قاۋلىعا قول قويدى

1655
0
بولىسۋ:

 ەلباسى نۇرسۇلتان نازارباەۆ «قازاقستان رەسپۋبليكاسىنىڭ كونستيتۋتسيياسىنا وزگەرىستەر مەن تولىقتىرۋلار ەنگىزۋ تۋرالى» 2017 جىلعى 10 ناۋرىزداعى قازاقستان رەسپۋبليكاسىنىڭ زاڭىن ىسكە اسىرۋ جونىندەگى شارالار كەشەنى تۋرالى قاۋلىعا قول قويدى.

قاۋلى ماتىنى تومەندەگىدەي:
1. بارلىق دەڭگەيدەگى ورتالىق جانە جەرگىلىكتى مەملەكەتتىك ورگاندار, جەرگى­لىكتى وزىن-وزى باسقارۋ ورگاندارى پارلامەنتتىڭ, ۇكىمەتتىڭ جانە وزگە دە مەملەكەتتىك ورگانداردىڭ وكىلەتتىكتەرى مەن جاۋاپكەرشىلىگىنىڭ كولەمىن كەڭەيتۋ جاعدايىندا مەملەكەتتىك اپپاراتتىڭ ۇزدىكسىز جۇمىس ىستەۋىن قامتاماسىز ەتۋ بويىنشا بارلىق قاجەتتى شارالاردى قابىلداسىن.
2. قازاقستان رەسپۋبليكاسىنىڭ پار­لامەنتىنە «قازاقستان رەسپۋبلي­كاسىنىڭ كونستيتۋتسيياسىنا وزگەرىستەر مەن تولىقتىرۋلار ەنگىزۋ تۋرالى» 2017 جىلعى 10 ناۋرىزداعى قازاقستان رەسپۋبليكاسى زاڭىنىڭ (بۇدان ارى – زاڭ) تالاپتارىنا سايكەس پارلامەنتتىڭ جانە ونىڭ پالاتالارىنىڭ قىزمەتىن قامتاماسىز ەتەتىن شارالاردى قابىلداۋ ۇسىنىلسىن.
3. قازاقستان رەسپۋبليكاسىنىڭ ۇكى­مەتى ورتالىق جانە جەرگىلىكتى اتقا­رۋشى ورگانداردىڭ وكىلەتتىكتەردىڭ قوسىمشا كولەمىمەن جۇمىسقا فۋنكتسيونالدىق دايىندىعىنا تالداۋ مەن باعالاۋدى جەدەل جۇرگىزسىن جانە اتقارۋشى ورگان­داردىڭ جاڭا ۇيىمدىق-قۇقىقتىق جاع­دايلاردا تيىمدى جۇمىس ىستەۋىن قام­تاماسىز ەتەتىن شارالاردى قابىلداسىن.
بۇل جۇمىستىڭ قورىتىندىلارى تۋرالى قازاقستان رەسپۋبليكاسىنىڭ پرەزيدەنتىنە بايانداسىن.
4. قازاقستان رەسپۋبليكاسى پرەزي­دەنتىنىڭ زاڭ شىعارۋ باستاماسى تارتىبىمەن قازاقستان رەسپۋبليكاسى پارلامەنت ماجىلىسىنىڭ قاراۋىنا مىنالار ەنگىزىلەدى دەپ ايقىندالسىن:
1) «قازاقستان رەسپۋبليكاسىنىڭ پرە­زي­دەنتى تۋرالى», «قازاقستان رەسپۋب­ليكا­سىنىڭ تۇڭعىش پرەزيدەنتى – ەلباسى تۋرا­لى», «قازاقستان رەسپۋبليكاسىنىڭ پار­لامەنتى جانە ونىڭ دەپۋتاتتارىنىڭ مار­تەبەسى تۋرالى», «قازاقستان رەسپۋب­لي­كا­سىنىڭ ۇكىمەتى تۋرالى», «قازاقستان رەسپۋبليكاسىنىڭ كونستيتۋتسييالىق كە­ڭەسى تۋرالى», «قازاقستان رەسپۋبلي­كا­سى­نىڭ سوت جۇيەسى مەن سۋديالارىنىڭ مارتەبەسى تۋرالى», «قازاقستان رەسپۋب­­لي­كاسىنداعى سايلاۋ تۋرالى», «رەس­پۋب­ليكالىق رە­فە­رەندۋم تۋرالى» كونستيتۋ­تسييا­لىق زاڭداردى زاڭعا سايكەس كەلتىرۋدى كوزدەيتىن كونس­تيتۋتسييالىق زاڭنىڭ جوباسى;
2) «پروكۋراتۋرا تۋرالى» قا­زاقستان رەسپۋبليكاسى جاڭا زاڭىنىڭ جوباسى.
5. قازاقستان رەسپۋبليكاسى پرەزي­دەنتىنىڭ اكىمشىلىگى مۇددەلى مەملەكەتتىك ورگاندارمەن بىرلەسىپ:
1) وسى جارلىقتىڭ 4-تارماعىندا كوزدەلگەن زاڭنامالىق اكتىلەر جوبالارىن ازىرلەۋدى جانە قازاقستان رەسپۋبليكاسى پرەزيدەنتىنىڭ قاراۋىنا ەنگىزۋدى قام­تاماسىز ەتسىن;
2) قازاقستان رەسپۋبليكاسى پرەزي­دەنتىنىڭ قولدانىستاعى اكتىلەرىن زاڭعا سايكەس كەلتىرۋ جونىندەگى شارالاردى قابىلداسىن.
6. قازاقستان رەسپۋبليكاسىنىڭ ۇكىمەتى ەكى اي مەرزىمدە:
1) وزگە دە زاڭنامالىق اكتىلەردى زاڭعا سايكەس كەلتىرۋدى قامتاماسىز ەتەتىن شارالار قابىلداسىن;
2) ۇكىمەتتىڭ, ورتالىق جانە جەرگىلىكتى اتقارۋشى ورگانداردىڭ, سونداي-اق ماس­ليحاتتاردىڭ اكتىلەرىنە رەۆيزييا جۇرگىزۋدى جانە ولاردى زاڭعا سايكەس كەلتىرۋدى قامتاماسىز ەتسىن.
7. قازاقستان رەسپۋبليكاسىنىڭ كونستيتۋتسييالىق كەڭەسى, جوعارعى سوتى, ورتالىق سايلاۋ كوميسسيياسى, سونداي-اق قازاقستان رەسپۋبليكاسىنىڭ پرەزي­دەنتىنە تىكەلەي باعىناتىن جانە ەسەپ بەرەتىن مەملەكەتتىك ورگاندار وزدەرى قا­بىلداعان نورماتيۆتىك قۇقىقتىق اكتى­لەردى قايتا قاراۋ جانە زاڭعا سايكەس كەل­تىرۋ جونىندەگى شارالاردى قابىل­داسىن.
8. قازاقستان رەسپۋبليكاسىنىڭ سىرتقى ىستەر مينيسترلىگى قازاقستاننىڭ شەتەلدىك جانە حالىقارالىق ارىپتەستەرىنە كونستيتۋتسييالىق رەفورماعا سايكەس ەلدىڭ مەملەكەتتىك قۇرىلىمىندا بولعان وزگەرىستەردىڭ مانى مەن مازمۇنى تۋرالى اقپاراتتى جەتكىزۋدى قامتاماسىز ەتسىن.
9. قازاقستان رەسپۋبليكاسى پرەزي­دەنتىنىڭ اكىمشىلىگى جانە قازاقستان رەس­پۋبليكاسىنىڭ ۇكىمەتى وسى جارلىقتى ىسكە اسىرۋ جونىندەگى وزگە دە شارالاردى قابىلداسىن.
10. وسى جارلىقتىڭ ورىندالۋىن با­قىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.
11. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

بولىسۋ:

پىكىر جازۋ


*