پرەزيدەنت از ناۋرىزدى ەلمەن بىرگە اتاپ وتتى

1455
0
بولىسۋ:

اي مەن كۇندەي, الەمگە بىردەي ادامزاتتىڭ ورتاق قازىناسىنا اينالعان, ۇلى وركەنيەتىمىزدەن تامىر تارتقان ۇلىستىڭ ۇلى كۇنىن ەلباسى نۇرسۇلتان نازارباەۆ ادەتتەگىدەي, جۇرتشىلىقپەن بىرگە قارسى الدى. 21 ناۋرىز كۇنى ەل پرەزيدەنتى الدىمەن استاناداعى «سارىارقا» ۆەلوترەگىندە وتكەن ناۋرىز مەيرامىنا ارنالعان مەرەكەلىك ىس-شاراعا قاتىستى.

مەملەكەت باسشىسى بارلىق قازاق­ستاندىقتاردى ناۋرىز مەيرامىمەن قۇت­تىقتادى. قازاقستان پرەزيدەنتى مىڭ­جىل­دىق تاريحى بار ناۋرىز ەلدىڭ ەڭ جاقسى كورەتىن جانە اسىعا كۇتەتىن مەي­رامى ەكە­نىن ايتتى. سونىمەن بىرگە, نۇرسۇلتان نازارباەۆ ناۋرىز سەنىم­نىڭ, دوستىق پەن باۋىرلاستىقتىڭ, ەل تۇراق­تىلىعىنىڭ نىشانى ەكەنىنە نازار اۋ­داردى.
– بيىل بىز ناۋرىزدى ەرەكشە كوڭىل كۇيمەن قارسى الىپ وتىرمىز. قا­زاقستان ەلەۋلى جاڭارۋ باعىتىنا بەت بۇردى. ۇشىن­شى جاڭعىرۋ باعدارلاما­سىن جا­رييالادىم. ونىڭ اياسىندا ساياسي جانە ەكونوميكالىق جۇيەنى رەفور­مالاۋ كوز­دەلگەن. بىز كونس­تيتۋتسيياعا مەملەكەتتىك باسقارۋدى جەتىلدىرە تۇسەتىن ماڭىزدى تۇزەتۋلەر ەنگىزدىك. تاۋەل­سىزدىگىمىزدىڭ كەپىلدىكتەرى نى­عايتىلىپ, بىرلىك پەن تاتۋلىق بەكەم بولا تۇسەدى. بۇل بولا­شاققا سەنىممەن قاراۋعا, قازىرگى الەم­نىڭ دامۋى جولىن­داعى سىن-قاتەرلەردى ەڭسەرۋگە مۇم­كىندىك بەرەدى. قازاقستان­داعى بارلىق وزگەرىستەردىڭ بىر عانا ماقساتى بار. ول – ار ۇيدە, ار وتباسىندا, ار شاڭىراقتا مولشىلىق پەن تۇراق­تىلىقتىڭ بولۋى. ار ازامات وز ەلى ۇشىن الاڭسىز ەڭبەك ەتىپ, بالالارىن وسىرىپ, جاڭا كۇندى قۋانىشپەن قارسى الاتىنداي بولۋعا تيىس. بۇعان ەڭبەك ەتۋ ارقىلى قول جەت­كىزىلەدى, وعان مەملەكەت مۇمكىندىك بە­رىپ وتىر, – دەدى ن.نازارباەۆ.
قازاقستان پرەزيدەنتى بۇكىل الەم بويىن­شا جاڭارۋ نىشانىنا جول اشىپ, ادامداردىڭ وزارا ىنتىماعىن جانە تا­بيعاتپەن تۇتاستىعىن كورسە­تەتىن «كوك­تەمگى كۇن مەن تۇننىڭ تەڭەلەر شاعىنىڭ» اي­رىقشا ماڭىزدىلىعىن اتاپ وتتى.
– بۇل كۇندەر حالىقتى قۋانىشقا بولەيدى. بۇل عاجايىپ شاقتا اسپاننان التىن كۇننەن نۇر توگىلەدى, جەرگە التىن دان سەبىلەدى. ەل-جۇرتتىڭ كوڭى­لىندە جاڭا ۇمىت پايدا بولىپ, ەرتەڭگى كۇنگە سەنىم نىعايادى. حالقىمىز ناۋ­رىزدى «ۇلىس­تىڭ ۇلى كۇنى» دەپ اتاعان. شىنىن ايت­قاندا, ناۋرىز – قازاقتىڭ «جاڭا جىلى» بولىپ ەسەپتەلۋى كەرەك. مىڭجىل­دىقتاردان بەرى وزگەرمەي كەلە جاتقان زاڭدىلىق وسى! بۇل مەرەكە ۇلت پەن دىن تالعامايدى. بارشا قازاق­ستاندىقتارعا ورتاق مەيرام. بۇل بىزدىڭ مىزعىماس بىر­لىگىمىز بەن ىرىستى ىنتى­ماعىمىزدى كورسەتەدى. مەرەكە كۇندەرى جۇرت بىر-بىرىنە قوناققا بارىپ, بۇرىنعى وكپە-رەنىشتەرىن كەشىرىسەدى, بىر-بىرىنە يگىلىك پەن باق-بەرەكە تىلەيدى. ناۋ­رىز مەيىرىمدىلىك پەن وزارا كومەك سيياقتى ماڭگىلىك قۇن­دىلىقتاردى ەسكە سالىپ تۇ­رادى. وسى كەرەمەت كۇندە جاقسى تىلەكتە بولايىق, اعايىن! – دەدى نۇرسۇلتان نازارباەۆ.
سوزىن تۇيىندەي كەلە, قازاقستان كوش­باسشىسى حالقىمىزدى كيەلى تاۋەلسىز­دى­گىمىزدەن باستاۋ الاتىن بارشا قۇندى­لىقتارىمىزدى بەكىتە تۇسۋگە شاقىردى.
ەلدىگىمىز سىنعا تۇسىپ, تارازىعا سا­لىن­عان قازىرگى كۇردەلى زاماندا سو­عىس­تان اۋلاق قىلىپ, امان ساقتاعان بەرە­كە-بىرلىگىمىزدى ەش ۋاقىتتا جو­عالت­­پايىق! بىرگە بولايىق. ەلىمىز جاڭا بەلەسكە كوتەرىلۋى ۇشىن, ۇشىنشى جاڭعى­رۋدى ورىنداۋ ۇشىن بارلىعىمىز بىر ادامداي جۇمىس ىستەيىك. بارىمىز بىراۋىز­­­دى بو­لىپ, وسىنىڭ تىلەۋىن تىلەيىك, – دەپ قو­رىتتى سوزىن پرەزي­دەنت.
سوڭىندا مەملەكەت باسشىسى جۇرتشى­لىقتى ناۋرىز مەيرامىمەن تاعى دا قۇت­تىقتاپ, باقىت پەن جاقسى­لىق تىلەپ, ەلدىڭ وسىپ-وركەندەۋىنە نيەتتەستىك بىلدىردى.
مەرەكەلىك شارا ەسترادا جۇلدىزدا­رىنىڭ كوكتەم مەيرامىنا ارناعان گالا-كونتسەرتىنە ۇلاستى.
وسىدان كەيىن ەلباسى «حان شاتىر» ويىن-ساۋىق ورتالىعى جانىنداعى الاڭدا قانات جايعان ەتنواۋىلعا بارىپ, ەلمەن بىرگە «قوش كەلدىڭ, از ناۋرىز!» مەرەكەلىك قويى­لىمىن تا­ماشالادى. جينالعان جۇرتشىلىقپەن ەمەن-جارقىن اڭگىمەلەستى, ان تىڭدادى, مىڭ بۇرالعان بيشىلەردىڭ ونەرى مەن بالۋاندار كۇرەسىن قىزىقتادى, ۇلتتىق قولونەر بۇيىمدارى قويىلعان جار­مەڭكەنى ارالادى.
جالپى, ناۋرىز مەيرامىنا وراي استانانىڭ ار جەرىندە ۇش كۇن بويى قالا تۇرعىندارى مەن قوناقتارىنا سان الۋان مەرەكەلىك باعدارلاما ۇسىنىلدى. ەلور­دانىڭ ۇش اۋدانىندا قازاقستان­دىق تانى­مال ەسترادا جۇلدىزدارى جانە فول­كلورلىق توپتار ونەر كور­سەتتى. ىرى ساۋدا, ويىن-ساۋىق ورتا­لىق­تارىندا شوۋ-باع­دارلامالار, كون­تسەرتتەر وتكىزىلىپ, كەلۋ­شىلەرگە باۋىر­­ساق پەن ناۋرىزكوجە ۇسى­نىلدى. سپورتتىق نىسانداردا ۇلتتىق سپورت­تىڭ بارلىق تۇرىنەن جارىس ۇيىم­داس­تىرىلدى. وعان اكروباتتار, ارتيستەر جانە كورەرمەندەر قاتىستى.
ەلدوس سەنباي

بولىسۋ:

پىكىر جازۋ


*