ورتالىق ازييا تۇراقتىلىعىنىڭ تەمىرقازىعى

1503
0
بولىسۋ:

نيۋ-يوركتەگى جۇمىسقا دەپۋتاتتار دا اتسالىسادى.
ماجىلىستە, «ۇكىمەت ساعاتى» اياسىندا قازاقستاننىڭ الەمدىك ارەناداعى ىس-قيمىلدارى مەن ديپلوماتيياسى تۋرالى بايانداعان سىرتقى ىستەر مينيسترى قايرات ابدىراحمانوۆ قالاۋلىلاردى ەلەڭ ەتكىزگەن وسىنداي مالىمدەمە جاسادى. ول سونداي-اق الداعى جىلدىڭ قاڭتارىندا ەلىمىز وز تاريحىندا تۇڭعىش رەت جاھاندىق قاۋىپسىزدىككە جاۋاپتى قۇرىلىمعا – بۇۇ قاۋىپسىزدىك كەڭەسىنە توراعالىق ەتەتىنىن جارييالادى.
قازاقستان رەسپۋبليكاسى بيىل بۇۇ قاۋىپسىزدىك كەڭەسىنىڭ 2017-2018 جىل­­دار­داعى مۇشەسى قىزمەتىنە كىرىس­كەنى مالىم. وسى­لايشا, قازاق ەلى الەم­دەگى قاۋىپسىزدىك جايىن انىقتاپ, وعان تونگەن سىن-قاتەرگە قار­سى تۇرۋ ما­سەلەلەرىنە ىقپال ەتەتىن 15 مەم­لە­كەتتىڭ بىرىنە اينالدى.
ەلىمىزدىڭ سىرتقى ساياسات ۆە­دوم­ستۆو­سى­نىڭ باسشىسى بۇۇ قاۋىپ­سىز­دىك كەڭەسىندەگى جۇ­مىسقا «شەكتەۋلى, ارنايى ماسەلەلەردى پى­سىقتاۋ ۇشىن» تيىستى وتاندىق مينيستر­لىك­تەر مەن ۆەدومستۆولاردىڭ ساراپشىلارى قاتىستىرىلاتىنىن جەتكىزدى.
– سونداي-اق تەرروريزمگە قارسى كۇ­رەس ما­سەلەلەرى, بىتىمگەرشىلىك, دى­ني ەكست­رە­ميزم مەن راديكاليزمگە قار­سى كۇرەس بويىن­­شا ارتۇرلى قۇ­زىر­­لى مەمورگاندار جار­دەمدەسۋدە. بۇعان قوسا, باسىمدىقتى ما­سەلەلەر بويىنشا قازاقستان پار­لا­مەن­تىنىڭ دە­پۋتاتتارى دا نيۋ-يوركتەگى جۇ­مىس­­قا قاتىسۋى مۇمكىن. بۇۇ قاۋىپ­سىز­دىك كەڭە­سىنىڭ وتىرىسىنا وز تا­قى­رىپ­تارىڭىز بويىن­شا سىزدەردى دە شا­قىرۋ بىز ۇشىن ۇل­كەن قۇرمەت. وتى­رىس­تارعا دەپۋتاتتاردىڭ قا­تىسۋى قا­جەت بولعان جاعدايدا, بىزدىڭ مي­نيستر­لىك پارلامەنتتى الدىن الا اق­­پاراتتاندىرادى جانە تيىستى ىس-شا­راعا ات­سالىسۋ بويىنشا ۇسىنىس­تار بەرەدى, – دە­دى دەپۋتاتتىق كورپۋس­قا قايىرىلعان قاي­رات ابدى­راح­مانوۆ.
ول ەلىمىزدىڭ جاھاندىق «ەليتار­لىق كلۋب­­قا» جەتەكشىلىك ەتەر مەرزى­مىن اتادى.
– بىزدىڭ قاۋىپسىزدىك كەڭەسىندەگى تۇراق­­تى ەمەس مۇشەلىگىمىزدىڭ شىرقاۋ شەگى – اي سايىن روتاتسييالىق تۇردە جاڭا­راتىن تو­را­عا­لىق بولماق, ول قا­زاقستاننىڭ ۇلەسىنە 2018 جىلدىڭ قاڭ­تارىندا تيەدى! – دەگەن سىرت­قى ىس­تەر مينيسترى قازاقستاندىق تو­را­عا­لىق جەكە قۇجات قابىلداۋمەن ادىپ­تەلەتىنىن ايتتى. بۇل – بۇۇ قاۋىپ­سىز­دىك كەڭە­سىنىڭ ارناۋلى قارارى بولۋى مۇمكىن, بىراق ول جاعدايدا قا­زاقستانعا جاھاندىق ۇيىمنىڭ وسى جوعارعى ورگانىنا تۇراقتى مۇ­شە 5 مەملەكەتتىڭ (اقش, قىتاي, رە­سەي, ۇلىبريتانييا, فرانتسييا) جا­نە ەلىمىز سيياق­تى ەكى جىلعا ۋاقىتشا كى­رەتىن 10 ەلدىڭ با­رىنىڭ كەلىسىمىن الۋ­عا تۋرا كەلمەك. دال قازىر بۇۇ قك-نىڭ تۇراقتى ەمەس مۇشەلەرى قا­تا­رىندا قازاقستان سىرتىندا, بو­ليۆييا (2018 جىلعا دەيىن), ەگيپەت (2017), يتالييا (2018), سەنەگال (2017), ۋكراينا (2017), ۋرۋگ­ۆاي (2017), شۆەتسييا (2018), ەفيوپييا (2018) جانە جاپونييا (2017) بار.
بولماسا, تاعى بىر نۇسقا رەتىندە «ور­­تا­لىق ازييا جانە اۋعانستان بويىن­شا كەڭەس توراعاسىنىڭ مالىم­دەمەسى» قاراس­تى­رىلۋدا ەكەن.
جالپى, مۇشەلىك اياسىندا مەم­لە­كەتىمىز كو­تەرەتىن ماسەلەلەر توپ­تا­ما­سى بەلگى­لەن­گەن. مۇنىڭ سىرتىندا تو­راعالىق باستال­عانعا دەيىن قازاق­ستان مۇددەلى ماسەلەلەردى قاۋىپسىزدىك كەڭەسىنىڭ مۇشەلەرىمەن پى­سىقتاۋ جانە كەلىسىمىن الۋ باعىتىندا جۇ­مىس جۇرگىزىلەدى.
– بۇۇ قك-نىڭ جانە بۇكىل الەم جۇرت­­شىلىعىنىڭ نازارىن ورتالىق ازييا بەتپە-بەت كەلىپ وتىرعان سىن-قا­تەرلەر مەن قاۋىپ­تەرگە اۋدارۋعا با­عىتتالعان بىزدىڭ بار­لىق قادام­دا­رىمىز وسى وڭىردەگى سەرىك­تەستەرى­مىز­بەن تىعىز ۇيلەسىمدە جۇرگىزىلەتىن بو­­لادى. قازاقستاننىڭ قاۋىپسىزدىك كەڭە­سىندەگى 2018 جىلعى قاڭتار بويى جۇ­رە­تىن توراعالىعى اياقتالعان سوڭ, قول جەت­كى­زىلگەن ۋاعدالاستىقتاردى يمپ­لەمەن­تاتسييا­لاۋ-تاجىريبەگە ەن­دىرۋ جۇزەگە اسىرىلادى, – دەدى ق.ابدىراحمانوۆ.
ايتكەنمەن, «ۇكىمەت ساعاتىندا» پا­لاتا اتى­نان قوسىمشا بايانداما جا­ساعان ما­جىلىستىڭ حالىقارالىق ىستەر, قورعانىس جا­نە قاۋىپسىزدىك كو­ميتەتىنىڭ توراعاسى ماۋ­لەن اشىم­باەۆ مەملەكەتتىڭ بۇعان دەيىن ورتا­لىق ازييانى (وا) «قاراۋسىز» قال­­­­دىرعانىن سىنعا الدى. ول ۇكى­مەت­تە كۇن سايىن وا ماسەلەلەرىمەن شۇ­عىلداناتىن جە­كە ماماندار تو­بىن قۇرۋدى ۇسىندى.

 

ايحان شارىپ

 

بولىسۋ:

پىكىر جازۋ


*