ۇلىبريتانييا ەلشىسىن قابىلدادى

1391
0
بولىسۋ:

ماجىلىس توراعاسى نۇرلان نىعماتۋلين ۇلىبريتانييا جانە سولتۇستىك يرلاندييا بى­رىككەن كورولدىگىنىڭ قازاقستانداعى توتەنشە جانە وكىلەتتى ەلشىسى كەرولين براۋندى قابىل­دادى.
اڭگىمە اياسىندا تاراپتار «قاۋىپسىز, ادىل جانە گۇلدەنگەن الەم قۇرۋ ۇشىن جاھاندىق سەرىكتەستىكتى نىعايتۋداعى قازاقستاننىڭ تۇ­جى­رىمدامالىق كوزقاراسى» ساياسي ۇندەۋىن العا تارتا وتىرىپ, قازاقستاننىڭ بۇۇ قاۋىپ­سىزدىك كەڭەسىندەگى جۇمىسىنىڭ باسىم­دىق­تارىنا توقتالدى. كەزدەسۋ كەزىندە ايرىق­شا كوڭىل اۋدارىلعان تاقىرىپتىڭ بىرى – قازاق­ستان پرەزيدەنتى نۇرسۇلتان نازارباەۆتىڭ باستاماسىمەن جۇرگىزىلگەن بيلىك تارماق­تارى اراسىندا وكىلەتتىكتەردى قايتا بولۋ ما­سەلەسى. ەلشى حانىم جاڭا باستامانى قازاق­ستاننىڭ تۇراقتى دامۋى جولىنداعى ماڭىزدى قادام دەپ باعالاي كەلىپ, ەلىمىزدە جۇرگىزىلگەن كونس­تيتۋتسييالىق رەفورماعا بايلانىستى جىلى لەبىزىن جەتكىزدى.
ماجىلىس توراعاسى ەكى ەل اراسىنداعى قا­رىم-قاتىناسقا جىتى كوڭىل بولە كەلىپ, وتكەن جىلى سىرتقى ساۋدا اينالىمىنىڭ 1,2 ملرد دول­لاردى قۇراعاندىعىن اتاپ وتتى. ن.نىعما­تۋلين قازاقستاندا 860 بريتاندىق بيزنەس كومپانييالارى تىركەلگەندىگىن العا تارتا كەلە: «بىز جاڭا ەكونوميكالىق ساياسات جانە يندۋس­ترييالىق-يننوۆاتسييالىق دامۋ باعدارلاماسى اياسىندا قازاقستاندا يننوۆاتسييالىق جوبا­لاردى جۇزەگە اسىرۋ ۇشىن بريتاندىق كاپي­تالدىڭ قاتىسۋىنا مۇددەلىمىز», – دەدى.
جۇزدەسۋ بارىسىندا استانادا وتەتىن «ەكسپو – 2017» حالىقارالىق كورمەسى دە نازاردان تىس قالمادى. وسى رەتتە ماجىلىس تو­راعاسى بريتاندىق پاۆيلون قازاقستاندىق­تار مەن شەتەلدىك قوناقتاردىڭ ەرەكشە ىقىلاسىنا يە بولاتىنىنا سەنىم بىلدىردى. سونىمەن قاتار تاراپتار زاڭ شىعارۋ جۇمى­سىندا پارلا­مەنتارالىق بايلانىستاردى تەرەڭدەتۋدىڭ ما­ڭىزدىلىعىنا كوڭىل بولىپ, تاجىريبە الماسۋ­دىڭ تۇرلى جولدارىن اتاپ وتتى.

ەرشاي ازىرەت

بولىسۋ:

پىكىر جازۋ


*