرعىنىنىڭ دۇنيەگە كەل­گەنىن ايرىقشا اتاپ وتتى.
بۇدان سوڭ «انا تىلى ارۋى» باي­قا­ۋىنىڭ جەڭىمپازدارىن مارا­پات­تادى. مەرەكە مازمۇندى كونتسەرت­پەن جالعاستى.
بولات اباعان,
الماتى وبلىسى

بولىسۋ:

پىكىر جازۋ


*