Мемлекет басшысы журналистермен жүздесті

Қазақстан Президенті Нұрсұлтан Назарбаев республикалық бұқаралық ақпарат құралдары өкілдерімен кездесті. Әңгіме барысында Мемлекет басшысы қазіргі күн тәртібіндегі мейлінше өзекті сауалдарға жауап берді.

Кездесуге қатысушылар «Қазақ­станның үшінші жаңғыруы: Жаһандық бәсекеге қабілеттілік» атты жолдауды іске асыру аясында ел экономикасын трансформациялау үдерісінің бірқатар аспектілерін, сыбайлас жемқорлыққа қарсы күрес мәселелерін, қазіргі саяси жаңғыру кезеңінің ерекшеліктерін, БҰҰ Қауіпсіздік кеңесінің тұрақты емес мүшесі ретіндегі Қазақстанның сыртқы саяси басымдықтарын, сон­дай-ақ басқа да маңызды жайттарды талқылады.
Кездесуге елімізге танымал журна­листер – «Айқын» газетінің директор – бас редакторы Нұртөре Жүсіп, «Қаз­Ақпарат» халықаралық ақпарат агент­тігінің бас директоры Әсел Төлегенова, «Қазақстан» ұлттық телеарнасының «Айтуға оңай» әлеуметтік ток-шоу жүргізушісі Бейсен Құранбек, «Хабар» телеарнасының «По сути» бағдарла­масының жүргізушісі Айгүл Әділова, «МИР» телеарнасының­ коррес­пон­денті Виталий Попов, Еsquire.kz сай­тының шеф-редакторы Гүлнар Баж­кенова қатысты.